ມຂ ມີບັນດິດຈົບໃໝ່ຫຼາຍກວ່າ 1 ພັນຄົນ

    ເມື່ອບໍ່ດົນມານີ້ມະຫາວິທະຍາໄລສະຫວັນນະເຂດ (ມຂ) ໄດ້ຈັດພິທີສະຫຼຸບສົກຮຽນປະຈໍາສົກ ສຶກສາ 2018 -2019 ຂຶ້ນຢູ່ທີ່ສະໂມສອນຂອງຕົນ,ໃຫ້ກຽດເປັນປະທານ ໂດຍທ່ານ ກອງສີ ແສງມະນີ ຮອງລັດຖະມົນຕີກະຊວງສຶກ ສາທິການ ແລະກີລາ, ທ່ານ ທ່ອນ ແກ້ວ ພຸດທະໄກຍະລາດ ຮອງເຈົ້າ ແຂວງສະຫວັນນະເຂດ, ທ່ານ ສຸລິຍົງ ໄຊໂກສີ ຮັກສາການອະ ທິການບໍດີ ມຂ, ມີບັນດາແຂກທີ່ ຖືກເຊີນ, ພະນັກງານ, ຄູ-ອາຈານ ແລະນັກສຶກສາທີ່ຈົບໃໝ່ເຂົ້າຮ່ວມ.

ທ່ານ ບຸນເຮືອງ ນິນຈະເລີນ ຮອງອະທິການບໍດີ ມຂ ກໍ່ໄດ້ຂຶ້ນ ຜ່ານບົດສະຫຼຸບສົກຮຽນປະຈໍາສົກ ສຶກສາ2018-2019 ຊຶ່ງໃຫ້ຮູ້ ວ່າ: ມຂ ມີ 2 ວິທະຍາເຂດຄື: ວິທະຍາເຂດນາເຊັງ ແລະວິທະຍາ ເຂດໜອງຜື, ມີນັກສືກສາທັງໝົດ 4.555 ຄົນ, ຍິງ 2.679 ຄົນ ໃນນີ້ມີທັງໝົດ 8 ຄະນະ ແລະ3 ຫຼັກ ສູດການຮຽນ, ສໍາລັບນັກສຶກສາທີ່ຈົບໃໝ່ໃນປີນີ້ມີທັງໝົດ 1.247 ຄົນ, ຍິງ 695 ຄົນຂອງ 8 ຄະນະ ແລະ1 ຫຼັກສູດປະລິນຍາໂທ, ໃນ ປີ 2019 ນີ້ ມຂ ສາມາດສ້າງ ລາຍຮັບໄດ້ 5,7 ຕື້ກີບ, ປະຕິບັດ ໄດ້ລື່ນຄາດໝາຍຂອງແຜນການ 26,46%.

ສະໜັບສະໜຸນໂດຍ: ສ່ວນບຸກຄົນ

ຈາກນັ້ນໃນພິທີກໍ່ໄດ້ມີການມອບ ປະກາສະນີຍະບັດໃຫ້ແກ່ນັກສຶກ ສາຈົບໃໝ່ທີ່ມີຜົນການຮຽນດີໄດ້ຮັບກຽດນິຍົມອັນດັບ 1 ຈໍານວນ 12 ຄົນ , ກຽດນິຍົມອັນດັບ 2 ຈໍານວນ 4 ຄົນ ແລະຫຼັກສູດປະລິນ ຍາໂທ, ໃຫ້ກຽດມອບໂດຍທ່ານ ສຸລິຍົງໄຊ ໂກສີ.

ສະໜັບສະໜຸນໂດຍ: HONDA

ໃນໂອກາດນີ້ທ່ານ ກອງສີ  ແສງມະນີ  ກໍ່ໄດ້ກ່າວສະແດງຄວາມຍິນດີແກ່ນັກສຶກສາທີ່ຈົບໃໝ່ ແລະ ໃຫ້ຄໍາໂອວາດແກ່ນັກສຶກສາທີ່ຈົບ ໃໝ່ວ່າ: ຫຼັງຈາກຈົບບັ້ນຮົບການສຶກສາແລ້ວຕໍ່ໄປກໍ່ແມ່ນບັ້ນຮົບການສູ້ຊົນເພື່ອຍາດແຍ່ງອາຊີບ ຮຽກຮ້ອງໃຫ້ນັກສຶກສາທີ່ຈົບໃໝ່ ທຸກຄົນຈົ່ງຕັ້ງໜ້າຊອກຫາວຽກ ເຮັດງານທໍາທີ່ຖືກກົດໝາຍຜັນຂະຫຍາຍຄວາມຮູ້ໃຫ້ສອດຄ່ອງກັບໜ້າວຽກ, ສິ່ງສໍາຄັນແມ່ນບໍ່ ໃຫ້ຄອງຄອຍເຂົ້າພັກ-ລັດ ຫາກມີໂອກາດແມ່ນໃຫ້ລົງມືເຮັດທັງນີ້ກໍ່່ເພື່ອເປັນການເພີ່ມປະສົບການຊີ ວິດໃຫ້ແກ່ຕົນເອງອີກດ້ວຍ.

 ---------------

ໜັງສືພິມເສດຖະກິດ-ສັງຄົມ

แชร์