ເອຊີລີດາ ລາວ ທຸ້ມທຶນ 32 ຕື້ກວ່າກີບ ສ້າງຄວາມສາມາດພະນັກງານ

 ການຝືກອົບຮົມ ແລະການສ້າງຄວາມສາມາດເປັນສິ່ງສຳຄັນ ແລະຈຳເປັນໃນການປະຕິບັດວຽກງານເພື່ອພັດທະນາຊັບພະຍາກອນມະນຸດ, ທັກສະ, ຄວາມຮູ້, ຄຸນນະທຳ ແລະອື່ນໆ ຊຶ່ງຈະຊ່ວຍໃຫ້ບຸກຄົນ ແລະອົງກອນສາມາດດຳເນີນງານໄດ້ຢ່າງມີປະສິດທິພາບທີ່ດີຂຶ້ນສິ່ງດັ່ງກ່າວໄດ້ທະນາຄານ ເອຊີລີດາ ລາວ ຈຳກັດ, ປະຊາທະນາ ຄານທີ່ທ່ານໄວ້ວາງໃຈ ແລະມີວິໄສທັດໃນການເປັນທະນາຄານເພື່ອ SME ໃນລາວໄດ້ຖືກຈັດເປັນທະນາຄານທຸລະກິດອັນດັບທີ 1 ໃນລາວໃນການສ້າງວຽກເຮັດງານທຳ ໃຫ້ແກ່ຜູ້ບໍລິຫານ ແລະພະນັກງານຄົນລາວຫຼາຍພັນຄົນຂະນະທີ່ທະນາຄານໄດ້ທຸ້ມທຶນທັງໝົດ 3,66 ລ້ານໂດລາເຂົ້າໃນການຝຶກອົບຮົມພະນັກງານຊຶ່ງມາຮອດເດືອນກັນຍາ 2019 ໄດ້ນຳໃຊ້ໃນການຝຶກອົບຮົມເປັນຈຳນວນ 1,92 ລ້ານໂດລາ ແລະອີກ 1,74 ລ້ານໂດລາສຳລັບແຜນການ 5 ປີ.

  ສໍາລັບປີ 2020 ຫາ 2023 ທະນາຄານ ເອຊີລີດາ ມີແຜນນຳໃຊ້ງົບປະມານເຂົ້າໃນການຝຶກອົບຮົມ ແລະພັດທະນາຄວາມຮູ້ຄວາມສາມາດໃຫ້ແກ່ພະນັກງານໂດຍສະເລ່ຍປະມານ 3,48 ແສນ ໂດລາຕໍ່ປີ ດ້ວຍ 2-3 ພັນຫຼັກສູດຕໍ່ປີ, ຜູ້ບໍລິຫານ ແລະພະນັກງານມີຄວາມສາ ມາດປະຕິບັດໜ້າທີ່ໄດ້ຢ່າງຊຳນານເພື່ອໃຫ້ບໍລິການລູກຄ້າທຸກໆລຳດັບຈາກຫຼາຍໆພາກສ່ວນຕ້ອງການການບໍລິການທີ່ວ່ອງໄວ ແລະ ມີປະສິດທິພາບຄິດເຖິງທະນາຄານ ເອຊີລີດາ ລູກຄ້າແຕ່ລະທ່ານໂດຍສະເພາະທຸລະກິດຂະ ໜາດກາງ ຫຼືໃຫຍ່ສາມາດກູ້ຢືມຈາກທະນາຄານເອຊີລີດາໄດ້ສູງເຖິງ 17 ຕື້ກີບ ຫຼືປະມານ 2 ລ້ານໂດລາ.

