ມສ ອຸທຸມພອນ ແຂ່ງຂັນກີລາ ແລະສິລະປະ-ວັນນະຄະດີ

  ພິທີເປີດງານແຂ່ງຂັນກີລາ ແລະປະກວດສິລະປະ-ວັນນະຄະດີຂອງໂຮງຮຽນ ມສ ອຸທຸມພອນເມືອງອຸທຸມພອນ ປະຈຳສົກຮຽນ 2019-2020 ໄດ້ຈັດຂຶ້ນຢ່າງ ເປັນທາງການໃນວັນທີ 18 ຕຸລາ ຜ່ານມາ ທີ່ເດີ່ນໂຮງຮຽນດັ່ງກ່າວ, ພາຍໃຕ້ການເຂົ້າຮ່ວມຂອງທ່ານ ປະສົງສິນ ຈະເລີນສຸກ ເຈົ້າເມືອງ ອຸທຸມພອນ, ທ່ານ ໂພໄຊ ອິນທະວົງສາ ຮອງເຈົ້າເມືອງຜູ້ຊີ້ນຳວຽກ ງານວັດທະນະທຳສັງຄົມ, ທ່ານ ຖາວອນ ອິນສີຊຽງໃໝ່ ຮອງຫົວ ໜ້າພະແນກສຶກສາທິການ-ກີລາ ແຂວງ, ທ່ານ ຄຳຈັນ ລຽນວົງສາ ຫົວໜ້າຫ້ອງການສຶກສາທິການ-ກີລາເມືອງ, ບັນດາຄະນະອຳນວຍການໂຮງຮຽນ, ຄະນະອຳນາດ ການປົກຄອງບ້ານ, ສະມາຄົມພໍ່ ແມ່ນັກຮຽນ, ຄູ-ອາຈານຕະຫຼອດ ຮອດນ້ອງນັກຮຽນພາຍໃນໂຮງ ຮຽນດັ່ງກ່າວເຂົ້າຮ່ວມ.

ທ່ານ ວັນລະຄອນ ເກດຕະວົງ ສາ ຫົວໜ້າໜ່ວຍງານກິດຈະກຳ ຂອງໂຮງຮຽນກໍ່ໄດ້ລາຍງານແຜນການເຄື່ອນໄຫວກິດຈະກຳແຂ່ງຂັນ ກີລາພະລະສຶກສາ-ສິລະປະຂອງ ໂຮງຮຽນ ມສ ອຸທຸມພອນ ປະຈຳ ສົກຮຽນ 2019-2020 ວ່າ: ສໍາລັບການແຂ່ງຂັນກີລາພາລະສຶກ ສາແມ່ນໄດ້ແບ່ງເປັນສອງສາຍຄື: ສາຍ ມ ຕົ້ນ ແລະສາຍ ມ ປາຍ ປະ ກອບມີ: ກີລາບານເຕະຊາຍ-ຍິງ ມ ຕົ້ນ 24 ທີມ, ມ ປາຍ 30 ທີມ, ບານສົ່ງໃນຮົ່ມ ແລະຫາດຊາຍ ຊາຍ-ຍິງ ມ ຕົ້ນ 48 ທີມ, ມ ປາຍ  60 ທີມ, ກະຕໍ່ ຊາຍ-ຍິງ ມ ຕົ້ນ 24 ທີມ, ມ ປາຍ 30 ທີມ, ບານບ້ວງ ຊາຍ-ຍິງ ມ ຕົ້ນ 4 ທີມ, ມ ປາຍ 6 ທີມ, ນອກນີ້ຍັງມີກີລາປະເພດອື່ນໆ ອີກທີ່ຈະໄດ້ແຂ່ງຂັນໃນທຸກໆລາຍ ການທີ່ໂຮງຮຽນຈັດຂຶ້ນ, ສ່ວນ ການແຂ່ງຂັນ ສິລະປະ-ວັນນະຄະດີ ແມ່ນມີ 5 ປະເພດແຂ່ງຂັນຄື: ບົດ ຟ້ອນ, ລະຄອນເວທີ, ຮ້ອງເພງ, ຂັບລຳ ແລະການສະແດງດົນຕີ ຊຶ່ງກິດຈະກຳແຂ່ງຂັນກີລາພາລະ ສຶກສາ-ສິລະປະຂອງໂຮງຮຽນ ມສ ອຸທຸມພອນ ປະຈຳສົກຮຽນ 2019-2020 ຄາດວ່າຮອດກາງ ເດືອນເມສາ 2020 ແມ່ນໃຫ້ສຳ ເລັດ.

ຈາກນັ້ນທ່ານ ໂພໄຊ ອິນທະ ວົງສາ ຮອງເຈົ້າເມືອງອຸທຸມພອນ ກໍ່ໄດ້ໃຫ້ກຽດມີຄຳເຫັນຕໍ່ພິທີ ແລະ ກ່າວເປີດງານແຂ່ງຂັນກີລາພາລະສຶກສາ ແລະປະກວດສິລະປະ-ວັນນະຄະດີຂອງໂຮງຮຽນ ມສ ອຸທຸມ ພອນ ປະຈຳສົກຮຽນ 2019-2020 ຈຸດປະສົງໃນການຈັດງານ ດັ່ງກ່າວກໍ່ເພື່ອເປັນການສ້າງຂະບວນການແຂ່ງວຽກງານພາລະ ແລະສິລະປະພາຍໃນໂຮງຮຽນ, ໃນແຕ່ລະຫ້ອງຮຽນ, ໃນແຕ່ລະ ຊັ້ນຮຽນ ແລະບຸກຄົນໃຫ້ເຂົ້າສູ້ຊີວິດຕົວຈິງ ແລະສາມາດຄັດເລືອກ ໄດ້ຫ້ອງດີເດັ່ນ,ບຸກຄົນດີເດັ່ນປະຈຳສົກຮຽນ, ນອກນັ້ນຍັງເປັນການ ປູກຈິດສຳນຶກໃຫ້ແກ່ນັກຮຽນໃນ ແຕ່ລະຫ້ອງ, ໃນແຕ່ລະຊັ້ນຮຽນໃຫ້ ມີການພົ້ນເດັ່ນທາງດ້ານພາລະ ແລະສິລະປະ, ເຮັດໃຫ້ນັກຮຽນໄດ້ ອອກກຳລັງກາຍຫຼິ້ນກີລາພ້ອມທັງ ເປັນການສ້າງຈິດສຳນຶກໃຫ້ນັກ ຮຽນໃນການຕ້ານ ແລະສະກັດກັ້ນປະກົດການຫຍໍ້ທໍ້ທາງດ້ານສິ່ງເສບ ຕິດພາຍໃນໂຮງຮຽນໃຫ້ໝົດໄປ, ສ້າງຄວາມສາມັກຄີໃຫ້ແກ່ນັກ ຮຽນພາຍໃນໂຮງຮຽນໃຫ້ໄດ້ມີ ການເຮັດກິດຈະກຳຮ່ວມກັນ, ມີ ການແລກປ່ຽນຄວາມຮູ້ຄວາມສາມາດເຊິ່ງກັນ ແລະກັນ, ໂດຍປະຕິບັດຕາມ 3 ລັກສະນະ ແລະ5 ຫຼັກມູນການສຶກສາ, ແຜນພັດທະນາ ວຽກງານກີລາ-ກາຍະກຳ ແລະ ວຽກງານສິລະປະ-ວັນນະຄະດີ ຂອງໂຮງຮຽນ.

-------------------------------------

ພາບ ແລະຂາ່ວຈາກໜັງສືພິມເສດຖະກິດ-ສັງຄົມ

แชร์