ຜ່ານແຜນພັດທະນາການທ່ອງທ່ຽວເຂດຊີແອວວີ

  ກອງປະຊຸມຜ່ານຮ່າງເນື້ອໃນແຜນພັດທະນາການທ່ອງທ່ຽວເຂດສາມຫຼ່ຽມພັດທະນາກຳປູເຈຍ-ລາວ-ຫວຽດນາມຈັດຂຶ້ນໃນວັນທີ 28 ຕຸລາ ທີ່ແຂວງອັດຕະປື, ໂດຍການເປັນປະທານຂອງ ທ່ານ ອຸ່ນທວງ ຂາວພັນ ຮອງລັດຖະມົນຕີກະຊວງຖະແຫຼງຂ່າວວັດທະນະທຳ ແລະທ່ອງທ່ຽວ, ມີທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງອັດ ຕະປື, ພ້ອມດ້ວຍພະແນກ ຖວທ ມາຈາກ 4 ແຂວງພາກໃຕ້ຄືແຂວງສາລະວັນ, ຈຳປາສັກ, ເຊກອງ ແລະອັດຕະປື ແລະພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ອຸ່ນທວງ ຂາວພັນ ກ່າວເປີດກອງປະຊຸມວ່າ: ແຜນພັດທະນາການທ່ອງທ່ຽວເຂດສາມຫຼ່ຽມພັດທະນາກຳປູເຈຍ-ລາວ-ຫວຽດນາມສະບັບນີ້ແມ່ນຍົກໃຫ້ເຫັນເຖິງທ່າແຮງທາງດ້ານຊັບພະຍາກອນການທ່ອງທ່ຽວຂອງ 3 ປະເທດ, ການກຳນົດວົງຈອນການທ່ອງທ່ຽວເຊື່ອມຕໍ່ ແລະ ການອຳນວຍຄວາມສະດວກດ້ານການເຂົ້າ-ອອກຂອງແຕ່ລະປະເທດ, ການສົ່ງເສີມການທ່ອງທ່ຽວ, ການຄຸ້ມຄອງການທ່ອງທ່ຽວ ແລະ ການພັດທະນາຊັບພະຍາກອນມະນຸດໃນຂະແໜງການທ່ອງທ່ຽວເພື່ອແນໃສ່ພັດທະນາການທ່ອງທ່ຽວຂອງ 3 ປະເທດ ໃຫ້ມີຄຸນນະພາບສູງຂຶ້ນ ແລະກາຍເປັນຈຸດໝາຍປາຍທາງການທ່ອງທ່ຽວໜຶ່ງດຽວ, ແຜນການດັ່ງກ່າວນີ້ຈະນຳໄປຜ່ານກອງປະຊຸມເຈົ້າໜ້າທີ່ອາວຸໂສຊີແອວວີໃນທ້າຍເດືອນທັນວາ 2019 ທີ່ແຂວງສາລະວັນ ແລະ ສູ້ຊົນໃຫ້ໄດ້ຮັບຮອງໃນກອງປະຊຸມສຸດຍອດຊີແອວວີໃນຕົ້ນປີ 2020 ທີ່ ສປປ ລາວ ຈະເປັນເຈົ້າພາບຈັດກອງປະຊຸມ.

ສະໜັບສະໜຸນໂດຍ: ສ່ວນບຸກຄົນ

  ກອງປະຊຸມຜູ້ເຂົ້າຮ່ວມຍັງໄດ້ຮັບຟັງການຜ່ານຮ່າງແຜນພັດທະນາການທ່ອງທ່ຽວເຂດສາມຫຼ່ຽມພັດທະນາກຳປູເຈຍ-ລາວ-ຫວຽດນາມແຕ່ປີ 2020-2025 ແລະ ວິໄສທັດຮອດປີ 2030 ຕື່ມອີກ.

ສະໜັບສະໜຸນໂດຍ: HONDA

-------------------

ໜັງສືພິມເສດຖະກິດ-ສັງຄົມ

แชร์