ແກ້ງຂົດຄູ້ ສະຖານທີ່ທ່ອງທ່ຽວທີ່ງົດງາມ

  ເມືອງຊະນະຄາມຫຼາຍໆຄົນກໍຄົງເຄີຍໄດ້ຍິນເພາະເມືອງຊະນະຄາມເປັນເມືອງທີ່ຂຶ້ນຊື່ດ້ານການທ່ອງທ່ຽວທາງປະຫວັດສາດ ແລະວັດທະນະທໍາອັນຫຼາກຫຼາຍປະກອບດ້ວຍຫຼາຍຊົນເຜົ່ານອກຈາກນີ້ຍັງມີແຫຼ່ງທ່ອງທ່ຽວທາງທໍາມະຊາດເປັນຕົ້ນແມ່ນແກ້ງຂົດຄູ້ອ້ອມຮອບໃນແກ້ງປະກອບດ້ວຍໂງ່ນຫີນທີ່ລືຊື່ ແລະ ມີປະຫວັດຄວາມເປັນມາອັນຍາວນານ ແລະໜ້າສົນໃຈ, ແກ້ງແຫ່ງນີ້ປະຊາຊົນມັກມາທ່ຽວຫຼິ້ນ ແລະຊົມບັນຍາກາດທີ່ສົດຊື່ນແກ້ງຂົດຄູ້ຕັ້ງຢູ່ບ້ານປາກມີ້ເມືອງຊະນະຄາມແຂວງວຽງຈັນເປັນສະຖານທີ່ທ່ອງທ່ຽວທີ່ງົດງາມ.

   ແກ້ງຂົດຄູ້ແມ່ນແກ້ງທີ່ໃຫຍ່ເຕັມໄປດ້ວຍກ້ອນຫີນທີ່ສວຍງາມ ແລະມີລັກສະນະຮູບຮ່າງທີ່ແຕກຕ່າງກັນຢັ່ງຢາຍຕາມສາຍແມ່ຊຶ່ງຕັ້ງຢູ່ບ້ານປາກມີ້ເມືອງຊະນະຄາມຫ່າງຈາກເທສະບານເມືອງຊະນະຄາມປະມານ 3 ກິໂລແມັດ, ມີປະຫວັດຄວາມເປັນມາອັນຍາວນານຕາມນິທານເລື່ອງ“ທ້າວຈຶ່ງຂຶ່ງດັງແດງ.”ລັກ ສະນະຂອງແກ້ງເປັນແກ້ງໂງ່ນຫີນທີ່ຍາວຢຽດແຕ່ຝັ່ງຂອງລາວຈົນເກືອບຈໍາຝັ່ງຂອງປະເທດໄທ, ເບິ່ງແລ້ວຄ້າຍຄືກັບຝາຍກັນນ້ຳທີ່ມີຄວາມພິດສະດານເອົາເປັນວ່າຖ້າຫາກນັກທ່ອງທ່ຽວທ່ານໃດກໍາລັງຄິດຫາສະຖານທີ່ພັກຜ່ອນຢ່ອນອາລົມທີ່ມີບັນຍາກາດເຢັນສະບາຍແກ້ງຂົດຄູ້ໜ້າຈະແມ່ນອີກໜຶ່ງສະຖານທີ່ທີ່ທ່ານຄວນໄປສຳຜັດ.

• 25/01/2019