ທ່ຽວຊົມແກ້ງສາມມັດແຕກ ເມືອງພິນ

 ສະຖານທີ່ທ່ອງທ່ຽວທີ່ເໝາະແກ່ການພາຄອບຄົວໄປພັກຜ່ອນເພື່ອຜ່ອນຄາຍໃນຍາມຮ້ອນໆແບບນີ້ ແລະສະຖານທີ່ທ່ອງທ່ຽວຍອດນິຍົມກໍໜີບໍ່ພົ້ນການຫຼິ້ນນໍ້າ, ລ່ອງແພ, ລ່ອງເຮືອ ແລະແກ້ງ ຕາດຕ່າງໆ ຊຶ່ງມີຢ່າງຫຼວງຫຼາຍ ຢູ່ປະເທດເຮົາ, ແຕ່ສະບັບນີ້ພວກ ເຮົາຂໍແນະນຳແຫຼ່ງທ່ອງທ່ຽວທາງທໍາມະຊາດທີ່ພວມໄດ້ຮັບຄວາມນິຍົມຈາກປະຊາຊົນຊາວ ແຂວງ ສະຫວັນນະເຂດ ກໍຄືບັນດາແຂວງ ໃກ້ຄຽງນັ້ນກໍຄື: “ແກ້ງສາມມັດແຕກ” ເມືອງພິນ ແຂວງສະຫວັນນະເຂດ ຊຶ່ງມີທຳມະຊາດທີ່ສວຍສົດງົດງາມ ແລະນໍ້າໃສໄຫຼເຢັນ ເໝາະແກ່ການເຮັດກິດຈະກຳຕ່າງໆ ທາງນໍ້າຄາຍຄວາມຮ້ອນໄດ້ເປັນຢ່າງດີ.

 ແກ້ງສາມມັດແຕກເປັນແກ້ງໜຶ່ງທີ່ມີຄວາມງາມທາງທໍາມະຊາດເຕັມໄປດ້ວຍສາຍນໍ້າໃສເຢັນໃນເມື່ອກ່ອນເຈົ້າພະຍາຫົວເມືອງຕ່າງໆແຫ່ງອານາຈັກລາວສີໂຄດຕະບູນ ໄດ້ເຕົ້າໂຮມຄວາມສາມັກ ຄີໄພ່ຟ້າລາດສະດອນນໍາເອົາວັດຖຸສິ່ງຂອງເງິນຄໍາເພື່ອໄປສ້າງພະ ທາດພະນົມ, ໃນການຂົນເຄື່ອງ ຂອງເງິນຄໍາແມ່ນພວກເຂົາເຈົ້າໄດ້ຕັດເອົາໄມ້ໄຜ່ຫຼາຍໆລໍາມາມັດ ເຂົ້າກັນເປັນແພ ແລະນໍາເຄື່ອງ ຂອງໃສ່ເທິງແພ  ແລະລ່ອງໄປຕາມລໍາເຊບັ້ງຫຽງ, ເຊລະນອງ, ເຊໂປນເມື່ອແພທັງສາມໄດ້ລ່ອງມາ ພ້ອມກັນພໍເມື່ອມາຮອດແກ້ງແຫ່ງ ນີ້ແພທັງສາມໄດ້ຖືກພັດດ້ວຍແຮງ ຂອງນໍ້າໄປຕໍາໃສ່ໂງ່ນຫີນ ແລະເຮັດໃຫ້ແພແຕກອອກ ແລະລົ້ມລົງກາງນໍ້າເຮັດໃຫ້ວັດຖຸເງິນຄໍາ ແລະ ຄົນທີ່ມາກັບແພຈໍານວນໜຶ່ງຈົມລົງພື້ນນໍ້າ ແລະຫາຍສາບສູນໄປ.

ສະໜັບສະໜຸນໂດຍ: HONDA

ສໍາລັບເງິນຄໍາທີ່ເຫຼືອແມ່ນໄດ້ ນໍາເອົາໄປຝັງດິນໄວ້, ດັ່ງນັ້ນ ຈຶ່ງ ເອີ້ນແກ້ງນີ້ວ່າແກ້ງສາມມັດແຕກ, ແກ້ງດັ່ງກ່າວນອນໃນເຂດປ່າສະຫງວນພູວຽງ ເມືອງພິນ ຫ່າງ ຈາກຕົວເມືອງໄປປະມານ 30 ກິ ໂລແມັດ.

ສະໜັບສະໜຸນໂດຍ: ສ່ວນບຸກຄົນ

----------

 ໜັງສືພີມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์