ຜົນກອງປະຊຸມລັດຖະມົນຕີໄອຊີທີອາຊຽນຄັ້ງທີ 19

 ກະຊວງໄປສະນີໂທລະຄົມ ແລະການສື່ສານໃນນາມ ສປປ ລາວ ໄດ້ຖະແຫຼງຜົນສຳເລັດການ ເປັນເຈົ້າພາບຈັດກອງປະຊຸມລັດຖະມົນຕີໄອຊີທີອາຊຽນຄັ້ງທີ 19 (The 19 ASEAN Telecom munications and Inform ation Technology Minis tertimg-TELMIN), ກອງປະຊຸມເຈົ້າໜ້າທີ່ອາວຸໂສໂທລະຄົມ ອາຊຽນຄັ້ງທີ 20 (The 20 ASEAN Telecommuni cations and Information Technology Senior Offi cials’ Meeting-TELSOM) ແລະກອງປະຊຸມປິ່ນອ້ອມໃນວັນທີ 25 ຕຸລາ ທີ່ນະຄອນຫຼວງວຽງຈັນ ຊຶ່ງໃຫ້ກຽດຂຶ້ນຖະແຫຼ່ງໂດຍ ທ່ານ ທັນສະໄໝ ກົມມະສິດ ລັດ ຖະມົນຕີກະຊວງໄປສະນີ, ໂທລະຄົມ ແລະການສື່ສານ, ມີບັນດາຄະນະລັດຖະມົນຕີປະເທດອາຊຽນເຂົ້າຮ່ວມ.

ທ່ານ ທັນສະໄໝ ກົມມະສິດ ກ່າວວ່າ: ກອງປະຊຸມຄັ້ງນີ້ນອກ ຈາກບັນດາຄະນະລັດຖະມົນຕີ 10 ປະເທດອາຊຽນເຂົ້າຮ່ວມແລ້ວຍັງມີຄະນະລັດຖະມົນຕີຈາກປະເທດຄື: ສປ ຈີນ, ຍີ່ປຸ່ນ ແລະສ.ເກົາຫຼີ ຮ່ວມສະຫຼຸບການຮ່ວມມືໃນໄລຍະ ຜ່ານມາ ແລະທິດທາງຕໍ່ໜ້າ ຊຶ່ງ ໃນນີ້ໄດ້ຮັບຮອງເອົາວຽກງານ ຫຼາຍດ້ານເຊັ່ນ: ເຫັນດີປ່ຽນຊື່ກອງ ປະຊຸມລັດຖະມົນຕີໄອຊີທີອາຊຽນ ມາເປັນກອງປະຊຸມລັດຖະມົນຕີ ດິ ຈິຕອລອາຊຽນ ແລະປ່ຽນຊື່ກອງ ປະຊຸມເຈົ້າໜ້າທີ່ອາວຸໂສໂທລະຄົມ ອາຊຽນມາເປັນກອງປະຊຸມອາວຸໂສດິຈິຕອລອາຊຽນ ເພື່ອແທດ ເໝາະສອດຄ່ອງກັບເຕັກໂນໂລຊີ, ຮັບຮອງເອກະສານໜ້າວຽກຂອງ ລັດຖະມົນຕີດິຈິຕອລ ແລະຂອບ ໜ້າວຽກເຈົ້າໜ້າທີ່ອາວຸໂສດິຈິ ຕອລ ເພື່ອນຳໄປຂະຫຍາຍສົ່ງເສີມ ການຮ່ວມມືຂະແໜງປິ່ນອ້ອມພາກ ສ່ວນກ່ຽວຂ້ອງຫຼາຍຂຶ້ນ, ເຫັນດີ ເພີ່ມທະວີການຮ່ວມມືເພື່ອຈັດຕັ້ງ ປະຕິບັດແຜນແມ່ບົດ 2020 ໃຫ້ ສຳເລັດກະກຽມສ້າງແຜນແມ່ບົດ 2025  ເພື່ອຄັບເຂື່ອນອາຊຽນໄປ ສູ່ຍຸກເສດຖະກິດ-ສັງຄົມດິຈິຕອລ ທີ່ມີຄວາມປອດໄພຍືນຍົງ ແລະ ເປັນຊຸມຊົນ ນະວັດຕະກໍາຂອງອາຊຽນ.

