ລາວມີຫ້ອງວິເຄາະຄວາມປອດໄພຊີວະພາບລະດັບ 3

ວັນທີ 24 ຕຸລາ 2019 ທີ່ນະຄອນຫຼວງວຽງຈັນ ສູນວິໄຈພະຍາດຊືມເຊື້ອ ລາວ-ຄຣິສຕົຟ ເມຣິເອີ ໄດ້ຈັດພິທີເປີດຫ້ອງວິເຄາະທີ່ມີຄວາມປອດໄພທາງດ້ານຊີວະພາບລະດັບ 3 (BSL 3) ເພື່ອການບົ່ງມະຕິພະຍາດວັນນະໂລກທີ່ດື້ຕໍ່ຢາປິ່ນປົວ (MDR-TB)

  ຊຶ່ງເປັນຫ້ອງວິເຄາະແຫ່ງທຳອິດໃນ ສປປ ລາວ ທີ່ໄດ້ຖືກຮັບຮອງສອງມາດຕະຖານສາກົນ ISO15189 ແລະ ISO15190 ພາຍໃຕ້ການເປັນປະທານຂອງທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ທ່ານນາງ Florence Jeanblanc-Risler ເອກອັກຄະລັດຖະທູດຝຣັ່ງປະຈໍາລາວ, ທ່ານ ອາແຈງ ເມຣິເອີ ປະທານມູນລະນິທິ ເມຣິເອີ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

  ຫ້ອງວິເຄາະດັ່ງກ່າວແມ່ນໄດ້ຮັບທຶນຊ່ວຍເຫຼືອ ແລະຕິດຕັ້ງກໍ່ສ້າງຈາກມູນລະນິທິ ເມຣິເອີ ປະເທດຝຣັ່ງທີ່ມີຄວາມປອດໄພທາງດ້ານຊີວະພາບລະດັບ 3 ເພື່ອຈະຊ່ວຍໃຫ້ມີການວິເຄາະລົງເລິກສໍາລັບການບົ່ງມະຕິພະຍາດວັນນະໂລກທີ່ດື້ຕໍ່ຢາ ປິ່ນປົວ ຊຶ່ງເປັນບັນຫາທີ່ສຳຄັນທາງດ້ານ ສາທາລະນະສຸກພ້ອມດຽວກັນຍັງໄດ້ມີການສະເຫຼີມສະຫຼອງຜົນສຳເລັດຂອງ ການຮັບຮອງຄວາມສາມາດຂອງຫ້ອງ ວິເຄາະທີ່ເປັນມາດຕະຖານສາກົນ ISO 15189 ແລະ ISO 15190 ໃນບໍ່ດົນ ຜ່ານມານີ້ ແລະເພື່ອເປັນການທົບທວນຄືນຄວາມໝາຍຄວາມສຳຄັນ ແລະບົດບາດຂອງຫ້ອງວິເຄາະທາງການແພດໃນຂົງເຂດສາທາລະນະສຸກ,ການສ້າງພື້ນຖານໂຄງລ່າງຫ້ອງວິເຄາະທີ່ທັນສະໄໝ ແລະມີຄວາມປອດໄພລະດັບສູງບວກກັບການໄດ້ຖືກຮັບຮອງມາດຕະຖານສາກົນ ISO15189 ແລະISO15190, ຊຶ່ງເປັນມາດຕະຖານຢັ້ງຢືນຄວາມສາມາດໃນການກວດວິເຄາະ ແລະ ຄວາມປອດໄພຂອງຫ້ອງວິເຄາະການແພດ, ເຮັດໃຫ້ສາມາດສ້າງຄວາມເຂັ້ມແຂງໃຫ້ແກ່ຂະແໜງການສາທາລະນະສຸກກໍຄື ສປປ ລາວ ໃນການຕ້ານຕໍ່ພະຍາດຊືມເຊື້ອໃນຂົງເຂດທົ່ວປະເທດ.

ສະໜັບສະໜຸນໂດຍ: ສ່ວນບຸກຄົນ

  ພະຍາດວັນນະໂລກດື້ຢາແມ່ນບັນຫາໜຶ່ງທີ່ສຳຄັນທີ່ສຸດທາງດ້ານສາທາລະນະສຸກການປູກເຊື້ອ ແລະ ການທົດລອງຢາຕ້ານເຊື້ອວັນນະໂລກແມ່ນມີຄວາມຈຳເປັນຫຼາຍສຳລັບການຮັບປະກັນການຕິດຕາມການປິ່ນປົວທີ່ເໝາະສົມໃຫ້ແກ່ຄົນເຈັບວັນນະໂລກດື້ຢາ, ມູນລະນິທິເມຣິເອີສ້າງຕັ້ງຂຶ້ນໃນປີ 2009 ໂດຍການຊ່ວຍເຫຼືອຈາກມູນນິ ທິ ເມຣິເອີ ປະເທດຝຣັ່ງ,ຊຶ່ງມີພາລະບົດບາດໃນການກວດວິເຄາະດ້ານຊີວະວິທະຍາໂມເລກຸນໂດຍການນໍາໃຊ້ເຕັກນິກທີ່ທັນສະໄໝລວມໄປເຖິງການດໍາເນີນໂຄງການຄົ້ນຄວ້າວິທະຍາສາດກ່ຽວກັບພະຍາດຊືມເຊື້ອຕ່າງໆໂດຍສະເພາະພະຍາດຕັບອັກເສບບີ ແລະ ຊີ (Hepatitis Band C), ພະຍາດ ເຮສໄອວີ (HIV) ແລະ ພະຍາດວັນນະໂລກ (TB), ນອກຈາກນັ້ນຍັງມີພາລະບົດບາດໃນການກໍ່ສ້າງ ແລະຝຶກອົບຮົມໃຫ້ແກ່ພະນັກງານສາທາລະນະສຸກໃນຂົງເຂດທົ່ວປະເທດ.

ສະໜັບສະໜຸນໂດຍ: HONDA

__________

ຂຽນໂດຍ: ຟ້າ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์