ເອກະຊົນສຳປະທານປູກຕົ້ນແປກທີ່ຫົວພັນ

 ພິທີເຊັນສັນຍາສອງສະບັບວ່າດ້ວຍການລົງທຶນສໍາປະທານປູກຕົ້ນແປກ ແລະຂຸດຄົ້ນຢາງແປກຢູ່ເມືອງຫົວເມືອງແຂວງຫົວພັນລະຫວ່າງແຂວງ ແລະບໍລິສັດລັດວິສາຫະກິດຫົວພັນການຄ້າ ຂາອອກ-ຂາເຂົ້າຮ່ວມກັບກຸ່ມສະຫະກອນທຽນຟູ ສສ ຫວຽດນາມ ໄດ້ຈັດຂຶ້ນໃນວັນທີ 25 ຕຸລາ 2019  ທີ່ແຂວງຫົວພັນ, ລົງນາມເຊັນສັນຍາຕາງໜ້າ ແຂວງມີທ່ານ ແວວຄຳ ສໍວິປັນຍາ ຮອງຫົວໜ້າພະແນກແຜນການແລະການລົງ ທຶນ, ທ່ານ ເພັດໄຊ ໄຊສົມແພງ ຮອງຫົວໜ້າຂະແໜງປ່າໄມ້ພະແນກກະສິກຳ ແລະ ປ່າ ໄມ້ແຂວງ,

  ຝ່າຍບໍລິສັດແມ່ນທ່ານ ດອນແກ້ວ ວົງຂຸນຫອມ ອໍານວຍການລັດວິສາຫະກິດຫົວພັນການຄ້າຂາອອກ-ຂາເຂົ້າຄົບວົງຈອນ ແລະ ຮ່ວມເຊັນເປັນສັກຂີພິຍານມີທ່ານເຈົ້າເມືອງ-ເມືອງຫົວເມືອງ, ພະ ແນກກະສິກຳ ແລະປ່າໄມ້, ກຸ່ມສະຫະ ກອນທຽນຟູ ສສ ຫວຽດນາມ ໂດຍມີ ທ່ານພັນທອງ ເພັດໄຊ ສົມພັນ ຮອງ ເຈົ້າແຂວງໆຫົວພັນຜູ້ຊີ້ນໍາເສດຖະກິດຂັ້ນແຂວງ, ພາກສ່ວນກ່ຽວຂ້ອງຂັ້ນແຂວງ, ເມືອງຫົວເມືອງ ແລະບໍລິສັດເຂົ້າຮ່ວມເປັນສັກຂີພິຍານນໍາ.

  ໂຄງການລົງທຶນສຳປະທານປູກຕົ້ນແປກ ແລະຂຸດຄົ້ນຢາງແປກຢູ່ເມືອງຫົວ ເມືອງແຂວງຫົວພັນ ແມ່ນການລົງທຶນ ຂອງພາກເອກະຊົນ 100% ໂດຍແມ່ນບໍລິສັດລັດວິສາຫະກິດຫົວພັນການຄ້າຂາອອກ-ຂາເຂົ້າ ຮ່ວມກັບກຸ່ມສະຫະກອນທຽນຟູ ສສ ຫວຽດນາມ ເປັນຜູ້ລົງທຶນ, ໃນມູນຄ່າການລົງທຶນທັງໝົດ 6 ຕື້ກີບ ແລະທຶນໝູນວຽນ 4 ຕື້ກີບ ໄລຍະ ເວລາການສໍາປະທານແມ່ນ 20 ປີ ນັບ ແຕ່ 2019-2039, ມີເນື້ອທີ່ສໍາປະ ທານທັງໝົດ 26,89 ເຮັກຕາ ຢູ່ບ້ານ ບວມງາມ ແລະບ້ານປ່າແປກນອກນັ້ນຍັງຈະມີການປຸກສ້າງຫ້ອງການ, ສາງເກັບມ້ຽນສິນຄ້າ, ສວນສາທິດ, ສວນກ້າ ເບ້ຍໄມ້ຄາດວ່າຈະສະໜອງເບ້ຍໄມ້ໃຫ້ ໄດ້ປະມານ 150 ພັນເບ້ຍຕໍ່ປີ.

  ສ່ວນເນື້ອທີ່ຂຸດຄົ້ນຂອງປະຊາຊົນສຳລັບຂີດຢາງແປກຂາຍໃຫ້ບໍລິສັດກວມເອົາ 7 ບ້ານມີ 860,49 ເຮັກຕາ ແລະມີເນື້ອທີ່ປູກ 418,96 ເຮັກຕາ, ພ້ອມນີ້ບໍລິສັດຍັງໄດ້ວາງເງິນຄໍ້າປະກັນສັນຍາ 30 ພັນໂດລາ ແລະປະຕິບັດພັນທະອາກອນໃຫ້ແຂວງຫົວພັນຕາມລະບຽບ ແລະກົດໝາຍຢ່າງຄົບຖ້ວນເຊັ່ນ: ເງິນຄຸ້ມຄອງໂຄງການ, ຄ່າສຳປະທານ, ທຶນພັດທະນາເມືອງ, ທຶນພັດທະນາບ້ານບ່ອນໂຄງການຕັ້ງຢູ່ ແລະຕາມເງື່ອນໄຂອື່ນໆ.

 

__________

ຂຽນໂດຍ: ອາລຸນໄຊ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์