ມອບ-ຮັບໜ້າທີ່ ຫົວໜ້າຫ້ອງວ່າການສູນກາງພັກ ແລະຫົວໜ້າຄະນະໂຄສະນາອົບຮົມສູນກາງພັກ

 ຂ່າວ: ຂປລ, ໃນວັນທີ 24 ຕຸລາ 2019 ໄດ້ມີພິທີເຊັນບົດບັນທຶກມອບ-ຮັບໜ້າທີ່ລະຫວ່າງທ່ານ ຄຳພັນ ພົມມະທັດຫົວໜ້າຫ້ອງວ່າການສູນກາງພັກຄົນເກົ່າໄປເປັນຫົວໜ້າຄະນະໂຄສະນາອົບຮົມສູນກາງພັກຄົນໃໝ່, ຍ້າຍທ່ານ ກິແກ້ວ ໄຂຄຳພິທູນ ເລຂາຄະນະບໍລິຫານງານພັກ, ຫົວໜ້າຄະນະໂຄສະນາອົບຮົມສູນກາງພັກຜູ້ເກົ່າໄປຮັບໜ້າທີ່ໃໝ່ ແລະຍ້າຍທ່ານ ທອງສະລິດ ມັງໜໍ່ເມກ ມາເປັນຫົວໜ້າຫ້ອງວ່າການສູນກາງພັກຄົນໃໝ່,ໂດຍໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ບຸນຍັງວໍລະຈິດ ປະທານປະເທດພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

  ໃນການມອບ-ຮັບໜ້າທີ່ໃນຄັ້ງນີ້, ອີງຕາມຄຳສັ່ງຂອງກົມການເມືອງສູນກາງພັກວ່າດ້ວຍການຍົກຍ້າຍພະນັກງານການນຳຂັ້ນສູງໄປຮັບໜ້າທີ່ໃໝ່ ແລະອີງຕາມມະຕິຕົກລົງຂອງກົມການເມືອງວ່າດ້ວຍການແຕ່ງຕັ້ງເລຂາຄະນະບໍລິຫານງານພັກ, ຫົວໜ້າຄະນະໂຄສະນາອົບຮົມສູນກາງພັກ ແລະຫົວໜ້າຫ້ອງວ່າການສູນກາງພັກ.

  ໂອກາດນີ້, ທ່ານ ບຸນຍັງ ວໍລະຈິດ ກໍໄດ້ມີຄຳເຫັນໂອ້ລົມ ແລະໃຫ້ທິດຊີ້ນໍາຕໍ່ການນຳທຸກຂັ້ນກໍຄືຜູ້ທີ່ໄດ້ຮັບໜ້າທີ່ໃໝ່ໃຫ້ສືບຕໍ່ຊີ້ນຳ-ນຳພາ ສຶກສາອົບຮົມແນວຄິດຂອງພະນັກງານສະມາຊິກພັກແຕ່ລະກົມ, ແຕ່ລະພະແນກການເພື່ອໃຫ້ທຸກຄົນເຂົ້າໃຈແລະຮັບຮູ້ຢ່າງທົ່ວເຖິງຕໍ່ການສັບປ່ຽນໜ້າທີ່ດັ່ງກ່າວ, ແນໃສ່ບໍ່ໃຫ້ມີການສວຍໂອກາດ, ທັບຖົມໂຈມຕີກັນໃນທາງທີ່ບໍ່ດີ, ອັນໃດທີ່ເປັນຜົນສຳເລັດທີ່ໄດ້ນຳພາ ແລະຈັດຕັ້ງປະຕິບັດໃນໄລຍະຜ່ານມາໃຫ້ພ້ອມກັນປົກປັກຮັກສາ ແລະເສີມຂະຫຍາຍໃຫ້ດີຂຶ້ນເລື້ອຍໆ; ສ່ວນອັນໃດທີ່ຍັງອ່ອນ ແລະຄົງຄ້າງກໍໃຫ້ເລັ່ງປັບປຸງແກ້ໄຂ.

ສະໜັບສະໜຸນໂດຍ: HONDA

 ພ້ອມນັ້ນກໍໃຫ້ພ້ອມກັນຈັດຕັ້ງສ້າງຂະບວນການດ້ານຕ່າງໆໃຫ້ມີການຫັນປ່ຽນຢ່າງແຂງແຮງກວ່າເກົ່າ, ໃຫ້ສືບຕໍ່ປົກປັກຮັກສາມູນເຊື້ອອັນດີງາມໂດຍສະເພາະຄວາມສາມັກຄີພາຍໃນຄະນະພັກ-ຄະນະນຳ, ມີຄວາມເປັນເອກະພາບສູງຕໍ່ວຽກງານ, ທັງສືບຕໍ່ເປັນຫຼັກແຫຼ່ງ, ເປັນຄັນທຸງ, ເປັນແກນນຳໃນການເຕົ້າໂຮມຄວາມສາມັກຄີໃນຖັນແຖວພະນັກງານ, ສິ່ງສຳຄັນໃຫ້ເອົາໃຈໃສ່ສ້າງລະບອບແບບແຜນວິທີເຮັດວຽກເພື່ອສືບຕໍ່ນຳພາພະນັກງານສະມາຊິກພັກພ້ອມກັນຈັດຕັ້ງປະຕິບັດວຽກງານເປັນເສ ນາທິການໃຫ້ສູນການພັກກໍຄືກົມການເມືອງ, ຄະນະເລຂາທິການສູນກາງພັກໃຫ້ນັບມື້ໄດ້ຮັບການປັບປຸງຂຶ້ນເລື້ອຍໆ.

ສະໜັບສະໜຸນໂດຍ: ສ່ວນບຸກຄົນ

_____________

ໜັງສືພິມເສດຖະກິດ-ສັງຄົມ

• ບໍລິການໂຄສະນາທາງເຟສບຸກ ແລະເວັບໄຊ
• ໂທ: 021 313645, 316511
• App: 020 58707444

• 25/10/2019