ທ່າແຕງ ທຳລາຍສິ້ນສ່ວນປາ ເຖິງ 50-60 ກິໂລ.

  ອາທິດຜ່ານມານີ້ຂອບເຂດຫ້ອງການກະສິກໍາ ແລະປ່າໄມ້ເມືອງທ່າແຕງ ແຂວງເຊກອງ ໄດ້ຈັດພິທີຈູດທຳລາຍຊິ້ນສ່ວນປາທີ່ຍຶດນຳພໍ່ຄ້າ ແລະແມ່ຄ້າພາຍໃນເມືອງທ່າແຕງ ໂດຍເຂົ້າຮ່ວມມີທ່ານ ທະວີສັກ ບຸດພຣົມ ຮອງຫົວໜ້າຫ້ອງການກະສິກຳແລະປ່າໄມ້ເມືອງທ່າແຕງ,ມີຫົວໜ້າໜ່ວຍງານ-ຮອງໜ່ວຍງານ,ພະນັກງານວິຊາການ ພ້ອມພາກສ່ວນກ່ຽວຂ້ອງພາຍໃນເທດສະບານເມືອງທ່າແຕງເຂົ້າຮ່ວມ.

  ທ່ານ ທະວີສັກ ບຸດພຣົມ ຮອງຫົວໜ້າຫ້ອງການກະສິກຳ ແລະປ່າໄມ້ເມືອງທ່າແຕງກ່າວວ່າ: ເພື່ອປະຕິບັດຕາມກົດໝາຍວ່າດ້ວຍການປະມົງ, ສະບັບເລກທີ 03/ສພຊ, ລົງວັນທີ 9 ກໍລະກົດ 2009, ໝວດທີ 3, ມາດຕາ 59, ສິດ ແລະໜ້າທີ່ຂອງເຈົ້າໜ້າທີ່ການປະມົງຕິດພັນກັບຄຳສັ່ງວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງສັດນໍ້າ-ສັດ ປ່າປະເພດຫວງຫ້າມ, ໃຫ້ຢຸດຕິການນໍາ ເຂົ້າຜະລິດຕະພັນອາຫານທະເລ, ປາ, ໄກ່ຈາກປະເທດຫວຽດນາມ ໂດຍບໍ່ມີເອ ກະສານຢັ້ງຢືນ

ສິນຄ້າ ແລະຜິດຕໍ່ກົດ ໝາຍການປະມົງ ໃນຂະນະເຈົ້າໜ້າທີ່ ການປະມົງໄດ້ປະສານສົມທົບກັບພາກ ສ່ວນກ່ຽວຂ້ອງລົງກວດກາທຸກຮ້ານຢູ່ ໃນຕະຫຼາດເມືອງທ່າແຕງ ໃນວັນທີ 24 ຕຸລານີ້ ໄດ້ພົບເຫັນຮ້ານນາງ ຮ່າ ຄົນສັນຊາດຫວຽດນາມ ໄດ້ນໍາເອົາຜະລິດ ຕະພັນອາຫານທະເລ, ປາ, ໄກ່ ທີ່ນໍາເຂົ້າມາຈາກປະເທດຂອງຕົນໃນນີ້ໄດ້ພົບເຫັນປະພດ ປານິນ-ປາໃນແຊ່ແຂງປະມານ 50 - 60 ກິໂລ ນໍາເຂົ້າມາຈໍາໜ່າຍຢູ່ຕະຫຼາດເມືອງທ່າແຕງໂດຍບໍ່ມີເອກະສານຢັ້ງຢືນສິນຄ້ານໍາເຂົ້າ, ຊຶ່ງກ່ອນໜ້ານີ້  ຄະນະຮັບຜິດຊອບໄດ້ສອບຖາມແມ່ຄ້າ ແລະປະຊາຊົນອ້ອມຂ້າງແມ່ນບໍ່ມີໃຜສະແດງຕົວເປັນເຈົ້າຂອງສິນຄ້າດັ່ງກ່າວພ້ອມທັງສ້າງບົດບັນທຶກກັບຜູ້ກ່ຽວ, ແຕ່ຜູ້ກຽ່ວຍັງຝ່າຝືນຕໍ່ກັບລະບຽບກົດໝາຍ, ດັ່ງນັ້ນ ທາງເຈົ້າໜ້າທີ່ກ່ຽວຂ້ອງຂັ້ນເມືອງ ຈຶ່ງໄດ້ປະຕິບັດຕາມລະບຽບວາງອອກຢ່າງເຂັ້ມງວດ ພ້ອມໃຫ້ຜູ້ກ່ຽວຢຸດຂາຍປານັບແຕ່ວັນທີ 24 ຕຸລາ 2019 ນີ້ເປັນຕົ້ນໄປ.

ສະໜັບສະໜຸນໂດຍ: HONDA---------

  ຈາກນັ້ນຜູ້ເຂົ້າຮ່ວມກໍ່ໄດ້ພ້ອມກັນຈູດທຳລາຍຊິ້ນສ່ວນປາປະເພດປານິນ-ປາ ໃນທີ່ຢຶດມາໄດ້ນັ້ນໝົດກ້ຽງ.

ສະໜັບສະໜຸນໂດຍ: ສ່ວນບຸກຄົນ------

____________

ຂຽນໂດຍ: ພອນ ບຸນອຸທິດ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์