ຫຼວງພະບາງ ໃສ່ບາດຕ້ອນຮັບພະສົງ 5 ປະເທດ ລຸ່ມນໍ້າຂອງ

  ໃນເຊົ້າຂອງວັນທີ 24 ຕຸລາ ຜ່ານມາ, ຢູ່ທີ່ໜ້າວັດແສນສຸ ຂາຣາມ ໄດ້ມີການໃສ່ບາດມວນ ຊົນເພື່ອຕ້ອນຮັບພະສົງຈາກ 5 ປະເທດລຸ່ມແມ່ນໍ້າຂອງເຊັ່ນ: ລາວ, ໄທ, ມຽນມາ, ກໍາປູເຈຍ ແລະຫວຽດນາມ, ໂຄງການທຳມະຍາດຕາ ໂດຍການເຂົ້າຮ່ວມ ຂອງທ່ານ ຈັນສຸກ ພັນໂດລັກ ເຈົ້ານະຄອນຫຼວງພະບາງ, ທ່ານ ສົມອົກ  ກິ່ງສຸດາ ຮອງປະທານສູນ ກາງແນວລາວສ້າງຊາດ, ພ້ອມ ດ້ວຍບັນດາການນຳຂອງແຂວງ, ນະຄອນ, ນັກທ່ອງທ່ຽວພາຍໃນ ແລະຕ່າງປະເທດຕະຫຼອດຮອດ ມວນຊົນຊາວ

ຫຼວງພະບາງ ມາລໍ ຖ້າໃສ່ບາດເປັນຈຳນວນຫຼວງຫຼາຍ, ຈຸດປະສົງໃນການໃສ່ ບາດໃນຄັ້ງນີ້ ທ່ານ ຈັນສຸກ ພັນໂດລັກ ໃຫ້ຮູ້ວ່າ: ເປັນການຕ້ອນຮັບຄະນະພະສົງ ໂຄງການທໍາມະຍາດຕາ 5 ປະ ເທດລຸ່ມແມ່ນໍ້າຂອງທີ່ໄດ້ເຄື່ອນໄຫວກິດຈະກໍາທາງດ້ານພຸດທະ ສາສະໜາ ຢູ່ 5ປະເທດ, ເປັນການລວມຕົວຂອງພະສົງຂອງແຕ່ລະປະເທດເພື່ອເຄື່ອນໄຫວກິດຈະກໍາການເຜີຍແຜ່ສາສະໜາພຸດ, ຫຼັກ ທໍາສັ່ງສອນຂອງພຸດທະສາສະໜາໃຫ້ແກ່ຊາດພຸດໃນແຕ່ລະປະເທດຮັບຮູ້ ແລະລວມເຖິງການໃສ່ບາດຕາມວິໄນຂອງສົງຢູ່ແຕ່ລະປະເທດ, ເພື່ອເປັນການປົກປັກຮັກສາ ແລະເສີມຂະຫຍາຍສາສະໜາພຸດໃຫ້ມີຄວາມຍືນຍົງ ແລະຮຸ່ງເຮືອງເຫຼືອງເຫຼື້ອມຄ່ຽງຄູ່ປະເທດຊາດບ້ານ

ເມືອງຕະຫຼອດໄປ, ພ້ອມນີ້ ຍັງເປັນການເຕົ້າໂຮມຄວາມສາມັກຄີຮັກແພງຜູກພັນເຊິ່ງກັນ ແລະ ກັນຂອງປວງຊົນທັງ 5 ປະເທດ ລຸ່ມແມ່ນໍ້າຂອງ, ທັງເປັນການອານຸລັກວັດທະນະທຳ-ຮີດຄອງປະເພ ນີອັນດີງາມຂອງແຕ່ລະປະເທດ ຄ່ຽງຄູ່ກັບການສົ່ງເສີມການທ່ອງ ທ່ຽວເພື່ອປົກປັກຮັກສາວັດທະນະ ທໍາທາງພຸດທະສາສະໜາໃຫ້ຄົງ ຄຸນຄ່າຕະຫຼອດໄປ.

ສະໜັບສະໜຸນໂດຍ: ສ່ວນບຸກຄົນ

ຫຼັງຈາກສຳເລັດການໃສ່ບາດ, ໂຄງການທໍາມະຍາດຕາຍັງໄດ້ ເດີນທາງໄປທີ່ວັດຜາໂອໄດ້ມີການ ຖວາຍຜ້າປ່າສະມັກຄີ ແລະໄດ້ນຳ ຕົ້ນສີມະຫາໂພທີ່ອັນເຊີນມາຈາກປະເທດອິນເດຍ (ສະຖານທີ່ປັດ ສະລຸຂອງອົງພະສົມເດັດສຳມາ ສຳພຸດທະເຈົ້າ), ໄດ້ນໍາມາປູກ ທີ່ວັດຜາໂອຖືວ່າເປັນຕົ້ນໄມ້ທີ່ມີຄວາມສຳຄັນທາງດ້ານພຸດທະສາສະໜາປຽບເໝືອນການປະດິດສະຖານທາງດ້ານພຸດທະສາສະໜາ ໃຫ້ມີຄວາມຈະເລີນໜັ້ນຄົງຮຸ່ງ ເຮືອງເຫຼືອງເຫຼື້ອມຄ່ຽງຄູ່ຊາວນະຄອນຫຼວງພະບາງຕະຫຼອດໄປ.

ສະໜັບສະໜຸນໂດຍ: HONDA

----------------

 ໜັງສືພີມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์