ມອບ-ຮັບໜ້າທີ່ລັດຖະມົນຕີກະຊວງ ຖວທ

ພິທີມອບ-ຮັບໜ້າທີ່ເລຂາຄະນະພັກ, ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວລະຫວ່າງຜູ້ເກົ່າ ແລະຜູ້ໃໝ່ໄດ້ຈັດຂຶ້ນວັນທີ 30 ຕຸລາ 2019 ທີ່ຫໍວັດທະນະທຳແຫ່ງຊາດນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມເປັນສັກຂີພິຍານຂອງທ່ານ ພັນຄຳ ວິພາວັນ ຮອງປະທານປະເທດພ້ອມນີ້ກໍມີທ່ານຮອງລັດຖະ ມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ບັນດາການນຳຂອງກະຊວງກ່ຽວຂ້ອງເຂົ້າຮ່ວມ.

  ອີງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານກົມການເມືອງສູນກາງພັກ ແລະລັດຖະບານໄດ້ຕົກລົງເຫັນດີແຕ່ງຕັ້ງທ່ານ ກິແກ້ວ ໄຂຄໍາພິທູນ ເປັນເລຂາຄະນະພັກ ແລະ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວຜູ້ໃໝ່ພາຍຫຼັງທີ່ທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວຜູ້ເກົ່າອອກຮັບເບ້ຍອຸດໜູນບໍານານ.

ສະໜັບສະໜຸນໂດຍ: ສ່ວນບຸກຄົນ

 ໃນພິທີດັ່ງກ່າວທ່ານ ກິແກ້ວ ໄຂຄຳພິທູນ ກໍ່ໄດ້ກ່າວໃຫ້ຄຳໝັ້ນສັນຍາວ່າຈະພະຍາຍາມສຸດຄວາມສາມາດນຳພາຂະແໜງຖະແຫຼງຂ່າວ, ວັດທະນະທຳ ແລະທ່ອງທ່ຽວໃຫ້ປະສົບຜົນສຳເລັດໃນທຸກ ດ້ານ, ພ້ອມທັງຮຽກຮ້ອງມາຍັງພະນັກ ງານທົ່ວຂະແໜງຈົ່ງເພີ່ມທະວີການຮ່ວມ ໄມ້ຮ່ວມມືໃນການພັດທະນາວຽກຕ່າງໆ ຂອງກະຊວງໃຫ້ກ້າວໜ້າໄປເລື້ອຍໆ.

  ສະໜັບສະໜຸນໂດຍ: HONDA

_______

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์