ສິງກະໂປ ແຈກເງິນໂບນັສໃຫ້ປະຊາຊົນ 1,4 ລ້ານຄົນ

  ກະຊວງການເງິນລະບຸວ່າ ປະຊາຊົນສິງກະໂປຫຼາຍກວ່າ 1,4 ລ້ານຄົນ ຈະໄດ້ຮັບເງິນໂບນັສຈາກລັດຖະບານໃນວາລະຄົບຮອບ 200 ປີ ຂອງການສ້າງຕັ້ງປະເທດໃນເດືອນພະຈິກທີ່ຈະມາເຖິງນີ້.

 ຕາມຂ່າວຕ່າງປະເທດລາຍງານວ່າຜົນປະໂຫຍດທີ່ຈະແຈກໃຫ້ນີ້ຈະມີທັງເງິນສົດພາຍໃຕ້ໂຄງການ GST Voucher, ການເຕີມເງິນເຂົ້າ Central Provident Fund ແລະເງິນໂບນັສສຳລັບແຮງງານທີ່ມີລາຍໄດ້ໜ້ອຍ, ໃນເດືອນກຸມພາທີ່ຜ່ານມາຂອງງົບປະມານປີ 2019 ລັດຖະບານປະກາດເງິນໂບນັສຈຳນວນ 1,1 ຕື້ໂດ ລາສິງກະໂປເພື່ອເປັນການລະ ນຶກເຖິງວາລະຄົບຮອບ 200 ປີ ຂອງປະເທດ ແລະຊ່ວຍເຫຼືອຜູ້ທີ່ມີຄວາມຈຳເປັນ, ພົນລະເມືອງສິງກະໂປ 1,4 ລ້ານຄົນ ທີ່ມີອາຍຸ 21 ປີຂຶ້ນໄປໃນປີນີ້ ຫຼືຜູ້ມີລາຍໄດ້ 28 ພັນໂດລາສິງກະໂປໃນປີ 2018 ຈະໄດ້ຮັບເງິນຄືນ GST Voucher  ໃນເດືອນພະຈິກນີ້ໂດຍຈະໄດ້ຮັບຄົນລະ 150-300 ໂດລາສິງກະ ໂປຂຶ້ນຢູ່ກັບມູນຄ່າເຮືອນ, ຂະນະ ທີ່ແຮງງານ 4 ແສນຄົນ ທີ່ມີຄຸນ ສົມບັດກົງຕາມ  Workforce Income Supplement (WIS) ຈະໄດ້ຮັບເງິນໂບນັສ Workfare Bicentennial ໃນທ້າຍເດືອນຕຸລາ, ໂດຍກະຊວງການເງິນລະບຸວ່າພວກເຂົາຈະໄດ້ຮັບເງິນເພີ່ມ 10% ຂອງຄ່າຈ້າງທັງໝົດ ປີ 2018 ຫຼື ຂັ້ນຕໍ່າ 100 ໂດລາສິງກະໂປເພື່ອຊ່ວຍບັນເທົາຄ່າໃຊ້ຈ່າຍປະຈຳວັນ, ຂະນະທີ່ຄົນພິການ ແລະ ຜູ້ທີ່ມີອາຍຸຕໍ່າກວ່າ 35 ປີ ໃນປີ 2018 ແລະ ຜູ້ມີຄຸນສົມບັດກົງຕາມລະ ບຽບ WIS ຈະໄດ້ຮັບເງິນຈຳນວນ 100-150 ໂດລາ ສິງກະໂປຂຶ້ນກັບວຽກງານທີ່ເຮັດໃນປີທີ່ຜ່ານມາ, ສ່ວນ 3 ແສນຄົນຈະໄດ້ເຕີມເງິນ CPF ແລະ ຈະໄດ້ຮັບຈົດ ໝາຍແຈ້ງເຕືອນ ແລະການຈ່າຍເງິນໃນເດືອນໜ້າ.

  ຜູ້ທີ່ມີອາຍຸ 50-54 ປີ ຈະໄດ້ຮັບເງິນ 300-1.000 ໂດລາ ສິງກະໂປຂຶ້ນກັບຖານເງິນ CPF Ordinary ແລະເງິນບັນຊີພິເສດ ຫຼືບັນຊີສະສົມເງິນບໍານານໂດຍຜູ້ ທີ່ມີຄຸນສົມບັດຈະຕ້ອງມີລາຍໄດ້ໃນປີ 2018 ບໍ່ເກີນ 28.000 ໂດ ລາສິງກະໂປນອກຈາກນີ້ຜູ້ຈ່າຍພາສີກໍໄດ້ຮັບເງິນຄືນພາສີ 50% ຫຼື ບໍ່ເກີນ 200 ໂດລາ ສິງກະໂປຕໍ່ຄົນໃນເດືອນທັນວາປີນີ້.

____________

ໜັງສືພິມເສດຖະກິດ-ສັງຄົມ

แชร์