ເພັດຖາວອນ ສ້າງຮ້ານກາເຟ ແລະສວນສາທາລະນະ ເພື່ອບໍລິການແຂກບຸນທາດຫຼວງ

 ເພື່ອຮອງຮັບນັກທ່ອງທ່ຽວພາຍໃນ ແລະ ຕ່າງປະເທດທີ່ມາທ່ຽວຊົມສະຖານທີ່ທ່ອງທ່ຽວທາງດ້ານວັດທະນະທຳພະທາດຫຼວງວຽງຈັນ ໂດຍສະເພາະໄລຍະງານບຸນນະມັດ ສະການພະທາດຫຼວງວຽງຈັນ ທີ່ຈະຈັດຂຶ້ນວັນທີ 5-11 ພະຈິກ 2019 ບໍລິສັດ ເພັດຖາວອນ ກໍ່ສ້າງເຄຫາຂົວທາງ ແລະຊົນລະປະທານຈຳກັດ ໄດ້ມີການປັບປຸງສວນສາ ທາລະນະສະຖານທີ່ທ່ຽວຊົມ ແລະ ຂະຫຍາຍຮ້ານກາເຟສະຕາດາກຈຶງອີກ 1 ຮ້ານທີ່ບໍລິເວນເດີ່ນກົມມະລຽນດ້ານເບື້ອງວັດທາດຫຼວງໃຕ້.

ທ່ານ ນາງ ເພັດສະໝອນ ເພັງສະຫວັດ ປະທານບໍລິສັດ ເພັດຖາວອນກໍ່ສ້າງເຄຫາຂົວທາງ ແລະຊົນລະປະທານຈຳກັດໃຫ້ສຳພາດວ່າ: ໄດ້ຮັບເໝົາກໍ່ສ້າງເດີ່ນກົມມະລຽນພະທາດຫຼວງປີ 2009 ແລະໄດ້ຖືກມອບໝາຍໃຫ້ມາບົວລະບັດປົກປັກຮັກສາສວນສາທາລະນະໃນພື້ນທີ່ກົມມະລຽນພະທາດຫຼວງແຫ່ງຊາດຢູ່ເບື້ອງວັດທາດຫຼວງໃຕ້ເຂດນີ້ເມື່ອກ່ອນຈະມີຕົ້ນດອກເຂັມແລະມາຮອດປີ 2018-2019 ບໍລິສັດໄດ້ມາປັບປຸງເອົາດອກເຂັມອອກແລ້ວມາປະດັບປູກດອກໄມ້ສົດ ແລະ ສ້າງນໍ້າພຸນໍ້າຕົກເປັນວິວເຮັດໃຫ້ອາກາດໂລ່ງສົດໃສເປັນບ່ອນຄົນຍ່າງຜ່ານໄປມານັ່ງຊົມວິວທີວທັດ ແລະນັ່ງດື່ມກາເຟໃນຜ່ານມາເຂດນີ້ຈະບໍ່ມີຮ້ານກາເຟມີແຕ່ສະຖານທີ່ບໍລິການຫ້ອງນໍ້າສະອາດເທົ່ານັ້ນປະ ຈຸບັນໄດ້ສ້າງຮ້ານກາເຟ 2 ຮ້ານທີ່ເປັນກາເຟມາຈາກເມືອງດາກຈຶງ ແຂວງເຊກອງ ໂດຍໄດ້ຈົດທະບຽນຈາກກະຊວງວິທະຍາສາດ ແລະເຕັກໂນໂລຊີຊື່ວ່າຮ້ານກາເຟສະຕາດາກຈຶງ ແລະຜ່ານການເປີດບໍລິການມາໄລຍະໜຶ່ງເຫັນວ່າແຂກ ແລະນັກທ່ອງທ່ຽວທີ່ມາທ່ຽວຊົມພະທາດຫຼວງກໍໄດ້ມາແວະດື່ມກະເຟອໍແກນິກ(ປອດສານພິດ)ມີຄວາມຖືກໃຈດົດຊາດຫອມນຸ້ມນວນ ແລະລາຄາກໍສົມເຫດສົມຜົນບໍ່ແພງໂດຍບໍລິສັດໄດ້ຊຸກຍູ້ສົ່ງເສີມປະຊົາຊົນເຜົ່າເຂດເມືອງດາກຈຶງປູກກາເຟສະໜອງໃຫ້ດັ່ງນັ້ນຜູ້ທີ່ມາທ່ອງທ່ຽວປະເທດລາວກໍຄືມາທ່ຽວພະທາດຫຼວງຂໍເຊີນຊວນມາທ່ຽວສວນສາທາລະນະ ແລະດື່ມກາເຟດາກຈຶງກາເຟລາວທີ່ມີລົດຊາດແຕກຕ່າງກັບກາເຟຕ່າງປະເທດຢູ່ສະຖານ ທີ່ແຫ່ງນີ້ໂດຍການປຸງແຕ່ງກາເຟທີ່ມີຫຼາຍສູດທີ່ເອົາກາເຟສົດມາຂົ້ວກັບທີ່ໃຫ້ມັນໄດ້ລົດຊາດ.

