ຄະນະພັກຮາກຖານທະນາຄານແຂວງຫຼວງພະບາງ ໄຂກອງປະຊຸມໃຫຍ່ ຄັ້ງທີ II

 ກອງປະຊຸມໃຫຍ່ຄັ້ງທີ II ຂອງຄະນະພັກຮາກຖານ ທະນາຄານແຂວງຫຼວງພະບາງ ໄດ້ຈັດ ຂຶ້ນໃນວັນທີ 26 ຕຸລາ 2019 ທີ່ ຫ້ອງປະຊຸມຂອງທະນາຄານໃຫ້ ກຽດເປັນປະທານຂອງ ສະຫາຍ ສຸກັນ ບຸນຍົງ ກຳມະການປະຈຳ ພັກແຂວງ ຮອງເຈົ້າແຂວງໆຫຼວງ ພະບາງ, ມີຄະນະຊີ້ນໍາກະກຽມ ກອງປະຊຸມຂັ້ນແຂວງ, ຄະນະໜ່ວຍ ພັກຂອງທະນາຄານລັດອ້ອມຂ້າງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ສະຫາຍ ສົມຈັນ ສົມບຸນສີ ເລ ຂາຄະນະພັກຮາກຖານທະນາຄານ ແຂວງຫຼວງພະບາງ ໄດ້ຜ່ານບົດ ລາຍງານການເມືອງໃນການ ເຄື່ອນໄຫວວຽກງານຮອບດ້ານ ຂອງຄະນະພັກຮາກຖານ ແລະ ແຜນການຕໍ່ໜ້າວ່າ: ຄະນະພັກ ຮາກຖານທະນາຄານແຂວງຫຼວງ ພະບາງ ແມ່ນຂຶ້ນກັບຄະນະພັກ ແຂວງໆຫຼວງພະບາງ, ສ່ວນທາງ ດ້ານວິຊາສະເພາະແມ່ນຂຶ້ນກັັບທະນາຄານໃຫຍ່ຂອງແຕ່ລະທະນາ ຄານ, ຄະນະພັກຮາກຖານທະນາ ຄານແຂວງຫຼວງພະບາງປະກອບ ມີ 5 ໜ່ວຍພັກຂຶ້ນນຳຄື: ໜ່ວຍພັກ ທະນາຄານແຫ່ງ ສປປ ລາວ ສາ ຂາພາກເໜືອ ແຂວງຫຼວງພະບາງ, ໜ່ວຍພັກທະນາຄານການຄ້າຕ່າງ ປະເທດລາວ ມະຫາຊົນ, ໜ່ວຍພັກ ທະນາຄານພັດທະນາລາວ, ໜ່ວຍ ພັກທະນາຄານສົ່ງເສີມກະສິກຳ ແລະໜ່ວຍພັກທະນາຄານນະໂຍ ບາຍ; ຮັບຜິດຊອບຊີ້ນຳ-ນຳພາ ພະນັກງານທັງໝົດ 336 ສະຫາຍ, ຍິງ 135 ສະຫາຍ ເພີ່ມຂຶ້ນ 25 ສະຫາຍ ເທົ່າກັບ 8%, ໃນນັ້ນ ມີສະມາຊິກພັກທັງໝົດ 110 ສະຫາຍ, ຍິງ 46 ສະຫາຍ, ສະມາຊິກ ພັກສົມບູນ 102 ສະຫາຍ, ຍິງ 41 ສະຫາຍ ແລະສຳຮອງ 8 ສະຫາຍ, ຍິງ 5 ສະຫາຍ ເມື່ອທຽບ ໃສ່ປີ 2015 ເພີ່ມຂຶ້ນ 38 ສະຫາຍ ຫຼື ເທົ່າກັບ 53% ອາຍຸສະມາຊິກ ພັກສູງສຸດ 59 ປີ, ຕໍ່າສຸດ 28 ປີ, ອາຍຸສະເລ່ຍ 44 ປີ.

