ລາວ ເຈົ້າພາບຈັດກອງປະຊຸມລັດຖະມົນຕີ ໄອທີຊີ ອາຊຽນ ຄັ້ງທີ 19

 ວັນທີ 24 ຕຸລາ ຜ່ານມາ ສປປ ລາວ ກໍ່ຄືກະຊວງໄປຊະນີໂທລະຄົມມະນາຄົມ ແລະການສື່ສານ (ປທສ) ໄດ້ເປັນເຈົ້າພາບເປີດກອງປະຊຸມລັດຖະມົນຕີ ໄອຊີທີອາຊຽນຄັ້ງທີ 19 ເປັນກຽດເຂົ້າຮ່ວມທ່ານ ສອນໄຊ ສີພັນດອນ ຮອງນາຍົກລັດຖະມົນຕີແຫ່ງ ສປປ ລາວ ແລະ ເປັນປະທານກອງປະຊຸມໂດຍ ທ່ານ ທັນສະໄໝ ກົມມະສິດ ລັດຖະມົນຕີກະຊວງ ປທສ ຮ່ວມກັບທ່ານ ໂກບິນ ສິງດີໂອ ລັດຖະມົນຕີກະຊວງການສື່ສານ ແລະ ສື່ມວນຊົນ, ປະເທດມາເລເຊຍມີບັນດາລັດຖະມົນຕີສະມາຊິກອາຊຽນ 10 ປະເທດ, ເລຂາທິການໃຫຍ່ອາຊຽນ ແລະປະເທດຄູ່ຮ່ວມເຈລະຈາ(ສປ ຈີນ, ຍີ່ປຸ່ນ, ສ.ເກົາຫຼີ, ອິນເດຍ, ເອີຣົບ, ອາເມລິກາ, ສະຫະພາບໂທລະຄົມມະນາ ຄົມສາກົນ (ITU) ແລະ ມີບັນດາລັດຖະມົນຕີ, ຫົວໜ້າຫ້ອງການ ພ້ອມດ້ວຍວິຊາການທີ່ຮັບຜິດຊອບກ່ຽວກັບວຽກງານໄອຊີທີຈາກບັນດາປະເທດອາຊຽນເຂົ້າຮ່ວມ.

  ກອງປະຊຸມຄັ້ງນີ້, ພາຍໃຕ້ຄຳຂວັນ  “ສ້າງການເຊື່ອມຈອດທີ່ທັນສະໄໝເພື່ອການຫັນເປັນດີຈີຕອລຂອງອາຊຽນ” ແມ່ນເປັນຄັ້ງທີ 2 ຂອງ ສປປ ລາວ ທີ່ໄດ້ຮັບກຽດເປັນເຈົ້າພາບຊຶ່ງໃນ 10 ປີ ທີ່ຜ່ານມາ ສປປ ລາວ ໄດ້ມີການວາງແຜນ ແລະສຸມຄວາມພະຍາຍາມໃນການປັບປຸງ ແລະຂະຫຍາຍພື້ນຖານໂຄງລ່າງໂທລະ ຄົມມະນາຄົມຂອງປະເທດແຕ່ສູນກາງລົງຮອດທ້ອງຖິ່ນເພື່ອໃຫ້ການເຊື່ອມຕໍ່ເຄືອຂ່າຍໄດ້ມາດຕະຖານສູງ, ບັນດານິຕິກໍາຕ່າງໆ ແລະນະໂຍບາຍດ້ານເຕັກໂນໂລຊີການສື່ສານ ແລະຂໍ້ ມູນຂ່າວສານ (ໄອຊີທີ) ກໍໄດ້ຮັບການປັບປຸງໃຫ້ແທດ ເໝາະກັບສະພາບການຂະຫຍາຍຕົວ ຂອງເສດຖະກິດ-ສັງຄົມແລະເຕັກໂນໂລ ຊີໃໝ່ ເຮັດໃຫ້ອັດຕາສ່ວນຂອງຜູ້ຊົມ ໃຊ້ໂທລະສັບ ແລະອິນເຕີເນັດມີການຂະ ຫຍາຍຕົວຢ່າງກ້າວກະໂດດ ແລະປີນີ້ ແມ່ນຄົບຮອບ 52 ປີ ແຫ່ງການສ້າງ ຕັ້ງອາຊຽນ, ຄົບຮອບ 22 ປີ ທີ່ ສປປ ລາວ ເຂົ້າເປັນສະມາຊິກ.

