ລາວສະກາຍເວ ຂະຫຍາຍຕົວທັງປະລິມານ ແລະຄຸນນະພາບ

  ໝາກຫົວໃຈສຳຄັນຂອງການດຳເນີນທຸລະກິດດ້ານການບໍລິການແມ່ນການເປີດກວ້າງທຸກດ້ານໂດຍສະເພາະການຮັບຄຳຕຳນິຕິຊົມຂອງລູກຄ້າເພື່ອໄປປັບປຸງ, ພັດທະ ນາ ແລະນຳໃຊ້ເຂົ້າໃນຫຼັກ ການບໍລິຫານ ກໍຈະເຮັດໃຫ້ທຸລະກິດ ເຕີບໃຫຍ່ຂະຫຍາຍຕົວໄດ້ທັງປະລິມານ ແລະຄຸນນະພາບ, ຊຶ່ງນັ້ນກໍແມ່ນວິໄສທັດໜຶ່ງທີ່ສົງຜົນໃຫ້ລັດ ວິສາຫະກິດ ລາວເດີນອາກາດ ຫຼື LAO SKYWAY ປະຕິບັດມາ 10 ກວ່າປີ ແລະຍັງຈະສືບຕໍ່ໃຊ້ເປັນ ຫຼັກໃນການດຳເນີນທຸລະກິດເພື່ອສ້າງໃຫ້ລາວສະກາຍເວເປັນຜູ້ນຳ ດ້ານບໍລິການແບບຄົບວົງຈອນເປັນຕົ້ນບໍລິການສາຍການບິນ, ຂາຍປີ້ຍົນ, ທຸລະກິດທ່ອງທ່ຽວ ແລະບໍລິການດ້ານໂຮງແຮມ.

ທ່ານ ສີວຽງທອງ ກອນນິວົງ ຜູ້ອຳນວຍການໃຫຍ່ລັດວິສາຫະ ກິດ ລາວເດີນອາກາດ ກ່າວວ່າ: ລັດວິສາຫະກິດລາວເດີນອາກາດ ຫຼື LAO SKYWAY ໄດ້ຮັບການ ສ້າງຕັ້ງຂຶ້ນ ໃນປີ 2002, ໂດຍເວ ລານັ້ນເສດຖະກິດຂອງພາກພື້ນພວມປະເຊີນກັບວິກິດທາງດ້ານ ເສດຖະກິດ ຫຼືຍຸກຂອງຟອງສະບູ່ອັນໄດ້ສ້າງຄວາມລຳບາກບໍ່ໜ້ອຍ ໃຫ້ກັບທຸລະກິດ, ແຕ່ດ້ວຍການເອົາ ໃຈໃສ່ຂອງພັກ ກໍຄືລັດຖະບານ ໂດຍສະເພາະກະຊວງປ້ອງກັນປະເທດທີ່ໄດ້ເອົາໃຈໃສ່ຊີ້ນຳນຳພາໃນການຈັດຕັ້ງວິສາຫະກິດລາວເດີນ ອາກາດ ໂດຍເບື້ອງຕົ້ນກະຊວງ ປ້ອງກັນປະເທດໃນນາມລັດໄດ້ ເປັນຜູ້ປະກອບທຶນທີ່ເປັນເງິນໝູນ ວຽນຢູ່ 2,5 ແສນໂດລາ, ຊຶ່ງເວລານັ້ນມີພະນັກງານພຽງ 23 ຄົນ ແລະກິດຈະການຕົ້ນຕໍຂອງລາວສະກາຍເວເປັນຖ່ຽວບິນເໝົາລຳ ຮັບໃຊ້ພາຍໃນປະເທດ ແລະໂຄງ ການຫຼັກທີ່ຮັບໃຊ້ໃນເວລານັ້ນແມ່ນ ການຂຸດຄົ້ນໂຄງກະດູກຂອງທະ ຫາອາເມລິກາທີ່ຫາຍສາບສູນໃນປາງສົງຄາມຢູ່ລາວ, ມາໃນປີ 2003 ລາວສະກາຍເວໄດ້ສຳເລັດການປະມູນບິນຮັບໃຊ້ໂຄງການບໍ່ຄຳເຊໂປນນັບແຕ່ນັ້ນເປັນຕົ້ນມາ ແລະໂຄງການອື່ນໆທີ່ປິ່ນອ້ອມ ເປັນຕົ້ນໂຄງການລົງທຶນໃນການ ສຳຫຼວດບໍ່ແຮ່, ສຳຫຼວດໄຟຟ້າ ແລະຈຸດຕັ້ງເຂື່ອນໄຟຟ້າຕ່າງໆ, ມາຮອດ ປີ 2007 ລາວສະກາຍເວໄດ້ບິນຮັບໃຊ້ຜູ້ໂດຍສານຢູ່ 3 ແຂວງພາກເໜືອຄື: ແຂວງຫົວພັນ, ຜົ້ງສາລີ ແລະໄຊຍະບູລີ, ເພື່ອເຮັດໃຫ້ລັດວິສາຫະກິດສາມາດຂະຫຍາຍການບໍລິການໃຫ້ກວ້າງອອກມາໃນປີ 2014 ກະຊວງປ້ອງກັນປະເທດຈຶ່ງເຫັນດີໃຫ້ລາວສະກາຍເວເພີ່ມຖ່ຽວບິນໄປແຂວງຫຼວງນ້ຳທາ, ອຸດົມໄຊ, ຫຼວງພະບາງ, ຊຽງຂວາງ ແລະບໍ່ແກ້ວ, ມາໃນປີ 2017 ກໍໄດ້ຂະຫຍາຍສາຍການບິນໄປແຂວງຈຳປາສັກຕື່ມອີກ.

