ປະຊຸມໜ່ວຍພັກ ໂຮງຮຽນ ມ ປາຍ ໜອງບົກ

  ຫາຍວັນທີ 9 ມັງກອນ 2019 ທີ່ໂຮງຮຽນ ມ ປາຍໜອງບົກໄດ້ດຳເນີນກອງປະຊຸມໃຫຍ່ຄັ້ງທີ 7 ຂອງໜ່ວຍພັກໂຮງຮຽນ ມ ປາຍໜອງບົກຂື້ນຢ່າງເປັນທາງການພາຍໃຕ້ການເປັນປະທານຂອງສະສົມມະລີວົງໂພສາຜູ້ອຳນວຍການໂຮງຮຽນມປາຍໜອງບົກໂດຍການເຂົ້າຮ່ວມຂອງສະຫາຍສົມໃຈພານີຈັນຮອງເລຂາພັກເມືອງຫົວໜ້າຄະນະຈັດຕັ້ງເມືອງສະຫາຍຄຳແດງສີບຸນເຮືອງຮອງຫົວໜ້າພະແນກເຕັກໂນໂລຊີ ແລະຂໍ້ມູນຂ່າວສານແຂວງຄຳມ່ວນເຂົ້າຮ່ວມໃນກອງປະຊຸມໃນຄັ້ງນີ້ມີບັນດາແຂກ ແລະຜູ້ແທນເຂົ້າຮ່ວມຈຳນວນ 37 ສະຫາຍ, ຍິງ5 ສະຫາຍ.

  ຈາກນັ້ນສະຫາຍປະທານກອງປະຊຸມກໍ່ໄດ້ກ່າວເປີດກອງປະຊຸມຢ່າງເປັນທາງການພ້ອມກັນນັ້ນຍັງໄດ້ມີການຜ່ານມະຕິຕົກລົງຂອງຄະນະປະຈຳພັກເມືອງວ່າດ້ວຍການອະນຸມັດເປີດກອງປະຊຸມໃຫຍ່ຄັ້ງທີ 7 ຂອງໜ່ວຍພັກໂຮງຮຽນ ມ ປາຍໜອງບົກໃນໂອກາດດຽວກັນນັ້ນທີ່ປະຊຸມຍັງໄດ້ມີການຮັບຟັງການລາຍ ງານ, ສະຫຼຸບຜົນງານ ແລະສະຫຼຸບຜົນການຈັດຕັ້ງປະຕິບັດວຽກງານຜ່ານມາພ້ອມທັງທິດທາງແຜນການໃນຕໍ່ໜ້າຊຶ່ງໜ່ວຍພັກໂຮງຮຽນ ມ ປາຍໜອງບົກແມ່ນໜ່ວຍພັກໜື່ງທີ່ຂຶ້ນກັບຄະນະປະຈຳພັກເມືອງໂດຍກົງໄດ້ມີການສ້າງຕັ້ງຂຶ້ນຕາມລະບົບກົງຈັກການຈັດຕັ້ງບໍລິຫານລັດຊຶ່ງມີພາລະບົດບາດຊີ້ນຳໆພາ ແລະຈັດຕັ້ງປະຕິບັດຕາມແນວທາງນະໂຍບາຍມະຕິຄໍາສັ່ງຂອງພັກວາງອອກເວົ້າລວມເວົ້າສະເພາະແມ່ນການຊີ້ນຳໆພາໂຮງຮຽນຊີ້ນຳວຽກງານສະເພາະຄຸ້ມ ຄອງແບບແຜນວິທີນຳພາວິທີເຮັດວຽກຂອງພະນັກງານຄູ ແລະອົງການຈັດຕັ້ງມະຫາຊົນພາຍໃນໂຮງຮຽນ ແລະໜ່ວຍພັກໂຮງຮຽນໄດ້ຮັບການສ້າງຕັ້ງຂຶ້ນເມື່ອວັນທີ 17 ມັງກອນ 2013 ໃນປະຈຸບັນມີສະມາຊິກພັກທັງໝົດ 18 ສະຫາຍ, ຍິງ 9 ສະຫາຍ, ສຳຮອງ 2 ສະຫາຍ, ຍິງ 1 ສະຫາຍມີຄະນະໜ່ວຍພັກ 3 ສະຫາຍພາຍໃນໂຮງຮຽນມີອາຄານ 3 ຫຼັງມີ 12 ຫ້ອງສອນ, ມີຄູສອນປະຈຳການທັງໝົດ 25 ສະຫາຍ, 16 ສະຫາຍ, ຄູສອນຊ່ວຍ 1 ສະຫາຍ, ມີອຳ ນວຍການໂຮງຮຽນ 3 ສະຫາຍ, ຍິງ 0 ສະຫາຍ, ຄະນະສະຫະພັນແມ່ຍິງ 3 ສະຫາຍ, ມີສະມາຊິກສະຫະພັນແມ່ຍິງຄູ 17 ສະຫາຍນັກຮຽນ 183 ສະຫາຍແລະສະມາຊິກຊາວໜຸ່ມ 3 ສະຫາຍ, ຍິງ 2 ສະຫາຍ, ສະມາຊິກຊາວໜຸ່ມຄູ 15 ສະຫາຍ, ຍິງ 11 ສະຫາຍ ແລະນັກຮຽນ 370 ສະຫາຍ, ຍິງ 197 ສະ ຫາຍ, ໃນນັ້ນສຳລັບທິດທາງແຜນການໃນຕໍ່ໜ້າແມ່ນມີການເພີ່ມທະວີຄວາມສາມັກຄີພາຍໃນໜ່ວຍຕະຫຼອດຮອດຄູອາຈານ ແລະນັກຮຽນໃຫ້ເປັນເອກກະພາບກັນທາງດ້ານແນວຄິດ ແລະການກະທໍາເອົາໃສ່ສຶກສາອົບຮົມໃຫ້ນັກຮຽນມີຄຸນສົມບັດສິນທຳປະຕິວັດມີມາລະຍາດດີຮູ້ເຄົາລົບນັບຖືຄູອາຈານ.

  ໃນຕອນທ້າຍຂອງກອງປະຊຸມຍັງໄດ້ມີການປ່ອນບັດເລືອກຕັ້ງເອົາຄະນະເລຂາຊຸດໃໝ່ຊຶ່ງມີຜູ້ລົງສະໝັກ5ສະຫາຍແມ່ນເລືອກເອົາ 3 ສະຫາຍຄືສະຫາຍສົມໄຊ ຜົນບົວທະວິໄລເປັນເລຂາໜ່ວຍພັກຊຸດໃໝ່, ສະຫາຍທ່ານ ນາງ ສຸພາພອນ ດວງກາມິນ ເປັນຮອງເລຂາໜ່ວຍພັກ ແລະ ສະຫາຍອຸ່ນຕາໄຊຍະວົງປະທານກວດກາໜ່ວຍພັກ.

แชร์