ກຸງສີ ເປີດຜະລິດຕະພັນໃໝ່ ໂອນເງິນລາວ-ໄທໄວຂື້ນ

 ວັນທີ 28 ຕຸລາຜ່ານມາທະນາຄານກຸງສີອະຍຸທະຍາຈຳກັດ (ມະຫາຊົນ) ໄດ້ເປີດຜະລິດຕະພັນໃໝ່ KrungsriBlockchainInterledger ໂອນເງິນຈາກປະເທດລາວໄປປະເທດໄທຜ່ານລະບົບທີ່ທັນສະໄໝຊຶ່ງຈະຊ່ວຍໃຫ້ທຸລະກິດການຄ້າລາວ-ໄທ ມີຄວາມສະດວກຂຶ້ນໂດຍເຂົ້າຮ່ວມຂອງ ທ່ານ ແດນ ຮາໂຊໂນ່ ປະທານກຸ່ມທຸລະກິດລູກ ຄ້າລາຍຍ່ອຍແລະລູກຄ້າບຸກຄົນທະນາຄານກຸງສີອະຍຸທະຍາຈຳກັດມະຫາຊົນພ້ອມດ້ວຍບັນດາພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ແດນ ຮາໂຊໂນ່ ກ່າວວ່າ: ການຄ້າ ແລະການລົງທຶນລະຫວ່າງປະເທດລາວ-ໄທ ມີການເຕີບໃຫຍ່ຂະຫຍາຍຕົວ ແລະມີມູນຄ່າເພີ່ມຂຶ້ນຢ່າງຕໍ່ເນື່ອງທະນາຄານກຸງສີຈຶ່ງນຳນະວັດຕະກຳທາງການເງິນມາໃຊ້ເພື່ອສະໜັບສະໜູນທຸລະກິດການຄ້າສອງປະເທດໂດຍທະນາຄານນຳໄດ້ເປີດຕົວ KrungsriBlockchain Interledger ທີ່ຈະຊ່ວຍອຳນວຍຄວາມສະດວກໃຫ້ກັບຜູ້ປະກອບການທຸລະກິດລາວ-ໄທໃຫ້ສາມາດໂອນເງິນສຳເລັດພາຍໃນເວລາບໍ່ເຖິງນາທີກ້າວຂ້າມຂໍຈຳກັດເດີມທີ່ໃຊ້ເວລາຢ່າງໜ້ອຍ 1-3 ວັນ ແລະນະວັດຕະກຳດັ່ງກ່າວຍັງສາມາດຮອງຮັບທັງສະກຸນເງິນບາດ ແລະໂດລາ.

ສະໜັບສະໜຸນໂດຍ: ສ່ວນບຸກຄົນ

  ທະນາຄານກຸງສີເຊື່ອວ່າການເຕີບທາງເສດຖະກິດຂອງລາວໂດຍກຸງສີໄດ້ວິໄຈຄາດຄະເນການເຕີບໂຕຢູ່ທີ່ 6,4% ໃນປີ2019 ແລະ 6,5% ໃນປີ 2020, ຕົວເລກການລົງທຶນຂອງຕ່າງປະເທດຢູ່ລາວມີນັກລົງທຶນຈາກປະເທດໄທຢູ່ໃນອັນດັບຕົ້ນໆທີ່ລົງທຶນຢູ່ລາວ, ດັ່ງນັ້ນການເປີດຕົວນະວັດຕະກຳ Krungsri Blockchain Interled ger ຈະຊ່ວຍຂັບເຄື່ອນພາກທຸລະກິດລາວແລະໄທໃຫ້ຂະຫຍາຍຕົວໄດ້ຢ່າງໄວວາ.

ສະໜັບສະໜຸນໂດຍ: HONDA

   ປະຈຸບັນທະນາຄານກຸງສີອະຍຸທະຍາມີສາຂາຢູ່ລາວ 2 ສາຂາຄື: ສາຂານະຄອນຫຼວງວຽງຈັນແລະສາຂາແຂວງສະຫວັນນະເຂດນອກນັ້ນຍັງດຳເນີນທຸລະກິດສິນເຊື່ອໃຫ້ບໍລິການເຊົ່າຊື້ລົດ ແລະສິນເຊື່ອເພື່ອຊຳລະໃຫ້ແກ່ລູກຄ້າລາຍຍ່ອຍ ແລະລູກຄ້າທຸລະກິດໃນລາວພາຍໃຕ້ບໍລິສັດກຸງສີລິດຊິ້ງຊຶ່ງມີອັດຕາການເຕີບໂຕຢ່າງຕໍ່ເນື່ອງໃນ 5 ປີຜ່ານມາ.

_________

ຂຽນໂດຍ:  ສະເຫຼີມໄຊ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์