ຊາວໜຸ່ມ ມສ ປາກທາ ຕີລາຄາ ການຈັດຕັ້ງປະຕິບັດຂໍ້ແຂ່ງຂັນ 4 ບຸກ

 ເມື່ອບໍ່ດົນມານີ້ໜ່ວຍຊາວ ໜຸ່ມໂຮງຮຽນ ມສ ປາກທາ ເມືອງ ປາກທາ ແຂວງບໍ່ແກ້ວ ຈັດພິທີປະ ເມີນການຈັດຕັ້ງປະຕິບັດຂໍ້ແຂ່ງຂັນ 4 ບຸກປະຈຳປີ 2019 ພາຍໃຕ້ ການເປັນປະທານຂອງທ່ານ ນາງ ແສງວອນ ແກ້ວວົງໃສ ເລຂາ ໜ່ວຍຊາວໜຸ່ມໂຮງຮຽນ  ມສ  ປາກ  ທາ, ເຂົ້າຮ່ວມຂອງທ່ານ ບໍລິເວນ ນໍລະອັງ ຮອງເລຂາຄະນະບໍລິຫານ ງານຊາວໜຸ່ມເມືອງ, ທ່ານ ສົມ ພອນ ອຸດທະຍາ ອຳນວຍການ ໂຮງຮຽນ ມສ ປາກທາ, ມີຄະນະໜ່ວຍພ້ອມດ້ວຍສະມາຊິກພາຍໃນໜ່ວຍເຂົ້າຮ່ວມ.

ການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2019 ກໍ່ເພື່ອ ເປັນການປະເມີນຄືນການຈັດຕັ້ງ ປະຕິບັດວຽກງານວິຊາສະເພາະເປັນຕົ້ນແມ່ນວຽກງານດ້ານແນວ ຄິດ, ການຝຶກຝົນຫຼໍ່ຫຼອມ, ວຽກງານການຈັດຕັ້ງ ແລະວຽກງານ ວິຊາຊີບວຽກເຮັດງານທຳຂອງສະມາຊິກຊາວໜຸ່ມແຕ່ລະສະຫາຍເພື່ອ ຊອກໃຫ້ເຫັນວ່າວຽກງານທີ່ຕົນເອງຍັງຈັດຕັ້ງປະຕິບັດບໍ່ໄດ້ດີເທົ່າ ທີ່ຄວນເພື່ອປັບປຸງແກ້ໄຂຈຸດອ່ອນນັ້ນໃຫ້ໄດ້ດີໃນສຸ່ມປີຕໍ່ໜ້າພ້ອມນີ້ກໍ່ເພື່ອເປັນການຄັດເລືອກຜົນງານ ຂອງບຸກຄົນກົມກອງລວມໝູ່ເພື່ອຍ້ອງຍໍຊົມເຊີຍໃຫ້ກັບບຸກຄົນທີ່ມີຜົນງານໃນການປະກອບສ່ວນເຫື່ອ ແຮງຂອງຕົນເຂົ້າໃນການປະຕິບັດ ຂໍ້ແຂ່ງຂັນ 4 ບຸກ ທີ່ສູນກາງຊາວ ໜຸ່ມປະຊາຊົນປະຕິວັດລາວວາງອອກ.

ທ່ານ ນາງ ແສງວອນ ແກ້ວ ວົງໃສ ໄດ້ກ່າວວ່າ:ຜ່ານມາຄະນະໜ່ວຍຊາວໜຸ່ມທຸກສະຫາຍ ແມ່ນໄດ້ຖືເອົາວຽກງານການເມືອງ ແນວຄິດເປັນແຖວໜ້າໃນການສຶກສາອົບຮົມສະມາຊິກຊາວໜຸ່ມທີ່ ຢູ່ພາຍໃນໜ່ວຍຂອງຕົນທັງໝົດ 200 ກວ່າສະຫາຍ, ຍິງ 119 ສະຫາຍ, ໃຫ້ມີແນວຄິດອຸ່ນອ່ຽງ ທຸ່ນທ່ຽງ, ຮັກຊາດ-ຮັກບ້ານເກີດ ເມືອງນອນເຊື່ອໝັ້ນຕໍ່ການຊີ້ນຳໆ ພາຂອງພັກ-ລັດຂັ້ນເທິງນອກຈາກ ນັ້ນສະມາຊິກແຕ່ລະສະຫາຍຍັງ ໄດ້ເພີ່ມພູນຜະລິດຜົນເພື່ອເປັນອາ ຊີບເສີມຂອງຕົນເຂົ້າໃນການປະກອບອາຊີບ ໂດຍສະເພາະກໍ່ແມ່ນ ການປູກການລ້ຽງເພື່ອແບ່ງເບົາ ພາລະຂອງຄອບຄົວ, ພ້ອມນັ້ນຍັງ ໄດ້ສ້າງກອງທຶນພາຍໃນໜ່ວຍເພື່ອ ຊ່ວຍເຫຼືອສະມາຊິກດ້ວຍກັນໃນ ຢາມຂາດເຂີນ ໂດຍລວມແລ້ວມີ ເງິນທັງໝົດ 2,7 ລ້ານກີບ.

  ສະໜັບສະໜຸນໂດຍ: HONDA

ໂອກາດດັ່ງກ່າວຍັງໄດ້ພ້ອມ ກັນວາງທິດທາງແຜນການໆຈັດຕັ້ງປະຕິບັດຂໍ້ແຂ່ງຂັນ 4 ບຸກ ແຕ່ນີ້ຮອດປີ 2020 ໂດຍໄດ້ວາງ ຄາດໝາຍສູ້ຊົນໄວ້ຫຼາຍວຽກງານທີ່ສຳຄັນເຊັ່ນວ່າ:ສູ້ຊົນສຶກສາອົບຮົມການເມືອງແນວຄິດໃຫ້ແກ່ນ້ອງ ນັກຮຽນໃຫ້ໄດ້ຢ່າງຕໍ່ເນືອງ, ສ້າງມະຫາຊົນນ້ອງນັກຮຽນໃຫ້ໄດ້ເຂົ້າເປັນສະມາຊິກຊາວໜຸ່ມ ແລະໃຫ້ໄດ້ເຂົ້າຮຽນຕໍ່ວິຊາຊີບພ້ອມທັງວຽກງານອື່ນໆອີກ.

ສະໜັບສະໜຸນໂດຍ: ສ່ວນບຸກຄົນ

--------------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์