9 ເດືອນ ກາແດງລາວໄດ້ຮັບເລືອດບໍລິຈາກ 40 ພັນກວ່າຖົງ

  ສູນເລືອດແຫ່ງຊາດອົງການກາແດງລາວຈັດກິດຈະກຳຮັບບໍລິຈາກເລືອດໃນວັນທີ 23 ຕຸລາ 2019 ທີ່ສູນເລືອດແຫ່ງຊາດຊຶ່ງມີນັກຮຽນນັກສຶກສາຈາກສະຖາບັນການສຶກສາແຫ່ງຕ່າງໆ, ສໍານັກງານ, ອົງການ, ທັງພາກລັດເອກະຊົນ ແລະມວນຊົນຜູ້ໃຈບຸນທັງຫຼາຍເຂົ້າຮ່ວມບໍລິຈາກເລືອດ.

ອີງຕາມຂໍ້ມູນຈາກສູນເລືອດແຫ່ງຊາດໃຫ້ຮູ້ວ່າ: ໃນປີຜ່ານມາບັນດາຊັ້ນຄົນຕ່າງໆຮ່ວມກັບສູນເລືອດໃນທົ່ວປະເທດໄດ້ສຸມໃສ່ຈັດຕັ້ງປຸກລະດົມເຊີນຊວນຊັ້ນຄົນເຂົ້າຮ່ວມບໍລິຈາກເລືອດຢ່າງຕໍ່ ເນື່ອງແຕ່ທຽບໃສ່ຄວາມຕ້ອງ ການເຫັນວ່າຍັງບໍ່ທັນພຽງພໍການ ບໍລິຈາກເລືອດຍັງຈະໄດ້ເພີ່ມທະ ວີຄວາມເອົາໃຈໃສ່ການປຸກລະ ດົມເຊີນຊວນໃຫ້ມີຜູ້ບໍລິຈາກເລືອດ ຫຼາຍຂຶ້ນສ່ວນໜຶ່ງຍ້ອນສູນເລືອດ ຢູ່ຫຼາຍແຂວງບໍ່ສາມາດເຄື່ອນໄຫວໄດ້ເທົ່າທີ່ຄວນຍ້ອນສະພາບຄວາມເປັນຈິງໃນແຕ່ລະທ້ອງຖິ່ນເສັ້ນທາງເປ່ເພກຸ່ມຜູ້ບໍລິຈາກເລືອດຖືກຜົນກະທົບຈາກໄພພິບັດນໍ້າຖ້ວມແລະການລະບາດພະຍາດໄຂ້ເລືອດອອກ, ໃນ 9 ເດືອນ ປີ 2019 ທົ່ວປະເທດສາມາດເຈາະເລືອດໄດ້ 40.052 ຄົນ (ຖົງ) ຖ້າທຽບໃສ່ແຜນການໄດ້ 72,84% ແລະຄາດວ່າຈະສູ້ຊົນໃຫ້ມີຜູ້ບໍລິຈາກເລືອດໄດ້ຕາມແຜນການທີ່ວາງໄວ້ 55.000 ຖົງ.

ສະໜັບສະໜຸນໂດຍ: ສ່ວນບຸກຄົນ

 

  ສະເພາະກິດຈະກຳຄັ້ງນີ້ມີວິທະຍາໄລພາກລັດໃນນະຄອນຫຼວງວຽງຈັນ, ມະຫາວິທະຍາໄລວິທະຍາສາດສຸຂະພາບ, ວິທະຍາໄລພາກເອກະຊົນລວມ 24 ພາກສ່ວນມີຜູ້ເຂົ້າຮ່ວມ 400 ຄົນ ຊຶ່ງ ຄາດວ່າຈະມີຜູ້ໃຫ້ການປະກອບ ສ່ວນບໍລິຈາກເລືອດຄັ້ງນີ້ປະມານ300 ຄົນ ທັງນີ້ກໍເພື່ອສືບຕໍ່ໃຫ້ການຊ່ວຍເຫຼືອຄົນເຈັບທີ່ຕ້ອງການເລືອດທີ່ນອນປິ່ນປົວຢູ່ຕາມໂຮງໝໍແຫ່ງຕ່າງໆໃນຂອບເຂດທົ່ວປະເທດເວົ້າລວມເວົ້າສະເພາະຢູ່ບັນດາໂຮງໝໍໃນນະຄອນຫຼວງວຽງຈັນທີ່ມີຄົນເຈັບເປັນຈຳນວນຫຼວງຫຼາຍຕ້ອງ ການເລືອດເພື່ອການປິ່ນປົວ ແລະຊ່ວຍຊີວິດເຂົາເຈົ້າ.

________________

ຂຽນໂດຍ: ກິ່ງລັດຕະນະ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์