ເລຂາກອງທຶນສິ່ງແວດລ້ອມໂລກ ຢ້ຽມຢາມວິທະຍຸຊຸມຊົນເມືອງທ່າແຕງ

 ໃນວັນທີ 24 ຕຸລາ 2019 ນີ້ ທ່ານ ບຸນມີ ພົມມະກອນ ເລຂາກອງທຶນສິ່ງແວດລ້ອມໂລກຜູ້ປະສານງານແຜນງານໂຄງການຂະໜາດໜ້ອຍພ້ອມຄະນະໄດ້ລົງເຄື່ອນ ໄຫວຢ້ຽມຢາມສະຖານີວິທະຍຸຊຸມຊົນເພື່ອການພັດທະນາເມືອງທ່າແຕງ ແຂວງເຊກອງ ໂດຍເປັນກຽດຕ້ອນຮັບຂອງ ທ່ານ ບຸນທົງ ຖິ່ນດອນໂຂງ ຮອງຫົວໜ້າພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງເຊກອງ, ມີຫົວໜ້າຫ້ອງການ-ຮອງຫ້ອງການ, ຂະແໜງການກ່ຽວຂ້ອງພ້ອມດ້ວຍອາສາສະໝັກສະຖານີວິທະຍຸ ຊຸມຊົນ ເພື່ອການພັດທະນາເມືອງທ່າແຕງ.

ການລົງເຄື່ອນໄຫວຢ້ຽມຢາມ ຂອງເລຂາກອງທຶນສິ່ງແວດລ້ອມ ໂລກຜູ້ປະສານງານແຜນງານໂຄງ ການຂະໜາດໜ້ອຍຢູ່ສະຖານີວິ ທະຍຸຊຸມຊົນເພື່ອການພັດທະນາ ເມືອງທ່າແຕງຄັ້ງນີ້ ໄດ້ຮັບຟັງການ ລາຍງານສະພາບລວມໂດຍຫຍໍ້ ຈາກ ທ່ານນາງ ນົກນາ ດວງກັນຍາ ອາສາສະໝັກສະຫະປະຊາຊາດ(UNDP) ປະຈໍາສະຖານີວິທະຍຸຊຸມຊົນເພື່ອການພັດທະນາ ເມືອງທ່າແຕງ ໂດຍຈຸດປະສົ່ງເພື່ອ ກວດກາຕີລາຄາຄືນດ້ານການຈັດຕັ້ງປະຕິບັດບັນດາກິດຈະກໍາຕ່າງໆ ຢູ່ພາຍໃນເມືອງທ່າແຕງ ພາຍຫຼັງ ໄດ້ຮັບທຶນສິ່ງແວດລ້ອມໂລກໃນ ໄລຍະແຕ່ປີ 2018 ຜ່ານມາເມືອງ ທ່າແຕງ ໄດ້ສຸມໃສ່ບັນດາກິດຈະກໍາດ້ານການປ່ຽນແປງດິນຟ້າອາກາດເຂົ້າເຖິງປະຊາຊົນເປັນຕົ້ນ:ຜົນຮ້າຍຂອງການນໍາໃຊ້ສານເຄ ມີການແນະນໍາ ແລະສາທິດການ ເຮັດຝຸ່ນຊີວະພາບ, ເຜີຍແຜ່ລະບຽບກົດໝາຍ ແລະນະໂຍບາຍທີ່ ກ່ຽວຂ້ອງ, ໂດຍນໍາເອົາຂະແໜງ ການກ່ຽວຂ້ອງຂັ້ນເມືອງລົງເຜີຍ ແຜ່ຜົນກະທົບໂດຍກົງເຊັ່ນ: ສາທາລະນະສຸກ, ກະສິກໍາ ແລະປ່າໄມ້, ຊັບພະຍາກອນທໍາມະຊາດ ແລະສິ່ງແວດລ້ອມ ແລະຍຸຕິທຳ,ໂດຍຮ່ວມກັນປຶກສາຫາລື, ຄົ້ນຄວ້າ, ວາງແຜນການຢ່າງຮອບດ້ານເຂົ້າເຖິງບ້ານ ແລະໂຮງຮຽນ ເປົ້າໝາຍໂດຍມີ: ບ້ານປະຫຼາຍ, ບ້ານຫຼີກ, ບ້ານຫົວເຊໂດນ ແລະ ໂຮງຮຽນ ມສ ກະປື ມີຜູ້ເຂົ້າ ຮ່ວມຮັບຟັງ 843 ຄົນ, ຍິງ 414 ຄົນ, ພາຍຫຼັງດໍາເນີນກິດຈະກໍາ ແລ້ວຍັງໄດ້ນໍາເອົາຂໍ້ມູນຢ່າງລະອຽດນໍາມາຜະລິດລາຍການອອກອາກາດສົດທາງວິທະຍຸຊຸມຊົນພາຍໃນເມືອງເປັນພາສາລາວມີ 5 ລາຍການ, ພາສາເຜົ່າ 7 ລາຍການ, ຜະລິດສະປອດໄດ້ 7 ສະປອດພາຍໃຕ້ຫົວຂໍ້: ການຜະລິດການນໍາໃຊ້ຝຸ່ນບົ່ມ, ການນໍາໃຊ້ ນໍ້າສະກັດຊີວະພາບປາບສັດຕູພືດ, ວິທີການຂະຫຍາຍຫົວເຊື້ອນໍ້າ ສະກັດຊີວະພາບ, ຜົນກະທົບຈາກ ການນໍາໃຊ້ຢາຂ້າຫຍ້າ ແລະການ ຮັກສາສິ່ງແວດລ້ອມ, ມີຜູ້ຮັບຟັງ ທາງວິທະຍຸຂອງເມືອງທັງໝົດ 13.633 ຄົນ, ຍິງ 5.453 ຄົນ.

