ເກີດເຫດແຜ່ນດິນໄຫວຢູ່ຟິລິບປິນ ເສຍຊີວິດ 9 ຄົນ

ວັນທີ 29 ຕຸລາທີ່ຜ່ານມາ ເກີດເຫດແຜ່ນດິນໄຫວຮຸນແຮງ ຂະໜາດ 6,6 ລິກເຕີ ໃນເກາະມິນ ດາເນົາທາງພາກໃຕ້ຂອງຟິລິບປິນ ຫຼ້າສຸດພົບຜູ້ເສຍຊີວິດແລ້ວຢ່າງ ໜ້ອຍ 9 ຄົນ ແລະໄດ້ຮັບບາດເຈັບ ຫຼາຍກວ່າ 100 ຄົນ.

ຕາມຂ່າວຕ່າງປະເທດລາຍ ງານວ່າ ໃນເວລາປະມານ 8 ໂມງ (ຕາມເວລາຂອງບ້ານເຮົາ)ຂອງວັນທີ 29 ຕຸລາທີ່ຜ່ານມາ ໄດ້ເກີດເຫດແຜ່ນດິນໄຫວຮຸນແຮງ ຂະໜາດ 6,6 ລິກເຕີໃນ ເຂດມິນ ດາເນົາທາງພາກໃຕ້ຂອງຟິລິບປິນ ມີຈຸດເລິກລົງໄປໃຕ້ດິນປະມານ 7 ກິໂລແມັດ ຫ່າງຈາກເມືອງຕູລູນານ ແຂວງໂຄຕາບາໂຕ ໄປທາງທິດຕາ ເວັນອອກ 25 ກິໂລແມັດ ສົ່ງຜົນ ເຮັດໃຫ້ອາຄານບ້ານເຮືອນເປ່ເພ ເສຍຫາຍເປັນບໍລິເວນກວ້າງ, ຊຶ່ງ ສະຖາບັນແຜ່ນດິນໄຫວວິທະຍາ ແລະວິທະຍາພູໄຟຟິລິບປິນລະບຸ ວ່າ ແຮງສັ່ນສະເທືອນຮຸນແຮງ ເຮັດໃຫ້ອາຄານບ້ານເຮືອນ 3 ໝູ່ ບ້ານໃກ້ຈຸດສູນກາງເປ່ເພເສຍຫາຍ ເກືອບທັງໝົດ, ປະຊາຊົນຈຳນວນຫຼາຍພາກັນແຕກຕື່ນຕົກໃຈ ແລ່ນອອກຈາກເຮືອນຫຼືອາຄານສຳນັກງານລົງມາຢູ່ຕາມທ້ອງຖະໜົນ ຫຼື ບ່ອນແຈ້ງ ໂດຍແຮງສັ່ນສະເທືອນ ໃນຫຼາຍພື້ນທີ່ໃຊ້ເວລາປະມານ 1 ນາທີ ຫຼ້າສຸດມີລາຍງານພົບຜູ້ເສຍຊີວິດແລ້ວຢ່າງໜ້ອຍ 9 ຄົນ ແລະໄດ້ຮັບບາດເຈັບຫຼາຍກວ່າ 100 ຄົນ ໂດຍຜູ້ເສຍຊີວິດສ່ວນ ໃຫຍ່ຖືກກ້ອນຫີນ ແລະຕົ້ນໄມ້ໃຫຍ່ ຫັກທັບ.

ຂະນະທີ່ບໍລິເວນດຽວກັນນີ້ ຫາກໍເກີດແຜ່ນດິນໄຫວຂະໜາດ 6,3 ລິກເຕີໄປໃນວັນທີ 16 ຕຸລາ ທີ່ຜ່ານມາ ຄັ້ງນັ້ນເຮັດໃຫ້ມີຜູ້ເສຍ ຊີວິດ 7 ຄົນ ແລະໄດ້ຮັບບາດເຈັບຫຼາຍກວ່າ 200 ຄົນ ອາຄານບ້ານ ເຮືອເປ່ເພເສຍຫາຍຫຼາຍກວ່າ 7.000 ຫຼັງ.

 

----------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์