ເພື່ອເຮັດໃຫ້ການບໍລິການຂອງ ລາວສະກາຍເວ ສາມາດຕອບສະໜອງໄດ້ຕາມຄວາມຕ້ອງການ ຂອງລູກຄ້າ ກໍຄືການພັດທະນາ ຂອງປະເທດ, ມາໃນປີ 2018 ສະພາບໍລິຫານກໍຄືການນຳຂອງກະຊວງປ້ອງກັນປະເທດເຫັນດີໃຫ້ ລັດວິສາຫະກິດເອົາບັນດາຫົວ ໜ່ວຍທຸລະກິດທີ່ປິ່ນອ້ອມທຸລະກິດການບິນມາເຂົ້າຕື່ມ, ໃນນັ້ນ ປະກອບມີໂຮງແຮມລາວສະກາຍ ເວ, ບໍລິສັດທ່ອງທ່ຽວລາວສະ ກາຍເວ ແລະບໍລິສັດລາວສະກາຍເວບໍລິການອາຄານ ແລະບໍລິການພາກພື້ນ, ດັ່ງນັ້ນມາຮອດປະຈຸບັນກິດຈະການຫຼັກຂອງລັດວິສາຫະກິດລາວເດີນອາກາດ ແມ່ນໃຫ້ບໍລິການຖ່ຽວບິນເໝົາລຳ ແລະບໍລິການພາຍໃນ ແລະຕ່າງປະເທດ, ອຸດສາຫະກຳການບິນລາວສະກາຍເວ (ບໍລິການສ້ອມແປງຍົນ), ມີເຮືອບິນທັງໝົດ 18 ລຳ, ມີໂຮງ ແຮມລາວສະກາຍເວ, ບໍລິສັດ ທ່ອງທ່ຽວລາວສະກາຍເວ ແລະ ຍັງມີຕົວແທນຂາຍປີ້ຍົນ 40 ສາຂາ ທົ່ວປະເທດ.

