ຕຸ້ຍ ແລະຕົ້ນຄຳ 2 ນັກແມ້ນປືນລາວ ຄອງຂັນປະທານປະເທດ

  ທ້າວ ຕຸ້ຍ ພານຸວົງ ນັກກີລາແມ້ນປືນ ໄອພີເອັດຊີ ດາວຮຸ່ງ ມາແຮງສາມາດແຈ້ງເກີດໃຫ້ກັບ ຕົນເອງໄດ້ສຳເລັດຄວ້າແຊ້ມການ ແຂ່ງຂັນຍິງປືນສະແຕນດ໋າດປະເພດຊາຍດ່ຽວທົ່ວໄປ, ສ່ວນທ້າວ ຕົ້ນຄຳ ເມືອງມະນີ ຄວ້າແຊ້ມປະເພດປືນໂປດັກຊັ່ນອ໋ອບຕິກ ຮຸ່ນ ເຍົາວະຊົນ ຫຼືລາຍການຊຸບເປີຈູເນຍ ຊີງຂັນພະນະທ່ານປະທານປະເທດຄັ້ງທີ l ປະ ຈຳປີ 2019.

ການແຂ່ງຂັນຍິງປືນໄອພີເອັດຊີ ຊີງແຊ້ມນາໆຊາດ ແລະແຂ່ງ ຂັນສະເພາະພາຍໃນປະເທດ ຊີງ ຂັນພະນະທ່ານປະທານປະເທດ ແຫ່ງ ສປປ ລາວ ຄັ້ງທີ l ປະຈຳປີ 2019 ໄດ້ມີຂຶ້ນເມື່ອລະຫວ່າງວັນ ທີ 25-27 ຕຸລາ ຜ່ານມາ ທີ່ສະ ໜາມຝຶກຊ້ອມກີລາຍິງປືນ  5  ເມສາເມືອງໄຊເສດຖາ ນະຄອນຫຼວງ ວຽງຈັນ ໂດຍໃຫ້ກຽດເຂົ້າຮ່ວມ ເປັນປະທານຂອງພະນະທ່ານ ພັນຄຳ ວິພາວັນ ຮອງປະທານປະເທດທ່ານ ນາງ ແສງເດືອນ ຫຼ້າ ຈັນທະບູນ ລັດຖະມົນຕີກະຊວງ ສຶກສາທິການ ແລະກີລາ (ສສກ) ທັງເປັນປະທານຄະນະກຳມະການ ໂອແລມປິກແຫ່ງຊາດລາວ ທ່ານ ພົນໂທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ, ທ່ານ ປີຊາໄຊ ແກ້ວໄຊ ຍະຈັກ ປະທານບໍລິສັດບໍລິການ ຝຶກຊ້ອມກີລາຍິງປືນຈຳກັດຜູ້ໃຫ້ການອຸປະຖຳຫຼັກພ້ອມດ້ວຍບັນດາຮອງລັດຖະມົນຕີ ສສກ, ປກສ, ຜູ້ຊ່ວຍລັດຖະມົນຕີ, ບັນດາຫົວ ໜ້າ-ຮອງຫົວໜ້າກົມ, ນາຍ ແລະ ພົນຕຳຫຼວດ-ທະຫານ, ປະທານ ສະຫະພັນຍິງປືນແຫ່ງປະເທດໄທ ຕະຫຼອດຮອດຜູ້ຕາງໜ້າສະຫະພັນ ຍິງປືນກຳປູເຈຍ ແລະສປ ຈີນ, ຄະນະນຳ, ຄູຝຶກ ແລະນັກກີລາຈາກ 10 ປະເທດເຂົ້າຮ່ວມ.

ການແຂ່ງຂັນລາຍການດັ່ງກ່າວມີການແຂ່ງຂັນລະດັບນາໆ ຊາດ ເລໂວ 3 ແລະແຂ່ງຂັນພາຍ ໃນປະເທດ, ໃນນັ້ນມີນັກກີລາທັງ ໝົດ 148 ຄົນ ມາຈາກ 10 ປະເທດ ຈາກທະວີບອາເມລິກາ, ທະວີບຢູໂຣບ, ທະວີບອາຊີ ແລະໃນຂົງເຂດອາຊຽນ ເຂົ້າຮ່ວມຊີງໄຊ ສະເພາະທັບນັກກີລາຍິງປືນໄອພີ ເອັດລາວ ສົ່ງເຂົ້າຮ່ວມແຂ່ງຂັນ 41 ຄົນ, ຍິງ 4 ຄົນ ສໍາລັບນັກກີ ລາ 10 ປະເທດເຂົ້າຮ່ວມປະກອບ ມີເຈົ້າພາບ ສປປ ລາວ41 ຄົນ, ໄທ 36 ຄົນ, ສປ ຈີນ 49 ຄົນ, ຮົງ ກົງ 9 ຄົນ, ອິນໂດເນເຊຍ 2 ຄົນ, ກຳປູເຈຍ 3 ຄົນ, ການາດາ 1 ຄົນ, ອົດສະຕຣາລີ 1 ຄົນ, ຣັດເຊຍ 5 ຄົນ ແລະອາເມລິກາ 1 ຄົນ.