  ຄະນະພັກຮາກຖານໄດ້ຖືເອົາການຊີ້ນຳ-ນຳພາ ແລະສຶກສາອົບຮົມການເມືອງ-ແນວຄິດໃຫ້ສະມາຊິກພັກ-ພະນັກງານເປັນບັນຫາສຳຄັນ ແລະຕິດພັນທຸໆ ການເຄື່ອນໄຫວວຽກງານຖືເອົາການດຳເນີນຊີວິດການເມືອງ ເພື່ອເປັນການກວດກາຕຳນິຕິຊົມ ແລະກໍ່ສ້າງ, ຊຶ່ງເຮັດໃຫ້ສະມາຊິກພັກ-ພະນັກງານໄດ້ຮັບຮູ້ເຂົ້າ ໃຈຕໍ່ແນວທາງນະໂຍບາຍຂອງ ຂັ້ນເທິງ, ມີແນວຄິດອຸ່ນອ່ຽງທຸ່ນ ທ່ຽງ, ມີທັດສະນະການເມືອງ ໜັກແໜ້ນ ມີຄວາມຮັບຜິດຊອບຕໍ່ໜ້າທີ່ການເມືອງທີ່ພັກ-ລັດມອບ ໝາຍດ້ວຍຜົນສຳເລັດຫຼາຍດ້ານເປັນກ້າວໆ, ໃນກອງປະຊຸມໄດ້ ບ່ອນບັດເລືອກຕັ້ງ ຄະນະພັກຮາກ ຖານຊຸດທີ II ຈາກຜູ້ສະໝັກ 9 ສະຫາຍ, ຜົນການຄັດເລືອກຜ່ານ ກອງປະຊຸມຄັ້ງປະຖົມມະລຶກເປັນ ເອກະພາບເລືອກເອົາ ສະຫາຍ ຄໍາຊ່ຽນ ມິ່ງບຸບຜາ ເປັນເລຂາຄະນະພັກຮາກຖານ, ສະຫາຍ ບຸນທັນ ແກ້ວບັນຍາ ເປັນຮອງເລຂາຄະນະພັກຮາກຖານ.

ສະໜັບສະໜຸນໂດຍ: ສ່ວນບຸກຄົນ

 ໃນໂອກາດດຽວກັນນີ້ ສະຫາຍ ສຸກັນ ບຸນຍົງ ກໍໄດ້ມີຄຳເຫັນຕໍ່ຄະນະພັກຮາກຖານຊຸດໃໝ່ວ່າ: ຊົມ ເຊີຍຕໍ່ຜົນງານທີ່ສາມາດຍາດ ມາໄດ້ ແລະເນັ້ນໜັກໃຫ້ຄະນະພັກ ຮາກຖານຊຸດໃໝ່ນີ້ ໃຫ້ສືບຕໍ່ການ ປະຕິບັດວຽກງານທີ່ຂັ້ນເທິງມອບ ໝາຍ ແລະເຊີດຊູການນຳພາຂອງ ພັກ-ລັດໃນທຸກຂົງເຂດວຽກງານ ຊຸກຍູ້ສົ່ງເສີມການຊີ້ນຳ-ນຳພາ ສຶກສາອົບຮົມພະນັກງານດ້ານ ວຽກງານແນວຄິດ, ລະບົບການ ຄຸ້ມຄອງສະຖາບັນການເງິນການ ບໍລິການທີ່ວ່ອງໄວ, ເຄື່ອງມືທັນ ສະໄໝເຂົ້າໃນການບໍລິການທົ່ວ ເຖິງທຸກຂົງເຂດ ເພື່ອຄວາມສະດວກ ແລະຍັງເນັ້ນໃຫ້ສະມາຊິກ ພັກຊຸດໃໝ່ ເອົາໃຈໃສ່ປະຕິບັດວຽກງານໃຫ້ມີປະສິດທິພາບ ພາຍໃນປີ 2025 ປະເທດລາວໃຫ້ຫຼຸດພົ້ນ ຈາກຄວາມທຸກຍາກ.

ສະໜັບສະໜຸນໂດຍ: HONDA

 -----------------

 ໜັງສືພິມເສດຖະກິດ-ສັງຄົມ

แชร์