ສສກ ຫາລືກ່ຽວກັບກົນໄກປ່ຽນແປງໃໝ່ດ້ານການເງິນ

  ລາວ, ວັນທີ 23 ມັງກອນ 2019 ທີ່ນະຄອນຫຼວງວຽງຈັນກະຊວງສຶກສາທິການແລະກີລາ ສປປ ອົງການຢູເນັດໂກປະຈໍາບາງກອກປະເທດໄທ ແລະມະຫາວິທະຍາໄລໂກເບປະເທດຍີ່ປຸ່ນໄດ້ຮ່ວມກັນຈັດກອງປະຊຸມປຶກສາຫາລື ແລະ ແລກປ່ຽນຄໍາຄິດຄໍາເຫັນກ່ຽວກັບກົນໄກການປ່ຽນແປງໃໝ່ທາງດ້ານການເງິນຮ່ວມກັບບັນດາຄູ່ຮ່ວມພັດທະນາຕ່າງໆແລະການມີສ່ວນຮ່ວມສໍາລັບການດູແລການສຶກສາກ່ອນໄວຮຽນຢູ່ໃນ ສປປ ລາວເພື່ອທົບທວນ ແລະ ຄົ້ນຄວ້າຮ່ວມ ກັນໃຫ້ວຽກງານດັ່ງກ່າວມີປະສິດທິພາບໂດຍໃຫ້ກຽດເປັນປະທານຮ່ວມຂອງທ່ານ ຄໍາຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະ ກີລາ, ທ່ານ ນາງ ຍຸນ ກາຄຣິດຕີແບັງ ຕາງໜ້າອົງການຢູເນັດໂກປະຈໍາບາງກອກປະເທດໄທ ແລະ ທ່ານໄຄຊິໂອກາວາຕາງໜ້າຈາກມະຫາວິທະຍາໄລໂກເບປະເທດຍີ່ປຸ່ນ, ມີຫົວໜ້າ-ຮອງຫົວໜ້າກົມ, ຫ້ອງການ, ສະຖາບັນ, ພະແນກ, ຜູ້ຮັບຜິດຊອບວຽກງານກ່ຽວຂ້ອງຈາກ ສສ ຫວຽດນາມ, ຍີ່ປຸ່ນ, ຄູ່ຮ່ວມພັດທະນາ,  ພະນັກງານ, ວິຊາການກ່ຽວຂ້ອງເຂົ້າຮ່ວມ.

  ຈັດກອງປະຊຸມຄັ້ງນີ້ແມ່ນເພື່ອນໍາສະເໜີ ແລະແລກປ່ຽນຄໍາຄິດຄໍາເຫັນຮ່ວມກັນກ່ຽວກັບຜົນຂອງການຄົ້ນຄວ້າຂັ້ນພື້ນຖານທີ່ໄດ້ພົບເຫັນຢູ່ໃນ ສປປ ລາວ ແລະໄດ້ຮັບຟັງຄໍາຄິດຄໍາເຫັນຜົນງານຂອງການຄົ້ນຄວ້າຈາກຜູ້ສ້າງນະໂຍບາຍ, ຊ່ຽວຊານ ແລະຄູ່ຮ່ວມພັດທະນາຕ່າງໆໃນ ສປປ ລາວ ເພື່ອປັບປຸງບົດລາຍ ງານລະດັບປະເທດໃຫ້ມີຄວາມສົມບູນດີຂຶ້ນເທື່ອລະກ້າວ;ທົບທວນ ແລະແລກປ່ຽນຄໍາເຫັນກ່ຽວກັບກົນໄກການປ່ຽນແປງໃໝ່ທາງດ້ານການເງິນຂອງອົງການຢູເນັດໂກປະຈໍາບາງກອກປະເທດໄທ ແລະບັນດາຄູ່ຮ່ວມພັດທະນາຕ່າງໆ ແລະ ການມີສ່ວນຮ່ວມສໍາລັບການມີສ່ວນຮ່ວມສໍາລັບການດູແລເບິ່ງແຍງເດັກຂອງວຽກງານການສຶກສາກ່ອນໄວຮຽນ. ນອກຈາກນີ້, ຍັງໄດ້ຮັບຟັງຜົນການສຶກສາຄົ້ນຄວ້າຂອງປະເທດກໍາປູເຈຍ ແລະປະເທດຫວຽດນາມ.

  ໃນກອງປະຊຸມປຶກສາຫາລື ແລະແລກປ່ຽນຄໍາຄິດຄໍາເຫັນກ່ຽວກັບວຽກງານດັ່ງກ່າວ, ຜູ້ເຂົ້າຮ່ວມໄດ້ຮັບຟັງການນໍາສະເໜີແນວທາງ ແລະ ນະໂຍບາຍກ່ຽວ ກັບກົນໄກການປ່ຽນແປງໃໝ່ທາງດ້ານການເງິນ ແລະການມີສ່ວນຮ່ວມສໍາລັບການດູແລເບິ່ງແຍງເດັກຂອງວຽກງານການສຶກສາກ່ອນໄວຮຽນ, ສະພາບລວ ມຂອງການຄົ້ນຄວ້າ,ນໍາສະເໜີກ່ຽວກັບຜົນການຄົ້ນຄວ້າພົບຈາກການສຶກສາຄົ້ນຄວ້າຂອງປະເທດກໍາປູເຈຍ ແລະປະເທດຫວຽດນາມ, ນໍາສະເໜີຜົນກາ ນຄົ້ນຄວ້າ ແລະຄໍາແນະນໍາທາງດ້ານນະໂຍບາຍຂອງການສຶກສາໃນ ສປປ ລາວ, ການສົນທະນາເປັນກຸ່ມກ່ຽວກັບຄໍາແນະນໍາທາງດ້ານນະໂຍບາຍ ແລະ ສະ ຫຼຸບລາຍງານການສົນທະນາກ່ຽວກັບຄໍາແນະນໍາທາງດ້ານນະໂຍບາຍ.

• 25/01/2019