ເຈົ້າໜ້າທີ່ອອກ 13 ຂໍ້ຫ້າມໃນງານນະມັດສະການບຸນທາດຫຼວງ

 ເພື່ອເຮັດໃຫ້ງານບຸນນະມັດສະການພະທາດຫຼວງວຽງຈັນທີ່ຈະຈັດໃນມໍ່ໆນີ້ມີຄວາມເປັນລະບຽບຮຽບຮ້ອຍ ແລະຮັກສາໄດ້ວັດທະນະທຳຮີດຄອງປະເພນີອັນດີງາມຂອງລາວ ກອງບັນຊາການ ປກສ ນະຄອນຫຼວງວຽງຈັນໄດ້ອອກແຈ້ງການເຖິງພາກສ່ວນຕ່າງໆ ຕະຫຼອດຮອດມວນຊົນລາວ ແລະຊາວຕ່າງປະເທດທີ່ຈະມາທ່ຽວໃນນີ້ໄດ້ກໍານົດການນໍາໃຊ້ເສັ້ນທາງ, ສະຖານທີ່ຈອດລົດງານຕ່າງໆຈົ່ງໄດ້ເອົາໃຈໃສ່ປະຕິບັດຂໍ້ຫ້າມທີ່ກຳນົດໄວ້ 13 ຂໍ້ຄື:

      1.ຫ້າມໂຄສະນາທຸກຮູບແບບທີ່ຜິດຕໍ່ກົດໝາຍຂອງ ສປປ ລາວ.

      2. ຫ້າມຂາຍ ຫຼືນຳເອົາອາວຸດທຸກປະເພດລວມທັງມິດ-ພ້າ, ງ້າວ, ກະຖຸນ, ສະໜັບມື, ສາຍແອວຫົວໃຫຍ່ເຂົ້າໄປໃນງານບຸນໂດຍເດັດຂາດ ( ຍົກເວັ້ນໄດ້ຮັບ . ອະ ນຸຍາດຈາກເຈົ້າໜ້າທີ່ ).

      3. ຫ້າມຂາຍ ແລະນຳເອົາຢາເສບຕິດ, ທາດລະເບີດ, ທາດແຕກ, ທາດເບື່ອ, ສານເຄມີທີ່ອອກລິດຕໍ່ລະບົບປະສາດທຸກຊະນິດເຂົ້າມາໃນງານຢ່າງເດັດຂາດ.

      4. ຫ້າມນຳເອົາຜະລິດຕະພັນທີ່ຮຽນແບບ, ສີ້ນລາວນຳເຂົ້າມາວາງຂາຍພາຍໃນງານຢ່າງເດັດຂາດ.

      5. ຫ້າມນຳເຂົ້າ, ຊື້-ຂາຍ ຈູດໂຄມໄຟລອຍຟ້າ ແລະຈູດໝາກກະໂພກທຸກຊະນິດ, ທຸກລະດັບ.

      6. ຫ້າມວາງຂາຍເຄື່ອງເກີນຂອບເຂດອອກມາໜ້າຮ້ານທີ່ຄະນະກຳມະການຈັດງານຕະຫຼາດນັດກຳນົດໄວ້.

      7. ຫ້າມຂາຍ ແລະນຳເອົາຜະລິດຕະພັນວັດທະນະທຳທີ່ລາມົກ ແລະເຊື່ອມຊາມຕ່າງໆເຂົ້າມາໃນງານຢ່າງເດັດຂາດ.

      8. ຫ້າມຫຼີ້ນການພະນັນທຸກປະເພດ.

      9. ຫ້າມຂາຍເຄື່ອງໃສ່ລໍ້ຍູ້ຊະຊາຍໃນງານບຸນຢ່າງເດັດຂາດ.

     10. ຫ້າມດື່ມເຫຼົ້າ, ເບຍ ແລະສິ່ງມືນເມົາແລ້ວກໍ່ອາລະວາດຜິດຖຽງກັນ, ຕີກັນ, ສ້າງຄວາມບໍ່ສະຫງົບໃນງານບຸນເດັດຂາດ.

     11. ສຳລັບນັກສະແດງສິລະປະຢູ່ໃນງານບຸນ, ວາງສະແດງສິນຄ້າ, ຕະຫຼາດນັດແຕ່ລະຈຸດຕ້ອງແຕ່ງກາຍ ແລະນຸ່ງເຄື່ອງສຸພາບຮຽບຮ້ອຍໃຫ້ຖືກຕ້ອງຕາມຮີດຄອງປະເພນີລາວ.

ສະໜັບສະໜຸນໂດຍ: HONDA

     12. ຫ້າມຕອກເຫຼັກ ຫຼືສິ່ງຂອງຕ່າງໆ ໃສ່ພື້ນເດີ່ນພຣະທາດຫຼວງຢ່າງເດັດຂາດ.

     13. ຫ້າມນຳໃຊ້ໂດຼນ ຫຼືອຸປະກອນຖ່າຍພາບທາງອາກາດ, ຍົກເວັນແຕ່ທາງການອະນຸຍາດໃຫ້ພາກສ່ວນກ່ຽວຂ້ອງເທົ່ານັ້ນ.

ສະໜັບສະໜຸນໂດຍ: ສ່ວນບຸກຄົນ

__________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

 

 

แชร์