ສະໜັບສະໜຸນໂດຍ: HONDA ຈາກນັ້ນຜູ້ເຂົ້າຮ່ວມໄດ້ປະກອບຄໍາຄິດເຫັນສຸມໃສ່ສ້າງຄວາມເຂົ້າໃຈຢ່າງເລິກເຊິ່ງຕໍ່ກັບກິດຈະກໍາຕ່າງໆ, ທັງເປັນການແລກປ່ຽນບົດຮຽນເພື່ອກໍານົດບູລິມະສິດໃນທິດ ທາງການຍາດແຍ່ງກໍ່ ໃຫ້ເກີດຜົນປະໂຫຍດສູງສຸດຈາກກອງທຶນສິ່ງແວດລ້ອມໂລກ ເພື່ອ ຮັບປະກັນການເຄື່ອນໄຫວວຽກງານຄຸ້ມຄອງຊັບພະຍາກອນທໍາມະຊາດ ແລະປົກປັກຮັກສາສິ່ງ ແວດລ້ອມໃຫ້ປັບຕົວເຂົ້າກັບສະພາບການປ່ຽນແປງດິນຟ້າອາກາດ ເຊັ່ນ:ດ້ານກະສິກຳ, ສຸຂະພາບ,ການສຶກສາ, ການພັດທະນາເດັກນ້ອຍ, ພື້ນຖານໂຄງລ່າງ ແລະດ້ານອື່ນໆເຂົ້າເຖິງປະຊາຊົນຢູ່ ສປປ ລາວ ກໍຄືຢູ່ເມືອງທ່າແຕງໃຫ້ມີປະສິດທິຜົນສູງຂຶ້ນກວ່າເກົ່າ.

ສະໜັບສະໜຸນໂດຍ: ສ່ວນບຸກຄົນ

 

--------------

ໂດຍ: ພອນ ບຸນອຸທິດ  

ໜັງສືພິມເສດຖະກິດ-ສັງຄົມ

 

แชร์