ຣັກບີ້ລາວ ຕັ້ງເປົ້າຜ່ານເຂົ້າຮອບ 4 ທີມ ຊີເກມ

  ສະຫະພັນກີລາຣັກບີ້ແຫ່ງ ຊາດລາວຕັ້ງເປົ້າຈະພະຍາຍາມ ສູ້ຊົນໃຫ້ຜ່ານເຂົ້າເຖິງຮອບ 4 ທີມ ສຸດທ້າຍທັງປະເພດທີມຍິງ ແລະ ທີມຊາຍຫວັງຄວ້າຫຼຽນໃດຫຼຽນໜຶ່ງກັບບ້ານໃນການແຂ່ງຂັນກີລາ ຣັກບີ້ ງານມະຫາກຳກີລາແຫ່ງຊາດ ຄັ້ງທີ XXX ທີ່ປະເທດຟິລິບ ປິນເປັນເຈົ້າພາບໃນທ້າຍປີນີ້.

ອີງຕາມການໃຫ້ສຳພາດຂອງ ທ່ານ ປີຊາ ວົງເດືອນເພັງ ຜູ້ຈັດການຝ່າຍພັດທະນາສະຫະພັນກີລາ ຣັກບີ້ ແຫ່ງຊາດລາວ ທັງເປັນຄະ ນະນຳທີມຣັກບີ້ລາວ ໃນການເຂົ້າ ຮ່ວມງານມະຫາກຳກີລາຊີເກມ ຄັ້ງທີ XXX  ຮູ້ວ່າ: ປະຈຸບັນພວກເຮົາໄດ້ເລີ່ມມີການຄັດເລືອກນັກ ກີລາ ແລະຝຶກຊ້ອມແຕ່ເດືອນສິງ ຫາຜ່ານມາ ໂດຍພວກເຮົາຝຶກ ຊ້ອມກັນຢ່າງໜັກທັງເລື່ອງການ ປັບປຸງພາລະກຳລັງ ແລະໃນລະຫວ່າງເດືອນກັນຍາ ຫາ ເດືອນ ຕຸລານີ້ ຈະເນັ້ນຝຶກຊ້ອມເລື່ອງ ການເຂົ້າຢິມ ແລະແລ່ນເອົາພາລະກຳລັງໃນຮູບແບບຕ່າງໆ ຊຶ່ງ ເປັນທາງຄູຝຶກຊາວຕ່າງຊາດເປັນຄົນກຽມແຜນຢ່າງເຄັ່ງຄັດເພື່ອ ໃຫ້ເປົ້າໝາຍທີ່ວາງໄວ້ບັນລຸສຳເລັດກໍຄືເຂົ້າສູ່ຮອບ 4 ທີມສຸດ ທ້າຍ ຫຼື ຢ່າງຕໍ່່ອັນດັບ 2 ຂອງ ກຸ່ມທັງປະເພດທີມຍິງ ແລະທີມ ຊາຍເພາະພວກເຮົາຫວັງໃຫ້ໄດ້ ຫຼຽນໃດຫຼຽນໜຶ່ງກັບມາເປັນຂອງຕ້ອນໃຫ້ກັບແຟນກີລາພັນແທ້ ແລະ ປະຊາຊົນລາວໄດ້ຊື່ນຊົມ.

ທ່ານ ປີຊາ ວົງເດືອນເພັງ ກ່າວ ຕື່ມອີກວ່າ: ສຳລັບນັກກີລາແມ່ນ ຈະຕັດລາຍຊື່ກ່ອນແຂ່ງ 1-2 ອາທິດໃຫ້ເຫຼືອພຽງ 12 ຄົນແຕ່ລະປະເພດທັງທີມຍິງ-ຊາຍ ໂດຍທີມຊາດຊຸດນີ້ແມ່ນໃຊ້ຊຸດໃຫຍ ່ແລະ ຊຸດອາຍຸບໍ່ເກີນ 20 ປີປະສົມກັນໂດຍຖືວ່າເປັນສາຍເລືອດໃໝ່ຂອງ ທີມຊາດລາວເຮົາໃນປີນີ້, ໃນນັ້ນສະເພາະທີມຍິງໃນປີນີ້ຈາກການໄປ ແຂ່ງຂັນມາແມ່ນສາມາດເອົາຊະນະທີມຊາດຟິລິບປິນ ແລະທີມຊາດ ສິງກະໂປໄດ້ຖືວ່າມີໂອກາດສູງໃນການໄດ້ຫຼຽນ.

ສຳລັບການເຂົ້າຮ່ວມການແຂ່ງຂັນງານມະຫາກຳກີລາຊີເກມໃນ ທ້າຍປີນີ້ແມ່ນຈະເລີ່ມຂຶ້ນໃນລະ ຫວ່າງວັນທີ 30 ພະຈິກ ຫາ 11 ທັນວາ 2019, ໂດຍ ສປປ ລາວ ແມ່ນສົ່ງເຂົ້າຮ່ວມທັງໝົດ 26 ປະເພດກີລາແບ່ງອອກເປັນ 2 ແບບ ຄື: ແບບໃຊ້ງົບປະມານລັດຖະບານ ຮອບດ້ານມີ 18 ປະເພດກີລາປະກອບມີ: ລອຍນໍ້າ, ຍິງທະນູ,  ແລ່ນ-ລານ, ຢູໂດ, ເປຕັງ, ມວຍ ປໍ້າ, ມວຍລາວ, ປັນຈັກສີລັດ, ກະຕໍ້, ບີລຽດ-ສະນຸກເກີ, ມວຍສາ ກົນສະໝັກຫຼິ້ນ, ກາຣາເຕໂດ, ຄິກບ໋ອກຊິ້ງ, ເທຄວັນໂດ, ຍົກນໍ້າ ໜັກ, ວູຊູ ແລະລົດຖີບ, ສ່ວນກີ ລາມອບໃຫ້ກຸ້ມຕົວເອງມີ 8 ປະ ເພດກີລາປະກອບມີ: ກັອບ, ແລ່ນ ຜ່ານສິ່ງກີດຂວາງ, ຣັກບີ້, ໝາກ ເສິກ, ອີ-ສະປອດ, ບານເຕະ, ເທັນ ນິດ ແລະຊັອບເທັນນິດ.

-----------------------------------

ພາບ ແລະຂາ່ວຈາກໜັງສືພິມເສດຖະກິດ-ສັງຄົມ

แชร์