ລັດກຳນົດລາຍການສິນຄ້າ ທີ່ໃຫ້ນຳເຂົ້າຜ່ານດ່ານຊາຍແດນທ້ອງຖິ່ນ-ປະເພນີ

  ເພື່ອຮັບປະກັນການຈັດຕັ້ງປະ ຕິບັດ, ການຄຸ້ມຄອງສິນຄ້າ, ເຄື່ອງຂອງ ທີ່ສົ່ງອອກ-ນຳເຂົ້າຜ່ານດ່ານຊາຍແດນ ທ້ອງຖິ່ນແລະດ່ານຊາຍແດນປະເພນີ ໃຫ້ຖືກຕ້ອງຕາມກົດໝາຍ ແລະລະບຽບການທີ່ກ່ຽວຂ້ອງ, ທັງເປັນເອກະພາບກັນໃນຂອບເຂດທົ່ວປະເທດ, ກະຊວງການເງິນຈຶ່ງໄດ້ອອກຄຳແນະນຳສະບັບເລກທີ 3708/ກງ, ລົງວັນທີ 16 ກັນຍາ 2019, ໂດຍໃນນັ້ນໄດ້ລະບຸລະອຽດກ່ຽວກັບສິນຄ້າທີ່ໃຫ້ນຳເຂົ້າຕົ້ນຕໍສິນຄ້າເຄື່ອງຂອງອຸປະໂພກ-ບໍລິໂພກສຳ ລັບຮັບໃຊ້ຄົວເຮືອນ, ເຄື່ອງມືກົນຈັກຮັບໃຊ້ການຜະລິດກະສິກຳ, ສິນຄ້າກະສິກຳກ່ຽວກັບພືດ, ຜະລິດຕະພັນພືດ ແລະສັດ.

 ໃນຄຳແນະນຳຂອງທ່ານ ສົມດີ ດວງດີ ຮອງນາຍົກລັດຖະມົນຕີລັດຖະມົນຕີກະຊວງການເງິນໄດ້ລະບຸຢ່າງລະອຽດຕໍ່ກັບປະເພດສິນຄ້າ, ເຄື່ອງຂອງສົ່ງອອກ-ນຳເຂົ້າຜ່ານດ່ານຊາຍແດນທ້ອງຖິ່ນ ແລະດ່ານຊາຍແດນປະເພນີໂດຍສະເພາະລາຍການສິນຄ້າ, ເຄື່ອງຂອງທີ່ໄດ້ຮັບອະນຸຍາດນຳເຂົ້າກໍຄືສິນຄ້າ, ເຄື່ອງຂອງອຸປະໂພກ-ບໍລິໂພກ ສຳລັບຮັບໃຊ້ໃນຄົວເຮືອນຂອງປະຊາຊົນ (ທີ່ບໍ່ເປັນລັກສະນະການຄ້າ), ພ້ອມນັ້ນໃນຂົງເຂດກະສິກຳກໍໄດ້ກຳນົດລະອຽດເປັນຕົ້ນແມ່ນເຄື່ອງມື ແລະ ກົນຈັກຮັບໃຊ້ການຜະລິດກະ ສິກຳເຊັ່ນ:

  ລົດໄຖນາເດີນຕາມ, ຈັກສູບນໍ້າ, ຈັກຟາດເຂົ້າ, ໂຮງສີເຂົ້ານ້ອຍ ແລະເຄື່ອງບົດອາຫານສັດແມ່ນອະນຸຍາດໃຫ້ມີຢ່າງລະ 1 ເຄື່ອງຕໍ່ 1 ຄອບຄົວ, ສ່ວນອຸປະກອນປ້ອງກັນພືດ (ບັ້ງສີດ, ກັບດັກສັດຄູພືດ, ສາຍຢາງສຳລັບພົ່ນຢາປາບສັດຕູພືດ) ແມ່ນໃຫ້ 3 ຊຸດ ຕໍ່ຄອບຄົວ. ສຳລັບສິນຄ້າກະສິກຳກ່ຽວກັບພືດ ແລະ ຜະລິດຕະພັນພືດຕົ້ນຕໍແນວພັນສາລີແມ່ນ 10 ກິ ໂລຕໍ່ຄົນຕໍ່ວັນ, ແນວພັນຜັກ 200 ກຣາມ ແລະແນວພັນຕະກຸນຖົ່ວ 5 ກິໂລຕໍ່ຄົນຕໍ່ວັນ, ສະເພາະເບ້ຍໄມ້ໃຫ້ໝາກ, ເບ້ຍໄມ້ປະດັບ ແລະເບ້ຍໄມ້ອຸດສາຫະກຳແມ່ນ 10 ເບ້ຍຕໍ່ຄົນຕໍ່ວັນ, ເຊື້ອເຫັດ 10 ແກ້ວຕໍ່ຄົນຕໍ່ວັນ, ໝາກໄມ້ສົດລວມ 10 ກິໂລ, ພືດຜັກສົດ 5 ກິໂລ, ດອກໄມ້5 ກິໂລ, ພືດສະໝຸນໄພ ແລະ ເປັນຢາ 5 ກິໂລ, ເຫັດສົດ 5 ກິໂລຕໍ່ຄົນ ຕໍ່ວັນ, ຝຸ່ນອົງຄະທາດ 2 ສອບ (ເປົາ), ຝຸ່ນ ວິທະຍາສາດ ຫຼືຝຸ່ນເຄມີ 2 ສອບຕໍ່ຄົນ ຕໍ່ວັນ, ສ່ວນຢາປາບສັດຕູພືດຊີວະພາບ (ເຊື້ອຊີວະວິທະຍາ ແລະສານສະກັດຈາກພືດຕ່າງໆ) ປະລິມານບໍ່ໃຫ້ເກີນຊະນິດນ້ຳ 1 ລິດ ຫຼືຊະນິດຝຸ່ນ 300 ກຣາມຕໍ່ຄົນຕໍ່ວັນ.

ສະໜັບສະໜຸນໂດຍ: HONDA

  ສະເພາະສິນຄ້າກະສິກຳກ່ຽວກັບສັດ ແລະປະມົງເປັນຕົ້ນອາຫານສັດສຳເລັດຮູບແມ່ນ 30 ກິໂລຕໍ່ຄົນຕໍ່ອາທິດ, ອາຫານທະເລສົດ 3 ກິໂລ ແລະອາຫານທະເລແຫ້ງ 2 ກິໂລຕໍ່ຄົນຕໍ່ອາທິດ, ແກ່ນຫຍ້າອາຫານສັດ 15 ກິໂລຕໍ່ຄົນຕໍ່ຄັ້ງ, ລູກປາທີ່ມີຄວາມຍາວ 3-5 ຊັງຕິແມັດ 500 ໂຕຕໍ່ຄົນຕໍ່ອາທິດ, ນອກນັ້ນຍັງມີເຄື່ອງມືສຳລັບລ້ຽງສັດນໍ້າ ແລະສັກບົກທີ່ບໍ່ມີລັດສະນະການຄ້າອີກດ້ວຍ.

ສະໜັບສະໜຸນໂດຍ: ສ່ວນບຸກຄົນ

__________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์