ໂຮງໝໍແຂວງຫຼວງນໍ້າທາ ເປີດບໍລິການປິ່ນປົວຜ່າຕັດຜ່ານທໍ່

  ວັນທີ 25 ຕຸລາ 2019 ນີ້ ຢູ່ທີ່ ໂຮງໝໍແຂວງຫຼວງນ້ຳທາໄດ້ເປີດພິທີບໍລິການປິ່ນປົວຜ່າຕັດຜ່ານທໍ່ເຂົ້າຮ່ວມໂດຍທ່ານ ບຸນຍີ່ ແກ້ວຄຸນເມືອງ ຮອງເຈົ້າແຂວງໆຫຼວງນໍ້າທາ, ທ່ານ ຄຳຈັນ ອິອິນທອງໄຊ ຫົວໜ້າພະແນກສາທາລະນະສຸກແຂວງ, ທ່ານ ອາຈານ ພວງເພັດ ຂຸນສຳລານ ຮອງຫົວໜ້າພະແນກຜ່າຕັດຜົ້ງທ້ອງທົ່ວໄປພ້ອມດ້ວຍທີມງານ, ອຳນວຍການໂຮງໝໍແຂວງບໍ່ແກ້ວ, ອຳນວຍການໂຮງໝໍເມືອງ 5 ເມືອງ, ໂຮງໝໍທະຫານແຂວງ, ໂຮງໝໍ ປກສ, ແຂກຖືກເຊີນ ແລະ ພະນັກງານ ແພດໝໍພາຍໃນໂຮງໝໍເຂົ້າຮ່ວມ.

ທ່ານ ດຣ ແສງວົງ ບຸດຕະວົງ ອຳນວຍການໂຮງໝໍແຂວງຫຼວງນໍ້າທາໄດ້ລາຍງານການຈັດຕັ້ງປະຕິບັດວຽກງານໄລຍະຜ່ານມາພະແນກສາທາລະນະສຸກແຂວງເວົ້າລວມເວົ້າສະເພາະໂຮງ ໝໍແຂວງຫຼວງນໍ້າທາໄດ້ເອົາໃຈໃສ່ໃນ ການປັບປຸງ ແລະພັດທະນາຄຸນນະພາບ ຂອງການບໍລິການດ້ວຍດີຕະຫຼອດມາ ໂດຍການຈັດຕັ້ງປະຕິບັດຕາມ 2 ໜ້າທີ່ ຍຸດທະສາດໃຫຍ່, ຕາມຍຸດທະສາດປະຕິ ຮູບສາທາລະນະສຸກ ແລະປະຕິບັດນະໂຍ ບາຍ 5 ດີ, 1 ພໍໃຈໂດຍເນັ້ນໃສ່: ການພັດທະນາດ້ານຊັບພະຍາກອນມະນຸດດ້ານປະລິມານ ແລະ ຄຸນນະພາບ, ດ້ານອຸປະກອນການແພດໃຫ້ພຽງພໍ ແລະທັນສະໄໝ, ວຽກງານການປິ່ນປົວດ້ວຍການຜ່າຕັດແມ່ນວຽກໜຶ່ງທີ່ມີຄວາມສຳຄັນ ແລະ ຈຳເປັນໃນການຊ່ວຍເຫຼືອ-ກອບກູ້ເອົາ ຊີວິດຂອງຄົນເຈັບ ປະຈຸບັນໂຮງໝໍແຂວງຫຼວງນໍ້າທາສາມາດເປີດການປິ່ນປົວຜ່າຕັດຜ່ານທໍ່ຊຶ່ງເປັນການຜ່າຕັດທີ່ທັນສະໄໝເປັນເຄື່ອງມືອັນໃໝ່ທີ່ໄດ້ນຳ ມາບໍລິການປິ່ນປົວຄົນເຈັບຢູ່ໂຮງໝໍ ແຂວງຫຼວງນໍ້າທາຊຸດຜ່າຕັດ LC ຊຶ່ງນຳເຂົ້າຈາກປະເທດເຢຍລະມັນ, ເປັນເຄື່ອງມືຜ່າຕັດຜ່ານທໍ່ເປັນຕົ້ນ: ຖົງບີ, ໄສ້ຕິ່ງ ແລະຜົ້ງທ້ອງຊຸດຜ່າຕັດແມ່ນໄດ້ຮັບການສະໜັບສະໜູນຈາກລັດຖະບານລາວມູນຄ່າ 1,4 ຕື້ກີບ.

  ພາຍຫຼັງທີ່ແພດໝໍໄດ້ຮັບການຝຶກອົບຮົມວິທີການນຳໃຊ້ປິ່ນປົວຄົນເຈັບແລ້ວທາງໂຮງໝໍໄດ້ເປີດການນຳໃຊ້ຊຸດຜ່າຕັດຜ່ານທໍ່ຢ່າງເປັນທາງການໃນໜຶ່ງອາທິດຜ່ານມາ ໄດ້ທຳການຜ່າຕັດດ້ວຍລະບົບຜ່ານທໍ່ປິ່ນປົວຄົນເຈັບໄດ້ 10 ກວ່າກໍລະນີ ເຮັດໃຫ້ຜູ້ເຂົ້າຮັບການປິ່ນປົວມີຄວາມປອດໄພສູງ ແລະມີສຸຂະພາບແຂງແຮງດີ.

ສະໜັບສະໜຸນໂດຍ: ສ່ວນບຸກຄົນ

  ໂອກາດນີ້ບັນດາທ່ານແຂກທີ່ເຂົ້າຮ່ວມກອງປະຊຸມຍັງໄດ້ເຂົ້າເບິ່ງການຜ່າຕັດຖົງບີດ້ວຍລະບົບຜ່ານທໍ່ຕົວຈິງໃນຫ້ອງຕັດຕື່ມອີກ.

________________

ຂຽນໂດຍ: ອຸ້ມ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์