  ທ່ານ ດຣ ຮາຍ ສະວາຍ ຜູ້ອຳນວຍການໃຫຍ່ທະນາຄານ ເອຊີລີດາ ລາວ ຈຳ ກັດກ່າວວ່າທະນາຄານເອຊີລີດາຈະລົງທຶນໃນດ້ານຊັບພະຍາກອນມະນຸດເກືອບ 2 ລ້ານໂດລາ ພາຍໃນທ້າຍປີນີ້ໃນການສ້າງຄວາມສາມາດໃຫ້ແກ່ພະນັກງານ ແລະມີແຜນການຈະລົງທຶນເພີ່ມອີກປະມານ 1,74 ລ້ານໂດລາໃນ 5 ປີຫຼືປະມານ 3,48 ແສນໂດລາຕໍ່ປີສຳລັບ 2,4 ພັນຫຼັກສູດ ໃນແຕ່ລະປີເພື່ອໃຫ້ພະນັກງານທຸກຄົນມີຄວາມຮູ້ຄວາມສາມາດຫຼາຍຂຶ້ນທະນາຄານມີສະຖານະການເງິນທີ່ເຂັ້ມແຂງພ້ອມດ້ວຍທີມງານຜູ້ບໍລິຫານ ແລະ ພະນັກງານຄົນລາວໃນການໃຫ້ບໍລິການລູກຄ້າພວກເຮົາໄດ້ສືບຕໍ່ຂະຫຍາຍຕົວໃນລະກັບພູມມີພາກ ແລະ ໃຫ້ວຽກເຮັດງານທຳແກ່ພະນັກງານໃນ ສປປ ລາວ ຫຼືປະເທດທີ່ພວກເຮົາໄດ້ດຳເນີນທຸລະກິດຢູ່ດ້ວຍ Mobile App ທີ່ເປັນທີ່ຮູ້ຈັກດີໃນນາມ“ເອຊີລີດາທັນໃຈ”ແລະຜະລິດຕະພັນ Digital, ທະນາຄານຍັງຄົງພັດທະນາຊັບພະຍາກອນມະນຸດທີ່ມີຢູ່ເພື່ອໃຫ້ກາຍເປັນແຫຼ່ງ Digital ຢ່າງຖືກຕ້ອງ.

   ສະໜັບສະໜຸນໂດຍ: HONDA

  ທ່ານ ກອງແກ້ວ ອິນສານ, ຫົວໜ້າພະແນກຊັບພະຍາກອນມະນຸດຂອງທະນາຄານກ່າວວ່າ: ປະຈຸບັນທະນາຄານທີ່ພະນັກງານຄົນລາວຫຼາຍພັນຄົນທີ່ໄດ້ຮັບການຝຶກອົບຮົມເປັນຢ່າງດີທັງຄວາມຮູ້ ແລະສິນທຳເພື່ອໃຫ້ບໍລິການລູກຄ້າທຸກລະດັບດ້ວຍຄວາມໂປ່ງໃສພວກເຮົາໄດ້ສ້າງ ແລະບຳລຸງຮັກສາແຫຼ່ງຊັບພະຍາກອນມະນຸດດ້ວຍຫຼາຍຫຼັກສູດການຝຶກອົບຮົມ ແລະຜົນປະໂຫຍດ 18 ຢ່າງລວມທັງການປັບປຸງທະນາຄານ Digital ແລະການພັດທະນາສິ່ງໃໝ່ໆພວກເຮົາໄດ້ມີການຈັດຝຶກອົບຮົມພະນັກ ງານທັງຢູ່ພາຍ ໃນ ແລະຕ່າງປະເທດ ໂດຍສະເພາະການ ຝຶກອົບຮົມຢູ່ບໍລິສັດແມ່ຂອງພວກເຮົາ ແລະບັນດາປະເທດເປົ້າໝາຍອື່ນໆອີກ. ນອກຈາກນີ້ ພວກເຮົາຍັງໃຫ້ການຝຶກອົບຮົມໃນການພັດທະນາຫຼັກສິນທຳໃນ 3 ຢ່າງຄື: ກາຍວາຈາຈິດໃຈໃຫ້ແກ່ຜູ້ບໍລິຫານ ແລະພະນັກງານຜ່ານທາງ E-Learning ທຸກໆອາທິດດັ່ງຄຳຂວັນຂອງທະນາຄານວ່າ: ປະຊາທະນາຄານທີ່ທ່ານໄວ້ວາງໃຈ.

ສະໜັບສະໜຸນໂດຍ: ສ່ວນບຸກຄົນ

______________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์