ນໍ້າເຕົາຮູ້ອັງເປົາ ຜະລິດຕະພັນທີ່ເຮັດຈາກສີມືຄົນລາວ

  ນໍ້າເຕົາຮູ້ອັງເປົາເປັນອີກຜະລິດຕະພັນເຄື່ອງດື່ມຊະນິດໜຶ່ງທີ່ຜະລິດຈາກສີມືຄົນລາວເພື່ອຕອບສະໜອງຕະຫຼາດຈຳໜ່າຍບໍລິການລູກຄ້າຫຼາຍແຫ່ງໃນນະຄອນຫຼວງວຽງຈັນ ໂດຍເນັ້ນເອົາການຜະລິດທີ່ມີຄຸນນະພາບ, ສະອາດປອດໄພ ແລະມີຜົນດີຕໍ່ສຸຂະພາບ.

  ທ່ານ ສຸລິຍົງ ຈັນສະຫວ່າງ ເຈົ້າຂອງໂຮງງານຜະລິດນໍ້າເຕົາຮູ້ອັງເປົາໃຫ້ສຳພາດວ່າ: ເມື່ອກ່ອນແມ່ນເຮັດວຽກຢູ່ທະນາຄານຊາຄອມແບັງລາວໄດ້ 10 ກວ່າປີ ຈາກນັ້ນເກີດມີຄວາມຄິດຢາກມີກິດຈະການເປັນຂອງສ່ວນຕົວເລີຍໄດ້ລາອອກແລ້ວມາເຮັດການຜະລິດຈຳໜ່າຍນໍ້າເຕົາຮູ້ອັງເປົານີ້ເປັນທີ່ຕັ້ງທຸລະກິດຄອບຄົວສຳລັບທຸລະກິດນີ້ແມ່ນເກີດຈາກຄວາມ ຄິດຂອງພັນລະຍາຜູ້ທີ່ມັກຊື້ນໍ້າເຕົາ ຮູ້ກິນຮັກສາສຸຂະພາບເລີຍໄດ້ຮ່ວມ ມືກັບນ້ອງສາວຕັດສິນໃຈລົງທຶນ ເຮັດເປັນຖົງຂາຍສົ່ງໃຫ້ພໍ່ຄ້າຊາວຂາຍໄດ້ໄລຍະໜຶ່ງເລີຍໄດ້ເຮັດເປັນ ຂວດຂະໜາດ 250 ມິລິລິດເລີ່ມ ເຂົ້າວ່າງຈໍາໜ່າຍຕາມຕະຫຼາດ ໃນເດືອນເມສາ 2019 ປະຈຸບັນ ຜະລິດຕະພັນນໍ້າເຕົາຮູ້ອັງເປົາມີໜຶ່ງລົດຊາດສ່ວນລາຄາຂາຍຍ່ອຍຂວດ5 ພັນກີບ ໃນນີ້ແມ່ນໄດ້ເຂົ້າເຖິງຮ້ານຄ້າຫຼາຍໆແຫ່ງໃນນະຄອນຫຼວງວຽງຈັນເຊັ່ນ: ຮ້ານມິນິມາເກັດ, ໂຮງຮຽນ ແລະຮ້ານຄ້າທົ່ວໄປລວມທັງໝົດມີ 10 ກວ່າແຫ່ງ.

 ຈຸດເດັ່ນຂອງຜະລິດຕະພັນນໍ້າເຕົາຮູ້ອັງເປົາເປັນຂະໜາດຂວດນ້ອຍ 250 ມິລິລິດ ສາມາດຖືງ່າຍສະດວກສະບາຍ, ບໍ່ຫວານເກີນໄປ ແລະບໍາລຸງສຸຂະພາບນອກນັ້ນຍັງໄດ້ຜ່ານການເພສເຈີໄຣ, ບໍ່ປົນສານ ກັນບູດ ຫຼື ສານໃດໆ, ສະອາດ ປອດໄພ ຊຶ່ງສາມາດເກັບໄວ້ໃນຕູ້ເຢັນໄດ້ນັບແຕ່ມື້ຜະລິດໄດ້ 10 ວັນພ້ອມນັ້ນຍັງເນັ້ນຄຸນນະພາບ ມາດຕະຖານທີ່ສຸດໃນການຮັກສາສຳພັນທະມິດທີ່ດີກັບລູກຄ້າ ແລະມີຄວາມຮັບຜິດຊອບຕໍ່ສັງຄົມ ເພື່ອສືບຕໍ່ຂະຫຍາຍຕະຫຼາດໄປ ເລື້ອຍໆໃຫ້ລູກຄ້າຊື້ຜະລິດຕະພັນໄດ້ຢ່າງສະດວກສະບາຍ ແລະມີແຜນຈຳໜ່າຍສົ່ງ Mini Bigc, Jinffy, ສູນກີລາ, ຮ້ານອາຫານ ແລະບັນດາຂາສາຮ້ານມິນິມາກໃນອະນາຄົດຈະຜະລິດເພີ່ມຂະໜາດຂວດ ແລະປຸງແຕ່ງລົດຊາດໃໝ່ເພື່ອໃຫ້ຜູ້ບໍລິໂພກໃຊ້ລາຄາທີ່ເໝາະສົມຊຶ່ງມັນບໍ່ພຽງຊ່ວຍໃຫ້ທຸລະກິດເຮົາດຳເນີນໄປໄດ້ແຕ່ຍັງໄດ້ຊ່ວຍສົ່ງເສີມການຄ້າທີ່ທຳການຜະລິດຈາກສີມືແຮງງານລາວມາສ້າງທຸລະກິດພັດທະນາປະເທດ.

ສະໜັບສະໜຸນໂດຍ: HONDA

  ທ່ານ ສຸລິຍົງ ຈັນສະຫວ່າງ ໄດ້ກ່າວອີກວ່າ: ຖ້າວ່າທ່ານໃດທີ່ມັກດື່ມນໍ້າເຕົາຮູ້ບໍ່ຫວານຫຼາຍທີ່ສະອາດປອດໄພ ຫຼື ຢາກເປັນຕົວແທນຈຳໜ່າຍກໍ່ສາມາດມາໃຫ້ຄຳປຶກກັບສາກັບໂຮງງານຜະລິດນໍ້າເຕົາຮູ້ອັງເປົາຂອງເຮົາໄດ້ສະຖານທີ່ຕັ້ງຢູ່ບ້ານຝາຍ ເມືອງໄຊເສດຖາ ນະຄອນຫຼວງວຽງຈັນ ໂທລະສັບ: 020 22557575 ເຟສບຸກ: Angpaosoymilklao.

ສະໜັບສະໜຸນໂດຍ: ສ່ວນບຸກຄົນ

___________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์