ໂລກ້າ ຈັບມືສະມາຄົມລົດຕູ້ ນວ ໃຫ້ບໍລິການທັນສະໄໝ

  ວັນທີ 28 ຕຸລານີ້, ທີ່ສະພາການຄ້ານະຄອນຫຼວງວຽງຈັນ ໂລກ້າ (LOCA) ບໍລິການເອີ້ນລົດຮັບສົ່ງໂດຍສານຜ່ານແອັບພລິເຄຊັນເທິງມືຖື (ບໍລິສັດ ບິສຈິຕອລ ຈໍາກັດ) ຮ່ວມກັບສະມາຄົມລົດຕູ້ນະຄອນຫຼວງວຽງຈັນ (ນລ) ໄດ້ຈັດພິທີເຊັນສັນຍາເພື່ຶອຫັນການບໍລິການລົດຕູ້ໃນລາວໃຫ້ເປັນທັນສະໄໝລົງນາມລະຫວ່າງທ່ານ ສຸລິໂຍ ວົງດາລາ ຜູ້ກໍ່ຕັ້ງ LOCA ຜູ້ບໍລິຫານຝ່າຍເຕັກໂນໂລຊີຂອງ ບໍລິສັດ ບິສຈິຕອລ ຈໍາກັດ ແລະ ທ່ານ ບຸນຄໍ້າ ລາດຊະວົງ ປະທານສະມາຄົມລົດຕູ້ນະຄອນຫຼວງວຽງຈັນ, ມີທ່ານ ດາວວອນ ພະຈັນທະວົງ ຮອງປະທານສະພາການຄ້າ ແລະອຸດສາຫະກຳແຫ່ງຊາດລາວພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂິພິຍານ.

  ທ່ານ ສຸລິໂຍ ວົງດາລາ ໃຫ້ຮູ້ວ່າ: ການເຊັນສັນຍາໃນຄັ້ງນີ້ ເພື່ອເຮັດໃຫ້ການ ບໍລິການລົດຕູ້ມີຄວາມທັນສະໄໝຫຼາຍຂຶ້ນຄຽງຄູກັບການຫັນເປັນດິຈິຕອລ ແລະເຮັດໃຫ້ການບໍລິການມີຄວາມສະດວກສະບາຍ,ມີລາຄາຊັດເຈນ ແລະເຮັດໃຫ້ຜູ້ຂັບລົດຕູ້ບໍລິການມີລາຍໄດ້ເພີ່ມ. ນອກນີ້, ທັງເປັນການຂະຫຍາຍບໍລິການໃຫ້ມີຄວາມຫຼາກຫຼາຍຂຶ້ນ ພາຍຫຼັງຈາກ ທີ່ເຊັນສັນຍາແລ້ວຈະໄດ້ເພີ່ມບໍລິການ ຈອງລົດຕູ້ເຂົ້າມາ ແລະເບື້ອງຕົ້ນຈະມີລົດ ຕູ້ຮອງຮັບການໃຫ້ບໍລິການລູກຄ້າປະ ມານ 30 ຄັນ ແລະ ພາຍໃນໜຶ່ງເດືອນຈະເພີ່ມເຂົ້າມາຕື່ມອີກເປັນຈໍານວນ 240 ຄັນ ຊຶ່ງໃນປະຈຸບັນປະເພດລົດທີ່ສາມາດເອີ້ນໃຊ້ໄດ້ຜ່ານແອັບພລິເຄຊັນໂລກ້າສ່ວນໃຫຍ່ເປັນລົດເກ໋ງຊຶ່ງມີຈໍານວນທັງໝົດປະມານ 300 ທີ່ລົງທະບຽນເປັນຜູ້ຂັບ ແລະ ໃນອະນາຄົດອັນໃກ້ກໍຈະເພີ່ມບໍລິການໃໝ່ເຂົ້າມາອີກເຊັ່ນ: LOCA Bike ຊຶ່ງເປັນບໍລິການລົດຈັກຮັບສົ່ງໂດຍ ສານ ແລະບໍລິການຈອງລົດຕູ້ທີ່ມີການເຊັນສັນຍາຮ່ວມມືກັນດັ່ງກ່າວ.

ສະໜັບສະໜຸນໂດຍ: ສ່ວນບຸກຄົນ

 ເມື່ອບໍ່ດົນຜ່ານມານີ້,  LOCA ກໍໄດ້ເຊັນສັນຍາຮ່ວມມືກັບ ບໍລິສັດປະກັນໄພ ລ້ານຊ້າງ ເພື່ອຍົກລະດັບການປ້ອງກັນໃຫ້ແກ່ບໍລິການຂົນສົ່ງໂດຍສານຂອງຕົນເອງ ແລະຍັງເປັນການອໍານວຍຄວາມສະດວກໃຫ້ແກ່ຜູ້ຂັບໃນການຊື້ປະກັນໄພລົດ. ນອກຈາກຄວາມຫຼາກຫຼາຍທາງດ້ານບໍລິການແລ້ວໃນອະນາຄົດໂລກ້າຍັງມີແຜນທີ່ຈະຂະຫຍ າຍພື້ນທີ່ບໍລິການໃຫ້ກວ້າງຂຶ້ນຈາກປະຈຸບັນທີ່ໃຫ້ບໍລິການພຽງແຕ່ພື້ນຕົວເມືອງຂອງນະຄອນຫຼວງວຽງຈັນ.

ສະໜັບສະໜຸນໂດຍ: HONDA

_____________

ຂຽນໂດຍ: ວົງມະນີ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์