ສ້າງຄວາມສະດວກໃຫ້ຜູ້ປະກອບການ ສົ່ງອອກສິນຄ້າ

  ໃນລະຫວ່າງວັນທີ 22-24 ຕຸລາຜ່ານມາທີ່ນະຄອນປາກ ເຊໄດ້ມີກອງປະຊຸມຝຶກອົບຮົມເພື່ອ ສ້າງເປັນຄູຝຶກໃນການຈັດຕັ້ງປະຕິບັດລະບົບການອອກໃບຢັ້ງຍືນ ແຫຼ່ງກຳເນີດສິນຄ້າຜ່ານທາງລະບົບເອເລັກໂຕຣນິກ ແລະການຢັ້ງຢືນແຫຼ່ງກຳເນີດສິນຄ້າດ້ວຍຕົນເອງຂອງອາຊຽນ ໂດຍການເປັນປະທານຂອງທ່ານສຸລິຍົນ ພິລາວົງ ຫົວໜ້າກົມການນຳເຂົ້າ ແລະສົ່ງອອກ, ທ່ານ ສົມບັດ ແສນພັນຊ່ອງ ຫົວໜ້າພະແນກອຸດສາຫະກຳ ແລະ ການຄ້າ ແຂວງຈໍາປາສັກພ້ອມ ດ້ວຍບັນດາພາກສ່ວນທີ່ກ່ຽວຂ້ອງ ເຂົ້າຮ່ວມ.

ກອງປະຊຸມຝຶກອົບຮົມເພື່ອສ້າງເປັນຄູຝຶກໃນການຈັດຕັ້ງປະຕິບັດລະບົບການອອກໃບຢັ້ງຍືນແຫຼ່ງກຳເນີດສິນຄ້າຜ່ານທາງລະບົບເອເລັກໂຕຣນິກ (Eletronic Certification of original Issuing Systems-e-CO ) ແລະການຢັ້ງຢືນແຫຼ່ງກຳເນີດສິນຄ້າດ້ວຍຕົນເອງຂອງອາຊຽນ ໂດຍ ສະເພາະສະພາການຄ້າ ແລະ ອຸດສາຫະກຳແຂວງຈໍາປາສັກເຮັດ ການບໍລິການຄຸ້ມຄອງແຫຼ່ງກຳ ເນີດສິນຄ້າສົ່ງອອກໄປປະເທດຄູ່ ຄ້າອາຊຽນ + ສປ ຈີນ, ອິນເດຍ, ຍີ່ປຸ່ນ, ອົດສະຕຣາລີ ແລະນິວຊີແລນ.

ຊຸດຝຶກອົບຮົມຄັ້ງນີ້ເພື່ອຜັນຂະຫຍາຍການອຳນວຍຄວາມສະດວກທາງດ້ານການຄ້າໃຫ້ແກ່ຜູ້ປະກອບການຕາມຄຳສັ່ງ 02/ນຍ ແລະປະຕິບັດຕາມຄຳສັ່ງຂໍ້ຕົກລົງ ສະບັບເລກທີ 0369/ອຄ.ກຂອ ລົງວັນທີ 26 ກຸມພາ 2016, ວ່າ ດ້ວຍການອອກໃບຢັ້ງຢືນແຫຼ່ງກຳ ເນີດສິນຄ້າ, ຊຸດຝຶກອົບຮົມຄັ້ງນີ້ ເພື່ອສ້າງໃຫ້ເປັນຄູຝຶກ, ຮຽນຮູ້ ກ່ຽວກັບລະບຽບການ ແລະມາດ ຕະການກ່ຽວກັບການອອກ e-CO ເພື່ອອຳນວຍຄວາມສະດວກໃຫ້ ແກ່ຜູ້ດຳເນີນການສົ່ງອອກສິນຄ້າ ທີ່ນໍ້າໃຊ້ໃບຢັ້ງຍືນແຫຼ່ງກຳເນີດສິນ ຄ້າທີ່ໄດ້ຮັບສິດທິພິເສດແນໃສ່ໃນການຈັດຕັ້ງປະຕິບັດໃຫ້ຖືກຕ້ອງ, ສອດຄ່ອງຕາມກົດໝາຍ ແລະລະບຽບການຂອງ ສປປ ລາວ ແລະ ສາກົນ, ໂດຍສະເພາະຂໍ້ສະດວກ ທາງດ້ານການປະຢັດເວລາ, ຄ່າ ໃຊ້ຈ່າຍ, ຫຼຸດຜ່ອນການເຮັດວຽກຊໍ້າຊ້ອນ, ເພີ່ມຄວາມຊັດເຈນໃນ ການເກັບກຳຂໍ້ມູນທັງເປັນການແກ້ໄຂລະບົບການເກັບກຳສະຖິຕິການສົ່ງອອກໃຫ້ສະດວກ ແລະງ່າຍຂຶ້ນ.

 ------------------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์