ຮອບຕັດສິນ ພາວເວີກຣີນລາວ ຈັດຂຶ້ນຕົ້ນເດືອນພະຈິກ

   ໂຄງການປະກວດ PowerQueen Lao 2019 ຫຼື ກິດຈະກຳສົ່ງເສີມແນວຄວາມຄິດຂອງ ເພດທີ 3 ເປີດໂອກາດໃຫ້ສາວປະເພດ 2 ທົ່ວປະເທດໄດ້ອອກມາ ສະແດງສັກກະຍະພາບ ແລະຄວາມ ຮູ້ຄວາມສາມາດໃຫ້ກັບສັງຄົມລາວເພື່ອເລືອກເຟັ້ນຫາຄົນທີ່ມີຄວາມ ພຽບພ້ອມທັງກາຍວາຈາ ແລະຈິດໃຈ ມີຄວາມຮູ້ຄວາມສາມາດ ເປັນແບບຢ່າງທີ່ດີໃຫ້ສັງຄົມ, ຊຶ່ງ ໂຄງການດັ່ງກ່າວໄດ້ເປີດຮັບສໝັກ ແລະຄັດເລືອກນັບແຕ່ເດືອນ ກັນຍາເປັນຕົ້ນມາ ແລະຈະປະກວດ ຊີງຊະນະເລີດໃນວັນທີ 4 ພະຈິກທີ່ ຈະມາເຖິງນີ້.

ທ່ານ ອໍາໄພວັນ ສຸພັນທອນ ປະທານໂຄງການ PowerQueen ໃຫ້ ຮູ້ວ່າ: ໂຄງການປະກວດ Power Queen Lao 2019 ເປັນປີທໍາອິດທີ່ໄດ້ຈັດຂຶ້ນ ໂດຍເລີ່ມເປີດຮັບສະໝັກ ແລະຄັດເລືອກນັບແຕ່ເດືອນ ກັນຍາເປັນຕົ້ນມາ ຊຶ່ງເປັນເວທີ ໃນການສົ່ງເສີມໃຫ້ໄວໜຸ່ມລາວໄດ້ ເຂົ້າຮ່ວມກິດຈະກໍາຕ່າງໆທີ່ຊ່ວຍ ເຫຼືອສັງຄົມພ້ອມທັງໄດ້ຮັບທຶນໃນການສຶກສາ ແລະການຮຽນຮູ້ໃນຫຼາຍໆດ້ານອີກດ້ວຍ, ໂຄງການນີ້ ມີຜູ້ເຂົ້າສະໝັກກວ່າ 200 ຄົນ ແລະຄັດເລືອກໃຫ້ເຫຼືອ 40 ຄົນ ສຸດທ້າຍໃນການເຂົ້າປະກວດມື້ ຊີງຊະນະເລີດ, ເປົ້າໝາຍຫຼັກໆໃນ ການຈັດໂຄງການນີ້ແມ່ນເພື່ອໃຫ້ ເພດທີ 3 ທີ່ຍັງບໍ່ມີໂອກາດໄດ້ເຂົ້າ ມາມີສ່ວນຮ່ວມໃນການເຮັດກິດຈະ ກໍາເພື່ອສັງຄົມພ້ອມທັງເປັນການສອນໃຫ້ພວກເຂົາມີແນວຄິດໃນ ທາງທີ່ຖືກຕ້ອງ, ຫ່າງໄກຈາກຢາ ເສບຕິດ, ສອນໃຫ້ຮູ້ຈັກການດໍາລົງ ຊີວິດເພື່ອບໍ່ໃຫ້ສັງຄົມລັງກຽດ ແລະໃຫ້ຄວາມຮູ້ທັກສະໃນດ້ານ ຕ່າງໆ.

ກິດຈະກໍາການຄັດເລືອກໃນ ແຕ່ລະຮອບແມ່ນແຕກຕ່າງກັນໄປ ເຊັ່ນ: ຮອບຄັດເລືອກ 60 ຄົນ ແມ່ນກິດຈະກໍາຝຶກທັກສະ ແລະຜູ້ ທີ່ມີຄວາມສາມາດ, ສ່ວນຮອບ 40 ນສຸດທ້າຍແມ່ນກິດຈະກໍານໍາສິ່ງ ໃກ້ຕົວທີ່ບໍ່ໃຊ້ແລ້ວມາປະດິດຄິດສ້າງເພື່ອສາມາດນໍາມາຕໍ່ຍອດ,ນອກຈາກນີ້,ກໍຍັງຮ່ວມກິດຈະກໍາ ລະດົມທຶນຊ່ວຍເຫຼືອມູນນິທິເດັກກໍາ ພ້າ  ແລະຊ່ວຍເຫຼືອພີ່ນ້ອງພາກໃຕ້ທີ່ປະສົບໄພນໍ້າຖ້ວມອີກດ້ວຍ.

ສະໜັບສະໜຸນໂດຍ: ສ່ວນບຸກຄົນ

 ສໍາລັບຜູ້ທີ່ໄດ້ລາງວັນທີ 1-3 ຈະໄດ້ຮັບມົງກຸດ ແລະຜູ້ທີ່ໄດ້ຮັບ ລາງວັນທີ 1-5 ແມ່ນຈະໄດ້ຮັບທຶນການສຶກສາ 1 ປີ ຈາກສູນສົ່ງ ເສີມວິຊາຊີບ ແລະພາສາອໍາໄພວັນ ພ້ອມດ້ວຍຂອງລາງວັນຈາກຜູ້ສະໜັບສະໜູນ, ນອກຈາກນີ້ ຜູ້ທີ່ໄດ້ ລາງວັນຊະນະເລີດຈະມີສິດເຂົ້າຮ່ວມປະກວດ Miss International Queen ທີ່ປະເທດໄທນໍາ ອີກ, ຊຶ່ງທ່ານສາມາດຮ່ວມເຊຍ ແລະເປັນກໍາລັງໃຈໃຫ້ນ້ອງໆທັງ 40 ຄົນ ໄດ້ໃນມື້ຊີຊະນະເລີດວັນທີ 4 ພະຈິກ 2019 ທີ່ໂຮງ ກາຍະສິນ ນະຄອນຫຼວງວຽງຈັນ ຫຼື ຮ່ວມໂຫວດໄດ້ທາງແຟນເພຈ໌ Power Queen-Power Queen Laos

   ສະໜັບສະໜຸນໂດຍ: HONDA

--------------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์