ໂຮນລັງເປີດໂຕເຮືອເກັບຂີ້ເຫຍື້ອໃນແມ່ນໍ້າ

  ມູນນິທິ ໂອຊຽນ ຄລິນ ອັບ ຟາວເດຊັນ ຂອງໂຮນລັງທີ່ມີເປົ້າໝາຍໃນການຕໍ່ສູ້ກັບຂີ້ເຫຍື້ອພະລາສະຕິກໃນມະຫາສະໝຸດຕ່າງໆທົ່ວໂລກເປີດໂຕອຸປະກອນໃໝ່ການຢັບຢັ້ງຂີ້ເຫຍື້ອພະລາສະຕິກບໍ່ໃຫ້ລອຍຢູ່ທະເລດ້ວຍການເກັບຂີ້ເຫຍື້ອພະລາສະຕິກຈາກແມ່ນໍ້າສາຍສຳຄັນ.

  ຕາມຂ່າວຕ່າງປະເທດລາຍງານວ່າໂອຊຽນ ຄລິນອັບ ຟາວ ເດຊັນ ຊຶ່ງເປັນອົງການນອກພາກລັດຂອງໂຮນ-ລັງ ແລະເປັນທີ່ຮູ້ຈັກກັນວ່າເປັນມູນນິທິທີ່ພະຍາຍາມເກັບ ແລະເຮັດໃຫ້ມະຫາສະໝຸດ ປາສະຈາກຂີ້ເຫຍື້ອພະລາສະຕິກ ແລະມື້ວັນທີ 27 ຕຸລາທີ່ຜ່ານ ມາ ມູນນິທິໄດ້ເປີດໂຕເຮືອທີ່ໃຊ້ເກັບ ຂີ້ເຫຍື້ອໃນແມ່ນໍ້າເພື່ອບໍ່ໃຫ້ຂີ້ເຫຍື້ອພະລາສະຕິກລອຍລົງສູ່ທະເລ ແລະ ມະຫາສະໝຸດ, ໂບຢັນສະລັດອາຍຸ 25 ປີ ຊຶ່ງເປັນປະທານ ເຈົ້າໜ້າທີ່ ແລະຜູ້ກໍ່ຕັ້ງມູນນິທິກ່າວວ່າເຮືອດັ່ງກ່າວມີຊື່ວ່າດິອິນເຕີເຊັບເຕີຊຶ່ງຈະໄປຈອດຕາມສະຖານທີ່ຕ່າງໆຕາມແມ່ນໍ້າທີ່ມີຂີ້ເຫຍື້ອຊຶ່ງເຮືອຈະສາມາດເກັບຂີ້ເຫຍື້ອໄດ້ວັນລະ 50 ໂຕນຊຶ່ງເຮືອມີຄວາມຍາວ 24 ແມັດ ຂັບເຄື່ອນດ້ວຍເຄື່ອ ງຈັກທີ່ໃຊ້ພະລັງງານແສງຕາເວັນເຮັດວຽກໄດ້ໂດຍອັດຕະໂນມັດບໍ່ຕ້ອງໃຊ້ຄົນຄວບຄຸມສາມາດເກັບຂີ້ເຫຍື້ອໄດ້ຕະຫຼອດ 24 ຊົ່ວໂມງ.

  ທາງມູນລະນິທິມີເປົ້າໝາຍເກັບຂີ້ເຫຍື້ອໃນແມ່ນນໍ້າ 100 ສາຍທົ່ວໂລກພາຍໃນ 5 ປີ ຊຶ່ງຄິດເປັນ 80% ຂອງພະລາສະຕິກທີ່ເກີດຂຶ້ນທົ່ວໂລກຂະນະນີ້ເຮືອດິອິນເຕີເຊັບເຕີ 2 ລໍາ ຖືກສົ່ງໄປໃຊ້ງານແລ້ວທີ່ນະຄອນຫຼວງຈາກາຕ້າຂອງອິນໂດເນເຊຍ ແລະທີ່ມາເລເຊຍລໍາທີ່ 3 ກໍາລັງຢູ່ ລະຫວ່າງກຽມສົ່ງໄປ ສສ ຫວຽດນາມ.

___________

ໜັງສືພິມເສດຖະກິດ-ສັງຄົມ

 

แชร์