ທັກຟອຍຂາຍມີລາຍຮັບເພີ່ມຂຶ້ນສູ່ຄອບຄົວ

  ການພັດທະນາຄອບຄົວກໍ ແມ່ນວຽກງານໜຶ່ງທີ່ມີຄວາມສຳ ຄັນຫຼາຍໃນການປະກອບສ່ວນ ເຂົ້າໃນພາລະກິດປົກປັກຮັກສາ ແລະສ້າງສາພັດທະນາປະເທດ ຊາດ ໂດຍສະເພາະແມ່ນການພັດທະນາທາງດ້ານເສດຖະກິດຄອບ ຄົວໃຫ້ຫຼຸດພົ້ນອອກຈາກຄວາມທຸກ ຍາກ ເປັນຄອບຄົວພັດທະນາທີ່ມີ ຄວາມເຂັ້ມແຂງສາມາດສ້າງລາຍ ຮັບກຸ້ມຕົນເອງ ແລະກາຍເປັນຕົວ ແບບ 4 ບຸກ ດ້ານວິຊາຊີບ-ສ້າງ ວຽກເຮັດງານທຳ ເຊັ່ນດຽວກັນກັບ ທ້າວ ສົມມີ ປັນຍາສີ ອາຍຸ 29 ປີ ເປັນພະນັກງານຄູສອນຢູ່ທີ່ໂຮງ ຮຽນ ມສ ສຶກສາສົງ ແຂວງຄຳ ມ່ວນ; ໄດ້ສ້າງຄອບຄົວ ແລະມີລູກ 1 ຄົນ, ກໍເປັນສະມາຊິກຊາວໜຸ່ມ ຕົວແບບຜູ້ດີເດັ່ນຜູ້ໜຶ່ງທີ່ມີຄວາມ ດຸໝັ່ນຫ້າວຫັນໃນການຊອກຫາ ແຫຼ່ງລາຍຮັບໃຫ້ແກ່ຄອບຄົວ, ໂດຍ ຖືເອົາອາຊີບການທັກຟອຍເປັນອາ ຊີບເສີມເພື່ອເຮັດໃຫ້ຊີວິດການເປັນ ຢູ່ດີຂຶ້ນສ້າງລາຍຮັບໃຫ້ແກ່ຄອບ ຄົວບວກກັບມູນເຊື້ອທີ່ເຄີຍສືບ ທອດກັນມາຈາກຮຸ້ນຕໍ່ຮຸ້ນ.

ທ້າວ ສົມມີ ໃຫ້ສຳພາດຕໍ່ທີມ ງານສື່ມວນຊົນຊາວໜຸ່ມແຂວງຄໍາ ມ່ວນວ່າ: ການທັກຟອຍແມ່ນໃຊ້ເວ ລາວ່າງນອກໂມງການ ແລະວັນ ເສົາອາທິດ, ທຳອິດໄດ້ລົງທຶນ ເຮັດຟອຍແຕ່ປີ 2016 ດ້ວຍຕົ້ນ ທຶນເບື້ອງຕົ້ນ 2 ລ້ານກີບ, ຕໍ່ມາ ອີງໃສ່ຄວາມຕ້ອງການຂອງສັງ ຄົມຈຶ່ງໄດ້ລົງທຶນເພີ່ມຕື່ມອີກເລັກ ໜ້ອຍ ຊຶ່ງສາມາດສ້າງລາຍຮັບ ໃຫ້ຄອບຄົວເພີ່ມຂຶ້ນເລື້ອຍໆ, ສຳ ລັບວັດຖຸດິບທີ່ເອົາມາເຮັດຟອຍ ແມ່ນຊື້ມາຈາກທ້ອງຖິ່ນອື່ນເພື່ອ ມາປະກອບທັກຟອຍເຊັ່ນ: ຕົ້ນ ແຂມ, ກ້ານຕານ, ລຳໄຜ່ ແລະ ເຊືອກຢາງ, ການນຳໃຊ້ຕົ້ນທຶນກໍ ບໍ່ຫຼາຍປານໃດຟອຍແມ່ນມີຢູ່ 3 ປະເພດຄື: ຟອຍແຂມ, ຟອຍກ້ານ ຕານ, ແລະຟອຍໄມ້ໄຜ່ໃນໜຶ່ງມື້ ສາມາດທັກໄດ້ 10-15 ກ້ານຂາຍ ໃນລາຄາ 5 ພັນກີບຕໍ່ກ້ານ ໂດຍ ສະເລ່ຍໜຶ່ງປີສາມາດສ້າງລາຍ ຮັບໄດ້ເກືອບ 20 ລ້ານກີບຕໍ່ປີ, ດ້ານການຈຳໜ່າຍຂາຍອອກສູ່ຕະ ຫຼາດແມ່ນພາຍຫຼັງທີ່ສຳເລັດແລ້ວມີແມ່ຄ້າມາຮັບຊື້ຢູ່ເຮືອນເລີຍແຮງ ງານຫຼັກແມ່ນສະມາຊິກພາຍໃນ ຄອບຄົວ 5 ຄົນເຮັດຊ່ວຍກັນ.

