ກາແດງລາວ ມອບອຸປະກອນການຮຽນ ໃຫ້ໂຮງຮຽນເມືອງສະໜາມໄຊ

  ວັນທີ 23 ຕຸລາ ຜ່ານມາ ອົງການກາແດງລາວ ນຳໂດຍທ່ານ ທອງພະຈັນ ສອນນະສິນ ຮອງປະທານອົງການກາແດງລາວ ແລະ ຄະນະໄດ້ຊ່ວຍເຫຼືອອຸປະກອນການ ສຶກສາໃຫ້ແກ່ໂຮງຮຽນມັດທະຍົມ ຕອນຕົ້ນທົ່ງແທ ຈຳນວນ 505 ຄົນ, ໂຮງຮຽນປະຖົມທ່າອວນ 130 ຄົນ, ປະຖົມສົມບູນດອນ ມ່ວງ 255 ຄົນ ຂອງເມືອງສະໜາມໄຊ ແຂວງອັດຕະປືທີ່ໄດ້ຮັບຜົນກະທົບຈາກໄພພິບັດນໍ້າຖ້ວມ.

ສໍາລັບເຄື່ອງທີ່ນຳມາຊ່ວຍ ເຫຼືອ ໃນຄັ້ງນີ້ປະກອບມີ: ປຶ້ມ, ບິກ, ສໍ, ຢາງລຶບ, ໄມ້ບັນທັດ, ຖົງພາຍ , ນໍ້າລຶບ, ຄອມພິວເຕີ ແລະປິນເຕີ ລວມມູນຄ່າ 90,796,000 ກີບ ຊຶ່ງໄດ້ຮັບການສະໜັບໜູນຈາກ ກາແດງສິງກະໂປ, ມອບໂດຍທ່ານ ທອງພະຈັນ ສອນນະສິນ ຮອງປະທານອົງການກາແດງລາວໄດ້ ມອບໃຫ້ອຳນວຍການທັງສາມ ໂຮງຮຽນ ໂດຍຊ່ອງໜ້າຄູ-ອາ ຈານ, ນ້ອງນັກຮຽນ, ພະນັກງານ ແລະອຳນາດການປົກຄອງແຕ່ລະຂັ້ນເຂົ້າຮ່ວມ.

-------------------------------------

ພາບແລະຂາ່ວຈາກ: ໜັງສືພິມເສດຖະກິດ-ສັງຄົມ

• 29/10/2019