ຈີນ-ມຽນມາ ເປີດເສັ້ນທາງການບິນໂດຍກົງ 25 ສາຍໃນ 1 ປີ

  ເມື່ອບໍ່ດົນມານີ້ ຖ້ຽວບິນນະຄອນມາງ ຊື້ແຂວງຢຸນນານ ສປ ຈີນ ຫານະຄອນຢາງກຸ້ງມຽນມາ ໄດ້ບິນເປັນຄັ້ງທຳອິດ ຊຶ່ງເຮືອບິນ ພົນລະເຮືອນລຳທຳອິດຈາກນະຄອນມາງຊື້ບິນສູ່ຢ່າງກຸ້ງໄດ້ລົງ ຈອດຢູ່ສະໜາມບິນຢ່າງປອດໄພ, ນີ້ແມ່ນເສັ້ນທາງການບິນໃໝ່ສາຍທີ 25 ທີ່ຈີນ ແລະມຽນມາເປີດບິນ ຫຼັງຈາກມຽນມາມີນະໂຍບາຍໃຫ້ສິດທິພິເສດໃນການຂໍວິຊ່າຕໍ່ນັກທ່ອງທ່ຽວຈີນໃນວັນທີ 1 ຕຸລາປີ 2018.

ຕາມຂ່າວ Cri ລາຍງານວ່າ ເລີ່ມແຕ່ວັນທີ 1 ຕຸລາປີ 2018 ເປັນຕົ້ນມາ, ມຽມມາໄດ້ມີນະໂຍບາຍໃຫ້ສິດທິພິເສດໃນການຂໍວີ ຊ່າຂອງນັກທ່ອງທ່ຽວຈີນ, ໃນນັ້ນ ໄດ້ໃຫ້ວີຊ່າກັບດ່ານຕໍ່ນັກທ່ອງ ທ່ຽວແຜ່ນດິນໃຫຍ່ຈີນ ແລະຍົກ ເວັ້ນວິຊ່າຕໍ່ນັກທ່ອງທ່ຽວຮົງກົງ ແລະມາກາວ ນັບແຕ່ມຽນມາປະ ຕິບັດນະໂຍບາຍດັ່ງກ່າວເປັນເວລາ 1 ປີເປັນຕົ້ນມາ, ໄດ້ດຶງດູດນັກທ່ອງ ທ່ຽວຈີນຈຳນວນຫຼວງຫຼາຍໄປ ທ່ຽວມຽນມາ, ເມື່ອທຽບໃສ່ປີຜ່ານ ມາ, ນັກທ່ອງທ່ຽວຈີນໄດ້ເພີ່ມຂຶ້ນ ຫຼາຍກວ່າ 150%, ຕາມສະຖິຕິ ຈາກພາກສ່ວນທ່ອງທ່ຽວມຽນມາ, ສະເພາະແຕ່ເດືອນມັງກອນຫາ ເດືອນກໍລະກົດຂອງປີ 2019, ນັກທ່ອງທ່ຽວຈີນທີ່ໄປທ່ຽວມຽນ ມາມີເຖິງ 385.942 ຄົນ ໄດ້ກາຍ ເປັນກຸ່ມນັກທ່ອງທ່ຽວຕ່າງປະເທດຫຼາຍທີ່ສຸດທີ່ໄປທ່ຽວມຽນມາ.

ປະຈຸບັນ, ສະໜາມບິນຢ່າງກຸ້ງ, ເນປີດໍ ແລະມັນດາເລຂອງມຽນ ມາມີເສັ້ນທາງການບິນໂດຍກົງ ໄປຫາຕົວເມືອງຂອງຈີນ 10 ກວ່າ ແຫ່ງ, ແຕ່ລະອາທິດຖ້ຽວບິນໂດຍກົງລະຫວ່າງສອງປະເທດມີຫຼາຍກວ່າ 130 ຖ້ຽວ.

----------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์