ໜ່ວຍພັກກົມກວດກາໄຂກອງປະຊຸມໃຫຍ່ ຄັ້ງທີ VI

  ວັນທີ 28 ຕຸລາ ຜ່ານມາກົມກວດກາໄດ້ຈັດກອງປະຊຸມໃຫຍ່ໜ່ວຍພັກຄັ້ງທີ VI ຂຶ້ນທີ່ກະຊວງອຸດສາຫະກຳ ແລະການຄ້າພາຍໃຕ້ການເປັນປະທານຂອງ ທ່ານ ພຸດທະວັນ ນັນທະວົງ ເລຂາໜ່ວຍພັກກົມກວດກາ, ທ່ານນາງ ເຂັມມະນີ ພົນເສນາ ເລຂາຄະນະບໍລິຫານງານພັກກະຊວງ, ລັດຖະມົນຕີ, ກະຊວງອຸດສາຫະກຳ ແລະ ການຄ້າ, ມີບັນດາຄະນະພັກກະຊວງ, ເລຂາ, ຮອງເລຂາ ແລະຜູ້ຕາງໜ້າຈາກບັນດາໜ່ວຍພັກອ້ອມຂ້າງອົງຄະນະພັກກະຊວງ, ພ້ອມທັງຜູ້ຕາງໜ້າ 3 ອົງການຈັດຕັ້ງມະຫາຊົນຂອງໜ່ວຍພັກເຂົ້າຮ່ວມ.

  ກອງປະຊຸມຄັ້ງນີ້ໄດ້ລົງປະຊາມະຕິເປັນເອກະພາບກັນຮັບຮອງເອົາທິດທາງແຜນການ 5 ປີໃນຕໍ່ໜ້ານັບແຕ່ປີ 2020-2025 ຊຶ່ງມີເນື້ອໃນຕົ້ນຕໍຄື: 1) ຍົກສູງຄຸນນະ ພາບຂອງວຽກງານການເມືອງ-ແນວຄິດ ແລະການຈັດຕັ້ງ, ເອົາໃຈໃສ່ປັບປຸງວຽກງານຄົ້ນຄວ້າ ທິດສະດີບົນພື້ນຖານຢຶດໝັ້ນທິດສະດີມາກ-ເລນິນ ທາດແທ້ປະຕິວັດຂອງຊົນຊັ້ນກຳມະກອນ ແລະອຸດົມການສັງຄົມນິຍົມຢ່າງເດັດດ່ຽວ;2) ເພີ່ມທະວີວຽກງານສ້າງພັກໃຫ້ໜັກແໜ້ນທາງດ້ານການຈັດຕັ້ງໂດຍຢຶດໝັ້ນຫຼັກການລວມສູນປະຊາທິ ປະໄຕ, ເສີມຂະຫຍາຍລະບອບປະຊາທິປະໄຕໄປພ້ອມກັບການເພີ່ມທະວີລະບຽບວິໄນພາຍໃນພັກຢ່າງເຂັ້ມງວດ; 3) ເຊີດຊູຄວາມເປັນແບບຢ່າງນຳໜ້າຂອງພະນັກງານສະ ມາຊິກພັກໃນທຸກການເຄື່ອນໄຫວວຽກງານ ແລະການດຳລົງຊີວິດ; 4)ສືບຕໍ່ປັບປຸງແບບແຜນການນຳພາຂອງພັກຕາມທິດເສີມຂະຫຍາຍແບບແຜນການນຳພາຕາມແນວທາງມະຫາຊົນອັນເປັນມູນເຊື້ອທີ່ດີງາມຂອງພັກເຮົາພ້ອມກັນນັ້ນກໍ່ຕ້ອງເສີມຂະຫຍາຍປະຊາທິປະໄຕພາຍໃນພັກ, ກຳຈັດປັດເປົ່າແບບແຜນອາດຍາສິດ, ອັດຕະວິໄສ ແລະຮູບການໃຫ້ໄດ້; 5) ເພີ່ມທະວີ ແລະຍົກສູງຄຸນນະພາບຂອງວຽກງານກວດກາດ້ວຍການຄົ້ນຄວ້າວາງລະບຽບການ ແລະກົນໄກອັນລະອຽດ, ເປັນລະບົບເພື່ອປະຕິບັດການຕິດຕາມ, ກວດກາຂອງການຈັດຕັ້ງຕໍ່ບຸກຄົນ, ການຕິດຕາມກວດກາລະຫວ່າງ ການຈັດຕັ້ງດ້ວຍກັນກໍ່ຄືການຕິດ ຕາມກວດກາແຕ່ລະຂັ້ນຕາມຂອບ ເຂດຄວາມຮັບຜິດຊອບໃຫ້ເປັນ ປົກກະຕິ, ປະສານສົມທົບການ ກວດກາຂອງພັກ, ຂອງລັດ ແລະ ຂອງປະຊາຊົນໃຫ້ເໝາະສົມກົມ ກຽວ, ປະຕິບັດລະບອບຕິດຕາມ ກວດກາເພື່ອສະກັດກັ້ນ, ສິ່ງຫຍໍ້ທໍ້, ສົ່ງເສີມ, ຂະຫຍາຍດ້ານຕັ້ງໜ້າ ແລະປັດໄຈໃໝ່ໃຫ້ດີກວ່າເກົ່າເອົາ ໃຈໃສ່ປັບປຸງວຽກງານປ້ອງກັນ ພັກໃຫ້ມີຄວາມໜັກແໜ້ນເຂັ້ມ ແຂງ; 6) ບຳລຸງສ້າງຖັນແຖວພະນັກງານ, ສະມາຊິກພັກທາງດ້ານຄວາມຮູ້ຄວາມສາມາດ, ຄຸນສົມບັດສິນທຳປະຕິວັດ ແລະດ້ານທັດສະນະຫຼັກໝັ້ນການເມືອງໃຫ້ໜັກແໜ້ນມີຄວາມຈົ່ງຮັກພັກດີຕໍ່ປະເທດຊາດ ແລະມີນໍ້າໃຈຮັບໃຊ້ຊາດ-ຮັບໃຊ້ປະຊາຊົນ, ມີແບບແຜນດຳລົງຊີວິດອັນໂປ່ງໃສແລະກ້າວໜ້າ, ມີສະຕິຕໍ່ການຈັດຕັ້ງ, ມີລະບຽບວິໄນ ແລະເຄົາລົບກົດໝາຍ.

ສະໜັບສະໜຸນໂດຍ: ສ່ວນບຸກຄົນ

  ກອງປະຊຸມດັ່ງກ່າວໄດ້ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່, ຊຶ່ງມີຜູ້ສະໝັກ 5 ສະຫາຍ ເລືອກເອົາ 3 ສະຫາຍ,ຜ່ານການເລືອກຕັ້ງເຫັນດີໃຫ້ສະຫາຍ ພຸດ ທະວັນ ນັນທະວົງ ເປັນເລຂາໜ່ວຍພັກ, ສະຫາຍ ເກີທ່າວ ເຈີເຈັງ ເປັນຮອງເລຂາໜ່ວຍພັກ, ສະຫາຍ ທາ ວົງແພງຄຳ ເປັນຄະນະໜ່ວຍພັກຮັບຜິດຊອບວຽກງານກວດກາໜ່ວຍພັກ.

ສະໜັບສະໜຸນໂດຍ: HONDA

_____________

ຂຽນໂດຍ: ສອນມະນີ ໄຊສະຫວັດ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์