ລາຍຊື່ຮູບເງົາທີ່ຖືກສະເໜີເຂົ້າຊີງລາງວັນອອສກາ

    ລາຍຊື່ຮູບເງົາທີ່ຖືກສະເໜີເຂົ້າຊີງລາງວັນຮູບເງົາຕ່າງປະເທດດີເດັ່ນ (Best Foreign Film Award) ປະຈຳປີນີ້ໃນເວທີອອສກາຫຼືອະຄາເດມີອະວອດຄັ້ງທີ 91 ມີຈຳນວນ 89 ປະເທດທີ່ສະເໜີເຂົ້າໄປໃຫ້ຄະນະກຳມະການໂດຍລາງວັນອອສກາແມ່ນການສະເຫຼີມສະຫຼອງປະຈຳປີຕໍ່ຜົນສຳເລັດຂອງວົງການຮູບ ເງົາທົ່ວໂລກຊຶ່ງໂດຍປົກກະຕິແລ້ວມີການມອບລາງວັນຫຼາກຫຼາຍສາຂາ. ໃນແຕ່ລະປີແຕ່ລະປະເທດສາມາດສົ່ງຮູບເງົາ 1 ເລື່ອງເພື່ອເຂົ້າຊີງລາງວັນຮູບເງົາຕ່າງປະເທດດີເດັ່ນ.

  ປີນີ້ມີຮູບເງົາ 89 ເລື່ອງທີ່ນານາປະເທດສົ່ງເຂົ້າໄປໃຫ້ຄະນະກຳມະການຂອງອອສກາພິຈາລະນານັ້ນບໍ່ປາກົດມີຊື່ຮູບເງົາລາວແຕ່ຢ່າງໃດ. ໃນຂະນະທີ່ເພື່ອນບ້ານອາຊຽນຫຼາຍປະເທດສົ່ງຮູບເງົາຂອງຕົນເອງເຂົ້າຊີງເຊັ່ນ: ໄທເລື່ອງ“Malila:The Farewell Flower”(ມະລິລາ),ກຳປູເຈຍເລື່ອງ“Graves Wit hout a Name”(ຂຸມສົບທີ່ບໍ່ມີຊື່), ອິນໂດເນເຊຍເລື່ອງ“Marlina the Murderer in Four Acts”(ມາລິນາຄາດຕະກອນໃນສີ່ອົງ), ຟິລິບປິນເລື່ອງ“Signal Rock”(ຫິນບອກເຫດ), ສິງກະໂປເລື່ອງ“Buffalo Boys”(ເດັກລ້ຽງຄວາຍ) ແລະ ຫວຽດນາມ“The Tailor”(ຊ່າງຕັດເສື້ອ).

  ເຖິງແມ່ນວ່າທັງໝົດທີ່ກ່າວມານັ້ນຈະບໍ່ໄດ້ເປັນ 1 ໃນ 5 ຊື່ຮູບເງົາທີ່ເຂົ້າຮອດຮອບສຸດທ້າຍແຕ່ມັນສະແດງອອກເຖິງການຂະຫຍາຍໂຕຂອງອຸດສາຫະກຳຮູບເງົາຂອງພວກເຂົາທີ່ສາມາດສົ່ງອອກໄປປາກົດໃນສາຍຕາໃນລະດັບສາກົນໄດ້ເພາະຮູບເງົາຕ່າງໆທີ່ກ່າວມານັ້ນລ້ວນແລ້ວແຕ່ເປັນຮູບເງົາທີ່ຜ່ານການສາຍໃນເທສະການຮູບເງົາພ້ອມທັງໄດ້ຮັບລາງວັນຕ່າງໆມາແລ້ວເຊັ່ນກັນເຮັດໃຫ້ການຊ່ວງຊີງລາງວັນໃນສາຂາຮູບເງົາຕ່າງປະເທດດີເດັ່ນຂຶ້ນຊື່ວ່າດຸເດືອດຫຼາຍ.

    ສຳລັບປີນີ້ຮູບເງົາທີ່ໄດ້ເຂົ້າຈົນຮອດຮອບສຸດທ້າຍປະກອບມີ5ເລື່ອງຄື: Roma ຈາກປະເທດເມັກຊິກ, Shoplifters ຈາກປະເທດຍີ່ປຸ່ນ, Cold War ຈາກປະເທດໂປໂລຍ, Never Look Away ຈາກປະເທດເຢຍລະມັນ ແລະ Sunsetຈາກປະເທດຮົງກາຣີ. ໂດຍຈະມີການປະກາດຜົນລາງວັນທີວັນທີ 25 ກຸມພານີ້.

แชร์