ຜ່ານການແຂ່ງຂັນໃນໄລຍະ 3 ວັນ ຜົນປະກົດວ່າ: ລາຍການ ພາຍໃນປະເພດປືນສະແຕນດ໋າດ ທີ 1 ແມ່ນທ້າວ ຕຸ້ຍ ພານຸວົງ, ທີ 2 ພານາລິນ ພາມີສິດ, ທີ 3 ທ້າວ ຕ່າມ ໄຊມະນີ, ໂອເພັນ ທີ 1 ຫົງພະຈັນ ດາລາວົງ, ທີ 2 ໄກສຸ ພົນ ສຸລິໂຍ, ທີ 3 ພູທອນ ກໍລະ ສັກ, ໂປດັກຊັ່ນທີ 1 ທ້າວ ເພັດນະຄອນ ພາມີສິດ, ທີ 2 ທ້າວ ດາວພະຈັນພຸດທະບັນດິດ ແລະທີ 3 ທ້າວ ຄຳຊະນະຈະເລີນໄຊ, ໂປດັກຊັ່ນ ອ໋ອບຕິກ ທີ 1 ທ້າວ ສິງຄຳ ສີ ປະເສີດ, ທີ 2 ທ້າວ ອາໂນໄທ ເມືອງມະນີ ແລະທີ 3 ທ້າວ ປານ ດວງປະເສີດ, ຮຸ່ນອາວຸໂສ 50 ປີ  ຂຶ້ນໄປ ທີ 1 ທ່ານ ສຸນັນ ວັດທະ ນາບູນ, ທີ 2 ທ່ານ ໄຊຍະສີສານ ແລະທີ 3 ທ່ານ ລຳພຽນ ພົມມະ ກອງ, ຂະນະທີ່ການແຂ່ງຂັນຍິງ ປືນຂັ້ນການນຳທີ 1 ແມ່ນທ່ານ ພົນຈັດຕະວາ ຄຳສາຍ ຈັນທະວົງ, ທີ 2 ທ່ານ ພົນຈັດຕະວາ ຄຳພາ ສີພອນໄຊ ແລະທີ 3 ທ່ານ ພົນຈັດ ຕະວາ ຈັນສະແຫວງ ທິບທອງຄູນ.

ສະໜັບສະໜຸນໂດຍ: ສ່ວນບຸກຄົນ

ສ່ວນການແຂ່ງຂັນລະດັບສາກົນ ປະເພດປືນໂປດັກຊັ່ນ ອ໋ອບ ຕິກ ຮຸ່ນເຍົາວະຊົນ ຫຼື ລາຍການ ຊຸບເປີຈູເນຍທີ 1 ແມ່ນຕົກເປັນ ຂອງທ້າວ ຕົ້ນຄຳ ເມືອງມະນີ; ລາຍການໂອເພັນທີ 1 ຣານະກຸນ ພັດທະນາເສບ ຈາກໄທ, ທີ 2 ຕິຕິ ນັດ ໄທ, ທີ 3  ວັດສີຈິນຕາອັງກຸນ ໄທ, ຮຸ່ນອາວຸໂສ 60 ປີຂຶ້ນໄປທີ 1 ວັດ ສີຈິນຕາອັງກຸນ ໄທ, ທີ 2  ທານາພົນ ໄທ ແລະທີ 3 ນິກອນ ຈັນທະລາຕະນະໂຊກ, ລາຍການ ຄລາສຊິກ ທີ 1  ແມ່ນໂອລິເວີ  ມາກ ຈາກອົດສະຕຣາລີ, ທີ 2 ເອກວັງ ມີໄທ, ທີ 3 ສານີ ລັງສີຣັດຕະນະ ວົງ ໄທ, ລາຍການສະແຕນດ໋າດ ທີ 1 ວີສິດ ສີຍະໄພ ຈາກໄທ, ທີ 2 ນາວັດ ເຊກເພືອກສາ ໄທ ແລະທີ 3 ອາທິບ ອານັນຕາວັນ ໄທ, ຮຸ່ນ 50 ປີ ທ່ານ ໄລແມນ ຮົງກົງ, ທີ 2 ທ່ານ ກຳຊີງ ຢິບ ການາດາ, ທີ 3 ກອກກົງ ຮົງກົງ, ໂປດັກຊັ່ນ ທີ 1 ຮັດຊານາດ ໄທ, ທີ 2 ຈາງລິນ ລູ ສປ ຈີນ, ທີ 3 ພີລະພົນ ໄທ, ໂປດັກຊັ່ນ ອ໋ອບຕິກ ປາຣິພັດ ຊູ ຊັງ ໄທ, ທີ 2 ສຸນັນ ວັດທະນາບູນ ຈາກ ສປປ ລາວ, ທີ 3 ຢິທຽນ ຈາກ ສປ ຈີນ, ຮຸ່ນ 50 ປີ ທີ 1 ສຸນັນ ວັດທະນະບູນ ຈາກລາວ, ທີ 2 ສົມສັກ ໄທ ແລະທີ 3 ແມນຕີ ຊາງ ຮົງກົງ, ລີໂວເວີ ທີ 1 ສີຣິ ໂພທອງ ໄທ, ທີ 2 ພິສິດ ມາກໍ ໄທ ແລະທີ 3 ນາຊານົກ ຈາກລາວ, ສະແຕນດ໋າດຍິງ ນາງ ທີ 1 ມິນຕາ ພາໂມດ ໄທ, ພັດທະລັນດາ ໄທ, ທີ 3 ຄຳພິມູນີ ທອນບັນດິດ ຈາກລາວ ແລະໂປດັກຊັ່ນຍິງ ທີ 1 ຣູ ສິນ ຊາງ ສປ ຈີນ, ທີ 2 ເມັງ ຊາວສປ ຈີນ ແລະທີ 3 ຣູຊຽງຊາງ ສປ ຈີນ.

ສະໜັບສະໜຸນໂດຍ: HONDA

-------------------

ໜັງສືພິມເສດຖະກິດ-ສັງຄົມ

แชร์