ທ້າວ ສົມມີ ປັນຍາສີ ໄດ້ໃຫ້ຮູ້ ຕື່ມອີກວ່າ ນອກຈາກທັກຟອຍແລ້ວ ກໍຍັງໄດ້ລ້ຽງເປັດ, ລ້ຽງໄກ່, ລ້ຽງ ໝູ ແລະລ້ຽງຈິ້ງລີດໄວ້ເພື່ອເປັນສະບຽງອາຫານພາຍໃນຄອບຄົວ ໂດຍບໍ່ຈຳເປັນຕ້ອງໄປຊື້ມາຈາກ ບ່ອນອື່ນ ຈິ່ງເຮັດໃຫ້ຄອບຄົວມີຢູ່ ມີກິນນີ້ແມ່ນສະແດງໃຫ້ເຫັນເຖິງຄວາມດຸໝັ່ນຂະຫຍັ່ນພຽນ ແລະ ອົດທົນຂອງສະມາຊິກຊາວໜຸ່ມ, ສະນັ້ນສະມາຊິກຊາວໜຸ່ມຂອງ ພວກເຮົາຄວນເອົາເປັນແບບຢ່າງ ສົມແລ້ວກັບການເປັນສະມາຊິກ ຊາວໜຸ່ມຕົວແບບຂອງໜ່ວຍຊາວ ໜຸ່ມໂຮງຮຽນມສສຶກສາສົງແຂວງ ຄຳມ່ວນ.

ສະໜັບສະໜຸນໂດຍ: ສ່ວນບຸກຄົນ

ທ້າວ ສົມມີ ປັນຍາສີ ຍັງໄດ້ ຝາກບົດຮຽນດັ່ງກ່າວນີ້ເຖິງບັນດາ ສະຫາຍສະມາຊິກຊາວໜຸ່ມຂອງ ພວກເຮົາຈົ່ງພ້ອມກັນເອົາໃຈໃສ່ ສ້າງເສດຖະກິດຄອບຄົວໃຫ້ມີ ຄວາມເຂັ້ມແຂງ ໂດຍສະເພາະການ ເຮັດຫັດຖະກໍາ ແລະກະສິກຳແຕ່ຕ້ອງໄດ້ທຸ້ມເທທັງແຮງກາຍ ແລະ ແຮງໃຈຈຶ່ງສາມາດເຫັນໄດ້ຜົນສຳເລັດເປັນຮູບປະທຳຢ່າງພາກ ພູມໃຈ, ຖ້າທ່ານໃດສົນໃຈຕ້ອງ ການຢາກໄດ້ເຄື່ອງຜະລິດຕະພັນ ຫັດຖະກຳດັ່ງກ່າວໄປຂາຍ ຫຼື ໃຊ້ພາຍໃນຄົວເຮືອນແມ່ນສາມາດມາຊື້ໄດ້ທີ່ບ້ານໂພນເຍຍໃຫຍ່ເມືອງ ທ່າແຂກ ແຂວງຄຳມ່ວນ ຕິດຕໍ່ໄດ້ ທີເບີໂທລະສັບ 030 9084710.

ສະໜັບສະໜຸນໂດຍ: HONDA

________________

ຂຽນໂດຍ: ສາຍສະໝອນ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์