8 ແຂວງພາກເໜືອປະຊຸມວຽກອາຊີວະສຶກສາ

  ເມື່ອບໍ່ດົນມານີ້ທີ່ສູນໄອຊີ ທີແຂວງອຸດົມໄຊ ກົມອາຊີວະສຶກ ສາກະຊວງສຶກສາທິການ  ແລະກີລາພາຍໃຕ້ໂຄງການສ້າງຄວາມເຂັ້ມ ແຂງໃຫ້ແກ່ວຽກງານອາຊີວະສຶກສາ ແລະຝຶກອົບຮົມວິຊາຊີບໄດ້ຈັດ ກອງປະຊຸມຝຶກອົບຮົມວຽກງານ ການໃຫ້ຄຳແນະນຳ ແລະໃຫ້ຄຳ ປຶກສາດ້ານອາຊີບໃຫ້ແກ່ຜູ້ບໍລິ ຫານ ແລະພະນັກງານ ໂດຍການ ເປັນປະທານຂອງທ່ານ ບຸນເພັງ ສົມຈັນມະວົງ ຮອງຫົວໜ້າກົມອາຊີວະສຶກສາ, ກະຊວງສຶກສາທິການ ແລະກີລາ, ມີວິທະຍາໄລ ແລະໂຮງຮຽນອາຊີວະສຶກສາ 8 ແຂວງ ພາກເໜືອຄື:  ແຂວງຜົ້ງສາລີ, ຫຼວງ ນໍ້າທາ, ບໍ່ແກ້ວ, ຫຼວງພະບາງ, ໄຊຍະບູລີ, ຊຽງຂວາງ, ຫົວພັນ ແລະແຂວງອຸດົມໄຊ ເຈົ້າພາບເຂົ້າ ຮ່ວມ.

ໃນກອງປະຊຸມຄັ້ງນີ້ໄດ້ເນັ້ນ ໃສ່ຝຶກທັງພາກທິດສະດີ ແລະພາກ ປະຕິບັດເພື່ອໃຫ້ຜູ້ເຂົ້າຝຶກນຳໄປ ໃຊ້ໄດ້ຈິງ, ໂດຍສະເພາະການໃຫ້ ຄຳປຶກສາດ້ານອາຊີບໃຫ້ແກ່ນັກ ຮຽນມັດທະຍົມຜູ້ທີ່ຍັງບໍ່ສາມາດ ເລືອກເສັ້ນທາງອາຊີບຂອງຕົນໃນອະນາຄົດ ໂດຍຜູ້ເຂົ້າຝຶກທຸກ ຄົນແມ່ນໄດ້ທົດລອງໃຫ້ຄຳປຶກສາ ດ້ານອາຊີບໃຫ້ແກ່ນັກຮຽນຕົວຈິງ ໃນໂຮງຮຽນ ມສ ເມືອງໄຊ ເພື່ອ ສ້າງຄວາມໝັ້ນໃຈໃຫ້ກັບຕົນເອງ ໃນການນໍາເອົາຄວາມຮູ້ ແລະທັກສະທີ່ຝຶກອົບອົບໃນຄັ້ງນີ້ນັ້ນໄປຊ່ວຍ ນັກຮຽນ, ຊາວໜຸ່ມແລະກຸ່ມຄົນ ອື່ນໆ ທີ່ຍັງບໍ່ທັນມີໂອກາດຮຽນ ຕໍ່ວິຊາອາຊີບໄດ້ຫັນມາຝຶກອົບຮົມ ວິຊາຊີບຢູ່ທີ່ສູນສີມືແຮງງານ, ໂຮງ ຮຽນອາຊີວະສຶກສາ ແລະວິທະຍາ ໄລແຫ່ງຕ່າງໆ ເພື່ອໃຫ້ເຂົາເຈົ້າສາ ມາດປະກອບອາຊີບດ້ວຍຕົນເອງ ນໍາພາກເອກະຊົນແນໃສ່ເຮັດໃຫ້ໄວ ໝຸ່ມລາວມີວຽກເຮັດງານທໍາ ແລະ ມີອາຊີບທີ່ໝັ້ນຄົງ, ສາມາດສ້າງ ລາຍຮັບໃຫ້ແກ່ຄອບຄົວ, ເພື່ອເຮັດ ໃຫ້ເສດຖະກິດຂອງຊາດມີຄວາມ ເຂັ້ມແຂງ ແລະບັນລຸຕາມແຜນ ພັດທະນາການສຶກສາທີ່ລັດຖະ ບານວາງອອກ

-----------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์