ນໍາເຂົ້າ-ສົ່ງອອກສິນຄ້າຈຳປາສັກຄຶກຄັກ ມູນຄ່າເພີ່ມຂື້ນເກືອບ 10%

ເຖິງແມ່ນວ່າສະພາບເສດຖະກິດໂດຍລວມຂອງແຂວງຈໍາປາສັກ ຈະມີການຂະຫຍາຍຕົວຊ້າລົງຈາກປີຜ່ານໆ ມາຍ້ອນບາງຂະແໜງການມີຄວາມອີ່ມຕົວບວກກັບຜົນກະ ທົບຈາກໄພທຳມະຊາດແຕ່ສໍາລັບບັນຍາກາດການນໍາເຂົ້າ ແລະສົ່ງອອກສິນຄ້າຂອງແຂວງຍັງຄົງສືບຕໍ່ຄຶກຄັກໃນລະດັບດີມູນຄ່າການນໍາເຂົ້າ ແລະສົ່ງອອກໃນ 9 ເດືອນປີ 2019 ບັນລຸແຜນການທີ່ ກໍານົດໄວ້ ຫຼືເພີ່ມຂຶ້ນຈາກປີກ່ອນເກືອບ 10%.

 ອີງຕາມບົດລາຍງານແຜນພັດທະນາວຽກງານອຸດສາຫະກໍາປຸງແຕ່ງ ແລະການຄ້າປະຈໍາເດືອນ 9 ແລະທິດທາງ 3 ເດືອນທ້າຍປີ 2019 ຮູ້ວ່າ: ຜ່ານການຈັດຕັ້ງປະ ຕິບັດວຽກງານດັ່ງກ່າວພະແນກອຸດສາຫະກໍາ ແລະ ການຄ້າແຂວງຈໍາປາສັກພາຍໃຕ້ການຊີ້ນໍາຢ່າງໃກ້ຊິດຕິດແທດຈາກອົງການປົກຄອງແຂວງ, ກໍ່ຄືກະຊວງອຸດສາຫະກໍາ ແລະການຄ້າ, ສາມາດຈັດຕັ້ງປະຕິບັດວຽກງານການນໍາເຂົ້າ ແລະສົ່ງອອກໄປຕາມແຜນການທີ່ກໍານົດໄວ້.

  ສະເພາະການນໍາເຂົ້າສິນຄ້າໃນປີນີ້ທັງໝົດສາມາດບັນລຸໄດ້ແລ້ວ 207 ລ້ານກວ່າໂດລາທຽບໃສ່ໄລຍະດຽວກັນຂອງປີກ່ອນເພີ່ມຂຶ້ນ 9% ແລະທຽບໃສ່ແຜນປີປະຕິບັດໄດ້ 68%, ໃນນັ້ນສິນຄ້ານໍາເຂົ້າມາຂາຍມີມູນຄ່າ 128 ລ້ານກວ່າໂດລາເພີ່ມຂຶ້ນ 17%, ທຽບໃສ່ແຜນປີປະຕິບັດໄດ້ 77% ແລະກວມເອົາ 62% ຂອງການນໍາເຂົ້າທັງໝົດ, ສິນຄ້າລັດຖະບານຄຸ້ມຄອງມີມູນຄ່າ 78 ລ້ານກວ່າໂດລາ, ທຽບໃສ່ໄລຍະດຽວກັນຫຼຸດລົງ 2%, ທຽບໃສ່ແຜນປີປະຕິບັດໄດ້ 58%, ການນໍາເຂົ້າສິນຄ້າຈາກນອກກຸ່ມອາຊຽນມີມູນຄ່າ 41 ລ້ານກວ່າໂດລາ.

  ສະໜັບສະໜຸນໂດຍ: HONDA

 ສໍາລັບລວມຍອດມູນຄ່າການສົ່ງອອກສິນຄ້າທັງໝົດແມ່ນບັນລຸໄດ້ 217 ລ້ານ ກວ່າໂດລາທຽບໃສ່ໄລຍະດຽວກັນຂອງປີກ່ອນເພີ່ມຂຶ້ນ 9%, ທຽບໃສ່ແຜນປີປະຕິບັດໄດ້ 71%, ສາເຫດທີ່ເຮັດໃຫ້ມູນຄ່າການສົ່ງອອກເພີ່ມຂຶ້ນຍ້ອນປີນີ້ມີການສົ່ງອອກສິນຄ້າທີ່ນອນໃນໂຄງກາ ContactFraming ເພີ່ມຂຶ້ນ, ປະກອບມີການສົ່ງອອກສິນຄ້າກະສີກໍາ (ວັດຖຸດິບ) ບັນລຸ 133 ລ້ານກວ່າໂດລາ ທຽບໃສ່ໄລຍະດຽວກັນເພີ່ມຂຶ້ນ 5%, ທຽບໃສ່ແຜນປີປະຕິບັດໄດ້ 71% ແລະກວມເອົາ 61% ຂອງການສົ່ງອອກທັງໝົດ.

ສະໜັບສະໜຸນໂດຍ: ສ່ວນບຸກຄົນ

________________

ຂຽນໂດຍ:   ພູມະນີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444