ເທຄວັນໂດ້ລາວຄວ້າ 2 ຫຼຽນຄຳ ທີ່ປະເທດໄທ

  ໃນວັນທີ 26 ຕຸລາທີຜ່ານ ມາ ທັບນັກກີລາເທຄວັນໂດ້ລາວ ສາມາດຄວ້າ 2 ຫຼຽນຄຳ 1 ຫຼຽນ ເງິນ 5 ຫຼຽນທອງ ໃນລາຍການ RSU Taekwondo Open 2019 ທີ່ມະຫາວິທະຍາໄລຣັງສິດ ປະເທດໄທ.

ຜ່ານການແຂ່ງຂັນຜົນປະກົດ ວ່າສາມາດຍາດມາໄດ້ 2 ຫຼຽນ ຄຳ 1 ຫຼຽນເງິນ ແລະ 5 ຫຼຽນ ທອງລວມທັງໝົດແມ່ນ 8 ຫຼຽນ, ຊຶ່ງ 2 ຫຼຽນຄຳ ໄດ້ຈາກປະເພດຕໍ່ ສູ້ລຸ້ນ 54 ກິໂລກຣາມ ຈາກທ້າວ ທິບພະກອນ ກວາງມະນີວົງ ແລະ ນາງ ກິດາວອນ ພິລະວົງ ປະເພດຟ້ອນປຸ້ມເຊ ຍິງດ່ຽວພ້ອມຮັບລາງ ວັນນັກກີລາດີເດັ່ນ, 1 ຫຼຽນເງິນ ຈາກທ້າວ ສອນໄຊ ມັງເຄືອ ປະ ເພດຕໍ່ສູ້ລຸ້ນ 80 ກິໂລກຣາມ, 5 ຫຼຽນທອງຈາກນາງ ສອນສະຫັວນ ສິລິມະໂນທຳ ປະເພດຕໍ່ສູ້ ລຸ້ນ 73 ກິໂລກຣາມ, ທ້າວ ພູວິໄລ ຍົມມະລາດ ລຸ້ນ 58 ກິໂລກຣາມ, ທ້າວ ສົມສະນຸກ ພົມມະວົງ ລຸ້ນ 74 ກິໂລກຣາມ, ນາງ ອານຸລັກ ບຸສິງຂອນ ລຸ້ນ 46 ກິໂລກຣາມ, ນາງ ສອນສະຫັວນ ກວນວົງ ລຸ້ນ 49 ກິໂລກຮາມ ແລະທ້າວ ພັດທະນາ ໄຊຍະກຸມມານ ປະເພດ ຕໍ່ສູ້ລຸ້ນ 63 ກິໂລກຣາມ.

ການແຂ່ງຂັນຄັ້ງນີ້ລາວເຮົາສົ່ງນັກກີລາເຂົ້າຮ່ວມ 10 ຄົນ   (ຍິງ 3 ຄົນ) ປະເພດຕໍ່ສູ້ 9 ຄົນ ແລະປະເພດຟ້ອນ 1 ຄົນ, ລາຍການນີ້ມີນັກກີລາຫຼາກຫຼາຍອາຍຸທັງອະນຸຊົນ, ເຍົາວະຊົນ-ໄວໜຸ່ມ ແລະລຸ້ນທົ່ວໄປສຳລັບລາວເຮົາສົ່ງ ເຂົ້າຮ່ວມແມ່ນເພື່ອເປັນການທົດ ສອບນັກກີລາເພື່ອກຽມຄວາມ ພ້ອມສູ່ຊີເກມ ຄັ້ງທີ 30 ທີ່ປະ ເທດຟິລິບປິນໃນວັນທີ 30 ພະຈິກ ຫາວັນທີ 11 ທັນວາ 2019.

-------------------------------------

ພາບແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์