ນອກນັ້ນໄດ້ຮັບຟັງການລາຍ ງານຄວາມຄືບໜ້າໃນການຮ່ວມມືວຽກງານຄຸ້ມຄອງຂໍ້ມູນຂ່າວສານດິຈິຕອລ ແລະເຫັນດີໃຫ້ສືບ ຕໍ່ຮ່ວມກັນຄົ້ນຄວ້າກົນໄກການ ແລກປ່ຽນຂໍ້ມູນຂ້າມຊາຍແດນລະຫວ່າງປະເທດສະມາຊິກອາຊຽນ, ຮັບຮອງເອົາທິດທາງຂອງອາຊຽນ ເພື່ອເພີ່ມທະວີການຮ່ວມມື ແລະ ການປັບປຸງລະບົບສາຍສົ່ງໃຕ້ທະເລ ແລະຂອບການຮ່ວມມືຂອງອາ ຊຽນໃນການບໍລິການເພື່ອສັງຄົມ ຄຽງຄູ່ກັນນັ້ນຍັງສະແດງຄວາມ ຍິນດີຕໍ່ການສະເໜີສ້າງສູນສະກັດກັ້ນ ແລະແກ້ໄຂເຫດສຸກເສີນທາງ ຄອມພິວເຕີຂອງອາຊຽນ ເພື່ອເພີ່ມ ປະສິດທິພາບໃນການປະສານ ແລະແບ່ງຂັ້ນຂໍ້ມູນໄພຄຸກຄາມລະຫວ່າງສູນເຊີດຂອງອາຊຽນ ແລະປະເທດ ຄູ່ຮ່ວມເຈລະຈາ, ຍິນດີຕໍ່ຜົນສໍາ ເລັດໂຄງການຂອງລາວໃນການ ສຶກສາກ່ຽວກັບການພັດທະນາ, ບໍລິການທາງເອເລັກໂຕນິກໃນອາຊຽນທີ່ຮຽກຮ້ອງໃຫ້ພາກເອກະຊົນຕ້ອງມີສ່ວນຮ່ວມໃນການແລກ ປ່ຽນຂໍ້ມູນອອນລາຍໃຫ້ມີຄວາມ ປອດໄພ ແລະຫັນການບໍລິການ ເປັນເອເລັກໂຕນິກຫຼາຍຂຶ້ນ, ຍິນດີ ຕໍ່ໂຄງການສຶກສາການພັດທະນາ ເນື້ອຫາທ້ອງຖິ່ນຂອງອາຊຽນ ໂດຍເນັ້ນໃຫ້ມີຍຸດທະສາດການພັດທະນາເນື້ອຫາດິຈິຕອລອາຊຽນ ແລະທິດທາງການພັດທະນາເນື້ອ ຫາດິຈິຕອລໃນທ້ອງຖິ່ນ ເພື່ອຊຸກ ຍູ້ການເຕີບໂຕຂອງເສດຖະກິດ ແລະສັງຄົມດິຈິຕອລໃນພາກພື້ນ ເພື່ອຄວາມພະຍາຍາມໃນການຫຼຸດ ຜ່ອນຄວາມແຕກໂຕນດ້ານດິຈິຕອລໃນອາຊຽນ.

ສະໜັບສະໜຸນໂດຍ: ສ່ວນບຸກຄົນ

ສ່ວນກອງປະຊຸມຄັ້ງຕໍ່ໄປປະເທດມາເລເຊຍໄດ້ຮັບກຽດເປັນ ເຈົ້າພາບຈັດກອງປະຊຸມລັດຖະມົນຕີ ດິຈິຕອລ ອາຊຽນ ຄັ້ງທີ 1 ແລະກອງປະຊຸມປິ່ນອ້ອມກັບຄູ່ ຮ່ວມເຈລະຈາ ແລະສະຫຼະພາບໂທລະຄົບມະນາຄົມສາກົນໃນປີ 2020.

----------------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์