  ສະເພາະສະຖານທີ່ສວນສາທາລະນະແຫ່ງນີ້ປີ 2018 ໄດ້ມີການປັບປຸງເບື້ອງຂວາ ແລະປີ 2019 ໄດ້ສືບຕໍ່ປັບປຸງເບື້ອງຊ້າຍຈະມີເຮືອນຊົງລາວຮູບແບບຫຼວງພະບາງເກີດຂຶ້ນອີກ 1 ຫຼັງ ເພື່ອຂະຫຍາຍເປັນຮ້ານກາເຟດ້ານໃນຈະເປັນຫ້ອງແອແລະດ້ານນອກຈະມີສວນດອກໄມ້ມີໂຕະຕັ່ງໃຫ້ນັ່ງດື່ມກາເຟຊົມວິວໄປນຳເຊິ່ງຈະມີຕົ້ນສາມສາ ແລະ ຕົ້ນໂພໃຫຍ່ເປັນຮົ່ມເພື່ອເອົາອາກາດສົດຕະຫຼອດວັນ ແລະ ຈຸດນີ້ກໍເປັນຈຸດຢູ່ເຂດເດີ່ນກົມມະລຽນພະທາດຫຼວງທີ່ສູງ ແລະໄດ້ວິວທີ່ດີກວ່າໝູ່ທຽບໃສ່ຈຸດອື່ນໆ ໂດຍລວມແລ້ວເຂດນີ້ນອກຈາກເປັນຈຸດຊົມວິວແລ້ວຍັງມີບໍລິການກາເຟບໍລິການນໍ້າປັ່ນໝາກໄມ້ ແລະບໍລິການຫ້ອງນໍ້າສະອາດເພື່ອສ້າງລາຍຮັບໃຫ້ກຳມະກອນຂອງບໍລິສັດ ແລະ ສ້າງວຽກເຮັດງານທຳໃຫ້ນັກຮຽນ-ນັກສຶກສາ ແລະງານບຸນນະມັດສະການພະທາດຫຼວງປີນີ້ເຂດດັ່ງກ່າວຈະບໍ່ໃຫ້ຂາຍເຄື່ອງຕ່າງກັບປີຜ່ານມາເພື່ອສ້າງໃຫ້ເຂດນີ້ມີຄວາມສະອາດເນື່ອງຈາກມີຮ້ານກາເຟບໍລິການແລ້ວຈະໃຫ້ມານັ່ງດື່ມກາເຟແບບເປັນໂຕະ ແລະ ແບບປູສາດຕາມພື້ນທັງດື່ມກາເຟທັງຊົມວິວໄປພ້ອມໂດຍເຂດນີ້ໄດ້ມີການປັບປຸງດ້ວຍການປູກດອກໄມ້ຕົ້ນໄມ້ປະດັບປູກຫຍ້າ ແລະ ສວນຜັກເພື່ອໃຫ້ຜູ້ທີ່ເຂົ້າມາທ່ຽວໄດ້ຊົມແບບທຳມະຊາດ.

ສະໜັບສະໜຸນໂດຍ: ສ່ວນບຸກຄົນ

  ທ່ານ ນາງ ເພັດສະໝອນ ເພັງສະຫວັດ ຍັງກ່າວຕື່ມວ່າ: ສະຖານທີ່ສວນສາທາລະນະແຫ່ງນີ້ຈະມີການປັບປຸງໄປເລື້ອຍໆ ແລະປີຕໍ່ໄປຈະນຳເອົາດອກໄມ້ແຕ່ລະລະດູການມາປູກໃຫ້ມັນງົດງາມຕະຫຼອດປີເປັນຕົ້ນໄລຍະອາກາດຮ້ອນອາກາດໜາວ ແລະ ໄລຍະຝົນປະຕູໂຂງເຂົ້າສວນແຕ່ລະຈຸດກໍໄດ້ປູກດອກໄມ້ສົດສ້າງເປັນປະຕູໂຂງ ແລະ ອື່ນໆ ເພື່ອປະດັບປະດາໃສ່ເດີ່ນກົມມະລຽນພະທາດຫຼວງໃຫ້ມີຄວາມໂດດເດັ່ນ ແລະງົດງາມຂຶ້ນຕື່ມທັງນີ້ກໍເພື່ອສ້າງສິ່ງດຶງດູດໃຫ້ແກ່ແຂກນັກທ່ອງທ່ຽວທັງພາຍໃນ ແລະຕ່າງປະເທດທີ່ມາຢ້ຽມຢາມທ່ຽວຊົມນະຄອນຫຼວງວຽງຈັນໂດຍສະເພາະທ່ຽວຊົມສະຖານທີ່ທ່ອງທ່ຽວພະທາດຫຼວງຈະໄດ້ມີບ່ອນແວຊິມກາເຟລາວ.

___________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์