ລ້ານຊ້າງ ປະກັນໄພມອບທຶນການສຶກສາໃຫ້ ມຊ

  ບໍລິສັດລ້ານຊ້າງປະກັນໄພມະຫາຊົນໄດ້ມອບທຶນຊ່ວຍເຫຼືອ ແລະອຸປະກອນການສຶກສາໃຫ້ມະຫາວິທະຍາໄລແຫ່ງຊາດລວມມູນຄ່າ 40 ລ້ານກວ່າກີບພິທີໄດ້ຈັດຂຶ້ນວັນ 24 ມັງກອນ 2019 ທີ່ສະໂມສອນ ມຊ ໂດຍການເຂົ້າຮ່ວມຂອງ ທ່ານສົມສີ ຍໍພັນໄຊ ອະທິການບໍດີມະຫາວິທະຍາໄລແຫ່ງຊາດທ່ານ ໂດ໋ດັງຄາງຜູ້ອຳນວຍການໃຫຍ່ບໍລິສັດລ້ານຊ້າງປະກັນໄພມະຫາຊົນ, ທ່ານ Kim KangWook ຕາງໜ້າກອງທຶນວັດທະນະທໍາກີມຈຸນກີ,ທ່ານ ChoKyongSik ຕາງໜ້າກຸ່ມປະກັນໄພ DB, ພ້ອມບັນດາແຂກພາກສ່ວນກ່ຽວຂ້ອງ, ຄູອາຈານ ແລະນັກສຶກສາ ມຊ ເຂົ້າຮ່ວມ.

    ບໍລິສັດລ້ານຊ້າງປະກັນໄພມະຫາຊົນແມ່ນບໍລິສັດປະກັນໄພບົນພື້ນຖານການຮ່ວມທຶນຂອງ 2 ຮຸ້ນສ່ວນຄື: ທະນາຄານພັດທະນາລາວ ທພລ ດ້ວຍທືນ 50% ແລະກຸ່ມບໍລິສັດຮຸ້ນສວ່ນປະກັນໄພໄປສະນີຫວຽດນາມ PTI ເພື່ອເປັນການປະກອບສ່ວນຊ່ວຍເຫຼືອຜູ້ດ້ອຍໂອກາດບໍລິສັດລ້ານຊ້າງປະກັນໄພມະຫາ ຊົນໄດ້ມອບທຶນການສຶກສາຂອງກອງທຶນວັດທະນາທໍາກີມຈຸນກີ ແລະບໍລິສັດລ້ານຊ້າງປະກັນໄພມະຫາຊົນໃຫ້ແກ່ນັກສຶກສາ ມຊ 10 ນ້ອງທີ່ເປັນນັກຮຽນເກັ່ງດີເດັ່ນທີ່ມີຄວາມຕັ້ງໃຈຮໍ່າຮຽນເພື່ອໃຫ້ປະສົບຜົນສໍາເລັດໃນການສຶກສາແຕ່ທີ່ມີສະຖານະທາງຄອບຄົວທຸກຍາກ, ດັ່ງນັ້ນບໍລິສັດລ້ານຊ້າງປະກັນໄພມະຫາຊົນຈຶ່ງໄດ້ຕໍ່ເຕີມໂອກາດໃຫ້ໂດຍການໃຫ້ທຶນການສຶກສາຜູ້ລະ4ລ້ານກີບພ້ອມໃບຢັ້ງຢືນ,ລວມທັງໝົດເປັນມູນ ຄ່າ40ລ້ານກີບພ້ອມນີ້ບໍລິສັດຍັງໄດ້ມອບອຸປະ  ກອນການສຶກສາຈໍທີວີ LG55 ນີ້ວ 1 ໜ່ວຍເພື່ອຮັບໃຊ້ໃນວຽກງານການສິດສອນ, ເຄື່ອງດົນຕີ 1 ຊຸດ ແລະປຶ້ມວັດຈະນານຸກົມຈໍານວນ 5 ຫົວ.

แชร์