ທະຫານແຂວງອັດຕະປືດຳເນີນຊີວິດການເມືອງ

   ໃນວັນ 21 ຕຸລາ 2019 ຄະນະພັກກອງບັນຊາການທະຫານ ແຂວງອັດຕະປື ໄດ້ດໍາຊີວິດການ ເມືອງທ້າຍສະໄໝກອງປະຊຸມທີ 4 ຂອງຕົນຂຶ້ນ, ທີ່ຫ້ອງປະຊຸມກອງບັນຊາການດັ່ງກ່າວໂດຍການເຂົ້າ ຮ່ວມຂອງສະຫາຍ ພົນຈັນຕະວາ ບຸນລ້ຽງ ແສງພະຈັນ ຄະນະພັກ ກະຊວງປ້ອງກັນປະເທດ, ມີສະຫາຍ ນາງ ມີນາພອນ ໄຊສົມພູ ຄະປະຈໍາພັກແຂວງມີບັນດາຄະນະ ພັກ, ສະມາຊິກພາຍໃນກອງບັນ ຊາການທະຫານແຂວງເຂົ້າຮ່ວມ.

ຈາກນັ້ນຜູ້ເຂົາຮ່ວມກໍ່ໄດ້ຮັບ ຟັງບົດລາຍງານການເມືອງ ຊຶ່ງ ໄດສະຫຼຸບຕີລາຄາຄື້ນຜົນການຈັດຕັງປະຕິບັດມະຕິກອງປະຊຸມໃຫ່ຍຄັ້ງທີ 4 ຂອງອົງຄະນະພັກກອງ ບັນຊາການທະຫານແຂວງໃນຊຸມປີຜ່ານມາເປັນຕົ້ນ: ຄະນະພັກຄະ ນະບັນຊາການທະຫານແຂວງໄດ້ ເອົາໃຈໃສ່ສຶກສາອົບຮົມການເມືອງ ແນວຄິດໃຫ້ສະຫາຍສະມາຊິກພັກ ພະນັກງານນັກຮົບເປັນຈໍາເຮັດເຂົາເຈົ້າເຊື່ອໝັ້ນຕໍ່ການນໍາພາຂອງພັກ ມີຄວາມໜັກແໜ້ນໜ້າທີ່ການເມືອງ ຢຶດໝັ້ນອຸດົມການຂອງມີຄວາມສາມັກຄີຊ່ວຍເຫຼືອເຊິ່ງກັນ ແລະກັນ ມີນໍ້າໃຈຮັກຊາດ ແລະຜືນແຜ່ນດິນ ອັນຄົບຖວມຂອງຊາດຂອງປະຊາ ຊົນໄວ້ໃຫ້ໝັ້ນຄົງຕະຫຼອດໄປ ຊຶ່ງສະແດງອອກໃນການຈັດຕັ້ງປະຕິບັດວຽກງານທີ່ໄດ້ມອບໃຫ້ໂດຍ ສະເພາະຢຶດໝັ້ນແນວທາງປ້ອງ ກັນຊາດປ້ອງກັນຄວາມສະຫງົບ ຮອບດ້ານຢ່າງສະເໝີຕົນສະເໝີ ປາຍ ຊຶ່ງໄດ້ແຕ່ງຕັ້ງພະນັກງານ ຫັນລົງກໍ່ສ້າງຮາກຖານການເມືອງ ຢ່າງແຂງແຮງບົນພື້ນຖານປະຕິ ບັດທິດນໍາວຽກງານ 3 ສ້າງໂດຍ ສຸມໃສ່ການສ້າງບ້ານພັດທະນາ ຕິດພັນກັບການສ້າງທ່າສະໝາມ ສົງຄາມປະຊາຊົນຢູ່ຕາມຈຸດຫຼໍ ແຫຼມຕ່າງໆ ແລະຂົນຂວາຍກໍາລັງ ຮາກຖານປະຊາຊົນ,ປຸກລະດົມອໍານາດການປົກຄອງແຕ່ລະບ້ານ ເຮັດໜ້າທີ່ປ້ອງກັນຊາດປ້ອງກັນ ຄວາມສະຫງົບຢ່າງກວ້າງຂວາງ ແລະໄດ້ສ້າງກຸ່ມບ້ານປ້ອນໝັ້ນ ແລະບ້ານສູ້ຮົບຕິດແຫຼມໄດ້ 2  ບ້ານ, ບ້ານປ້ອງກັນຊາດເຂັ້ມແຂງ 6 ບ້ານ ແລະອື່ນໆ.

ສະໜັບສະໜຸນໂດຍ: HONDA

ພ້ອມດຽວກັນນີ້ ກໍໄດ້ເຊື່ອມເອ ກະສານສໍາຄັນຂອງພັກຂອງຊາດ ເກະສານຄໍາສັ່ງແນະນໍາເລກທີ 04, ເອກະສານເສີມຂະຫຍາຍມູນ ເຊື້ອທາດແທ້ຄວາມສາມັກຄີພາຍ ໃນພັກ, ເອກກະສານຍົກສູງຄວາມ ສາມາດການນໍາພາ ແລະຄວາມ ເປັນແບບຢ່າງນໍາໜ້າຂອງພັກ, ເອກະສານຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະຄຸນສົມ ບັດສິນທໍາປະຕິວັດ, ເອກະສານ ວ່າດ້ວຍການຕ້ານການສໍ້ລາດບັງຫຼວງ ແລະອື່ນໆ.

ສະໜັບສະໜຸນໂດຍ: ສ່ວນບຸກຄົນ

ປະຈຸບັນທົ່ວກອງບັນຊາການ ທະຫານ ແຂວງອັດຕະປື ມີ 9 ຄະນະພັກຮາກຖານມີ 42 ໜ່ວຍພັກມີສະມາຊິກພັກທັງໝົດ 990 ສະຫາຍ ແລະບັ້ນດໍາເນີນຊິວິດ ການເມືອງຄັ້ງນີ້ຈະໄດ້ດໍາເນີນເປັນ ເວລາ 5 ວັນຈຶ່ງສໍາເລັດ.

--------------------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์