   ສະໜັບສະໜຸນໂດຍ: HONDA

ທ່ານ ສີວຽງທອງ ກອນນິວົງ ໃຫ້ຮູ້ຕື່ມວ່າ: ຕະຫຼອດ 10 ກວ່າປີ ທີ່ລາວສະກາຍເວດຳເນີນທຸລະ ກິດມາ ແລະໄດ້ມີການເຕີບໃຫຍ່ ຂະຫຍາຍຕົວ ເນື່ອງຈາກວ່າ ລັດວິ ສາຫະກິດລາວເດີນອາກາດໄດ້ຮັບການຊີ້ນຳຢ່າງໃກ້ສິດກັບບັນດາກະຊວງທີ່ກ່ຽວຂ້ອງ, ສະນັ້ນລາວສະກາຍເວຈຶ່ງໄດ້ຖືໂອກາດດັ່ງກ່າວເລັ່ງໃສ່ພັດທະນາໂຄງລ່າງພື້ນຖານຂອງບໍລິສັດມີຄວາມ ແຂງແກ່ງ ໂດຍສະເພາະຈຳນວນ ເຮືອບິນທີ່ນຳໃຊ້ໃນປະຈຸບັນທີ່ສາ ມາດສະໜອງການບໍລິການຕາມ ຄວາມຕ້ອງການຂອງສັງຄົມທັງສາຍການບິນເໝົາລຳ ແລະສາຍ ການບິນພາຍໃນ; ລາວສະກາຍເວ ມີບຸກຄະລາກອນທີ່ພຽງພໍ, ໃນນີ້ມີນັກບິນຍິງ 2 ຄົນ, ປະຈຸບັນພະນັກງານທັງໝົດຂອງລາວສະກາຍເວມີ 309 ຄົນເພື່ອຮອງຮັບການຂະຫຍາຍຕົວຂອງກິດຈະການລາວສະກາຍເວມີບັນດາກົນໄກໃນການຄຸ້ມຄອງບໍລິສັດໂດຍສອດຄ່ອງກັບລະບຽບການຂອງກົມການບິນພົນລະເຮືອນສາກົນ; ມີພື້ນຖານໂຄງລ່າງທາງດ້ານເຕັກນິກທີ່ມີຄວາມຮູ້ຄວາມສາມາດເພື່ອຮອງຮັບທຸກກິດຈະການທັງບໍລິສັດແມ່ ແລະບໍລິສັດລູກທີ່ເຄື່ອນໄຫວກິດຈະການຢູ່, ຢ່າງ ໃດກໍຕາມທຸກກິດຈະການຂອງລາວສະກາຍເວຈະບໍ່ສາມາເຕີບໃຫຍ່ຂະຫຍາຍຕົວໄດ້ຖ້າຫາກຂາດການສະໜັບສະໜູນຈາກທຸກພາກສ່ວນໃນສັງ ຄົມ ແລະຕະຫຼອດໄລຍະຂອງການ ດຳເນີນທຸລະກິດລາວສະກາຍເວຖືສຳຄັນທຸກຄຳຕຳນິຕິຊົມຂອງສັງຄົມເພື່ອເຮັດໃຫ້ລາວສະກາຍເວໄດ້ນຳມາປັບປຸງ, ພັດທະນາ ແລະນຳໄປໃຊ້ເຂົ້າໃນວຽກການບໍລິການເພື່ອເຮັດໃຫ້ການບໍລິການຂອງບໍລິສັດສະໜອງໄດ້ຕາມຄວາມຕ້ອງການຂອງລູກຄ້າເວົ້າລວມເວົ້າສະເພາະການພັດທະນາຂອງປະເທດໃຫ້ມີການຂະຫຍາຍຕົວ ຢ່າງແຂງແຮງ, ສະນັ້ນການຮ່ວມມືຂອງທຸກຝ່າຍຈະເປັນກຳລັງແຮງອັນສຳຄັນໃນການພັດທະນາເສດຖະກິດ-ສັງຄົມຂອງປະເທດກໍຄືການພັດທະນາບໍລິສັດລັດວິສາຫະ ກິດລາວເດີນອາກາດໃຫ້ເຕີບໃຫຍ່ເຂັ້ມແຂງ ຮັບໃຊ້ສັງຄົມ ແລະປະເທດຊາດນັບມື້ຫຼາຍຂຶ້ນ.

ສະໜັບສະໜຸນໂດຍ: ສ່ວນບຸກຄົນ

-------------------

 ໜັງສືພີມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

 

แชร์