ສອນສິນໄຊ ຖິ່ວຫົວພັນ ສ້າງຜົນງານເພງໃໝ່ “ຊັງແລ້ວຊັງເລີຍ”

  ໜຸ່ມສອນສິນໄຊ  ຖິ່ນຫົວພັນ ສິລະປິນໜ້າໃໝ່ໃນວົງການບັນເທີງເພງລາວປະຈຸບັນເປັນນັກຮ້ອງອິດສະຫຼະໄດ້ມີການພັດທະນາພ້ອມສ້າງຜົນງານເພງໃໝ່ມາຝາກແຟນເພງທີ່ໄດ້ປ່ອຍລົງຢູທູບໄປແລ້ວໂດຍເອົາໃຈໄວໜຸ່ມກຳລັງມີຄວາມຮັກນັ້ນກໍຄືເພງ: “ຊັງ ແລ້ວຊັງເລີຍ”.

 ໜຸ່ມສອນສິນໄຊ ຖິ່ນຫົວພັນ ໃຫ້ສຳພາດວ່າ: ຜົນງານເພງໃໝ່ “ຊັງແລ້ວຊັງເລີຍ” ປະພັນໂດຍໂຊກໄຊໂຊກອຳນວຍເປັນເພງລູກທົ່ງຈັງຫວະຊ້າໆຟັງແລ້ວໂດນໃຈໄວ ໜຸ່ມ ໂດຍສະເພາະຄົນທີ່ກຳລັງມີຄວາມຮັກຊຶ່ງມີເນື້ອຫາເວົ້າເຖິງລະຫວ່າງຄວາມຮັກບ່າວສາວຄູ່ໜຶ່ງທີ່ບໍ່ໄດ້ສົມຫວັງກັນຊຶ່ງຜູ້ສາວເປັນຄົນຫຼາຍໃຈເຫັນຊາຍຜູ້ດີມີໃໝ່ໄປໜ້າເລີຍໆເມື່ອຮອດຍາມ ເຂົາຖິ້ມເຂົາປະແລ້ວຢາກຈະກັບມາຫາແຟນເກົ່າແຕ່ຍ້ອນການໃຫ້ ອະໄພມີມາແລ້ວຫຼາຍຄັ້ງຈົນເກີນຄວາມອົດທົນກໍເລີຍມີຄວາມຄຽດຊັງແລ້ວຊັງເລີຍສຳລັບເພງນີ້ແມ່ນປ່ອຍເອັມວີລົງຢູທູບໄປແລ້ວຊຶ່ງສາມາດເຂົ້າຕິດຕາມໄດ້ທີ່ເຟສ໌ບຸກ: ບ່າວສອນສິນໄຊ ຖິ່ນຫົວພັນ ຫຼືເຊິດເຂົ້າເບິ່ງໄດ້ຢູທູບ: MY STUDIO.

  ໜຸ່ມສອນສິນໄຊ ຖິ່ນຫົວພັນ ຍັງໄດ້ກ່າວວ່າ:  ຜ່ານມາເຄີຍມີຜົນງານມາແລ້ວກໍ່ຄືເພງ: “ຖິ້ມອ້າຍເຮັດຫຍັງ” ສຳລັບຜົນງານລ່າສຸດແມ່ນເພງ:  “ຊັງແລ້ວຊັງເລີຍ” ແລະ ຍັງມີອີກຜົນງານທີສາມກຳລັງກຽມປ່ອຍລົງຢູທູບໃນຕົ້ນເດືອນທັນວານີ້ຊື່ເພງວ່າ:  ມົນສະເໜ່ເມືອງຊ່ອນ ພ້ອມຍັງໄດ້ຝາກເຖິງແຟນເພງອີກວ່າຢາກໃຫ້ຄົນລາວທຸກຄົນສົ່ງເສີມຫັນມາຟັງເພງລາວເພື່ອຢາກໃຫ້ວົງການບັນເທີງເພງລາວທົ່ວປະເທດໄດ້ກ້າວຂຶ້ນສູ່ເວທີສາກົນ ແລະພິສູດຄວາມຮູ້ຄວາມສາມາດວ່າສິລະປິນວັດທະນະທຳລາວມີເອກະລັກໂດດເດັ່ນກວ່າໃດໆ.

ສະໜັບສະໜຸນໂດຍ: ສ່ວນບຸກຄົນ

__________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์