ສະໜັບສະໜຸນໂດຍ: HONDA

 ຕະຫຼອດໄລຍະເວລາຜ່ານມາອາຊຽນໄດ້ມີການຮ່ວມມືຊ່ວຍເຫຼືອເຊິ່ງກັນ ແລະກັນເພື່ອການພັດທະນາໃນຫຼາຍໆດ້ານບໍ່ວ່າຈະເປັນດ້ານເສດຖະກິດ-ສັງຄົມ, ວັດທະນະທໍາ, ເຕັກນິກວິຊາການ, ການ ສຶກສາ ແລະອື່ນໆ ລວມທັງການສົ່ງເສີມ ສັນຕິພາບ, ສະຖຽນລະພາບ ແລະ ຄວາມໝັ້ນຄົງໃນພາກພື້ນອາຊຽນ, ປະ ຈຸບັນ ອາຊຽນໄດ້ກາຍເປັນຈຸດໃຈກາງອັນສຳຄັນໜຶ່ງໃນການຂັບເຄື່ອນເສດຖະກິດ-ສັງຄົມ ດ້ວຍການນຳໃຊ້ນະວັດຕະກຳໃໝ່ທາງດ້ານໄອຊີທີ ແລະການຫັນເປັນດີຈີຕອລໃນການເຊື່ອມໂຍງ-ເຊື່ອມຈອດ, ໃນຖານະເປັນສະມາຊິກອາຊຽນ, ສປປ ລາວ ຈະສືບຕໍ່ຕັ້ງໜ້າເສີມຂະຫຍາຍຂີດຄວາມສາມາດຂອງຕົນ ແລະສະໜັບສະໜູນການຮ່ວມມືໃນທຸກຂົງ ເຂດວຽກງານທີ່ອາຊຽນໄດ້ຕົກລົງກັນເພື່ອໃຫ້ບັນລຸເປົ້າໝາຍຕາມແຜນພັດທະນາໃນດ້ານຕ່າງໆຂອງອາຊຽນກໍຄືການເຮັັດໃຫ້ວິໃສທັດປະຊາຄົມອາຊຽນ 2025 ປະກົດຜົນເປັນຈິງ.

ພ້ອມນີ້, ບັນດາລັດຖະມົນຕີອາຊຽນໄດ້ມີການປຶກສາຫາລື, ແລກປ່ຽນດ້ານນະໂຍບາຍ ແລະລະບຽບການກັບປະເທດຄູ່ຮ່ວມເຈລະຈາລວມທັງການຮ່ວມມືກັບຄູ່ຮ່ວມພັດ ທະນາ, ຜູ້ປະກອບການ ພາກເອກະຊົນ ເພື່ອສ່ົງເສີມໃຫ້ເສດ ຖະກິດ-ສັງຄົມດີຈີຕອລ ມີການຂະຫຍາຍ ຕົວ, ສອດຄ່ອງກັບເປົ້າໝາຍປະຊາຄົມອາຊຽນຊຶ່ງປີນີ້ໄດ້ກ້າວເຂົ້າສູ່ປີສຸດທ້າຍ ຂອງການຈັດຕັ້ງປະຕິບັດແຜນແມ່ບົດອາຊຽນໄອຊີທີ 2020 (AIM 2020) ໂດຍມີຫຼາຍກິດຈະກໍາທີ່ໄດ້ຈັດຕັ້ງປະຕິບັດເພື່ອຜັນຂະຫຍາຍແຜນແມ່ບົດອາຊຽນ ໄອຊີທີ (AIM 2020) ຄຽງຄູ່ກັບການ ຖອດຖອນບົດຮຽນທີ່ສໍາຄັນ ເພື່ອເປັນ ແນວທາງໃນການສືບຕໍ່ປະຕິບັດໜ້າທີ່ວຽກງານໃນຕໍ່ໜ້າເພື່ອປະກອບສ່ວນ ເຮັດໃຫ້ບັນດາປະເທດສະມາຊິກອາຊຽນມີຄວາມກ້າວໜ້າໃນແຕ່ລະດ້ານເປັນຢ່າງດີ ແລະຫັນເປັນດີຈີຕອລເທື່ອລະກ້າວ.

ສະໜັບສະໜຸນໂດຍ: ສ່ວນບຸກຄົນ

 

ໃນໂອກາດດຽວກັນນີ້, ສປປ ລາວ ຍັງໄດ້ຮັບກຽດເປັນເຈົ້າພາບຈັດງານແຂ່ງຂັນຜະລິດຕະພັນໄອຊີທີອາຊຽນ ປະຈຳປີ 2019 (ASEAN ICT Award-AICTA) ທີ່ເປັນແຂ່ງຂັນປະກວດຜະລິດຕະພັນ ICT ຂອງບັນດາປະເທດສະມາຊິກອາຊຽນ.

________________

ຂຽນໂດຍ: ບຸນນິກ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์