ກຸ່ມປູກຜັກປອດສານພິດບ້ານໂພນສິມ ມີລາຍຮັບ 45 ລ້ານກີບຕໍ່ເດືອນ

  ເພື່ອເຮັດໃຫ້ຜົນຜະລິດທາງ ການກະເສດຂອງກຸ່ມປູກຜັກປອດ ສານພິດບ້ານໂພນສິມໃຫ້ໄດ້ຮັບ ການຂະຫຍາຍຕົວ ແລະຕອບສະ ໜອງຄວາມຮຽກຮ້ອງຕ້ອງການ ຂອງຕະຫຼາດໃຫ້ໄດ້ຢ່າງທົ່ວເຖິງ, ໃນວັນທີ 16 ຕຸລາຜ່ານມາ, ສູນກາງ ສະຫະພັນກຳມະບານລາວຮ່ວມ ກັບສະຫະພັນກຳມະບານແຂວງ ສະຫວັນນະເຂດ ໄດ້ມີການຈັດ ກອງປະຊຸມປະເມີນຄືນຄວາມອາດ ສາມາດທາງການຜະລິດຂອງກຸ່ມ ປູກຜັກປອດສານພິດ ໂດຍການ ເຂົ້າຮ່ວມຂອງ ທ່ານນາງ ພົມມາ ທອງເພັງ ຮອງປະທານຄະນະບໍລິ ຫານງານສະຫະພັນກຳມະບານ ແຂວງສະຫວັນນະເຂດ, ທ່ານ ບຸນ ທັນ ໄຊຍະວົງ ຮອງຫົວໜ້າພະແນກ ປົກປ້ອງແຮງງານສູນກາງສະຫະພັນກຳມະບານລາວ, ມີຜູ້ຕາງໜ້າຈາກຄະນະກະເສດສາດມະຫາວິ ທະຍາໄລແຫ່ງຊາດ, ຈາກອົງການ 3 ຝ່າຍຂັ້ນແຂວງ ຕະຫຼອດຮອດ ປະຊາຊົນກຸ່ມປູກຜັກປອດສານພິດບ້ານໂພນສິມເຂົ້າຮ່ວມ.

ທ່ານ ແສງສະຫວ່າງ ຫຼວງພະ ຈະເລີນ ປະທານກຸ່ມປູກຜັກປອດ ສານພິດບ້ານໂພນສິມ ໄດ້ລາຍງານ ໃຫ້ຮູ້ວ່າ: ພາຍຫຼັງໄດ້ຮັບການຝຶກອົບຮົມກ່ຽວກັບຂັ້ນຕອນ ແລະວິ ທີການປູກພືດຊະນິດຕ່າງໆລວມ ໄປເຖິງການຜະລິດຝຸ່ນອິນຊີແຕ່ປີ 2017 ເປັນຕົ້ນມາ, ເຮັດໃຫ້ເຕັກ ນິກວິຊາການປູກພືດຂອງພວກເຮົາ ໄດ້ຮັບການຍົກລະດັບ ແລະຊີວິດ ການເປັນຢູ່ກໍ່ດີຂຶ້ນ, ປະຈຸບັນສາ ມາດຜະລິດເພື່ອສົ່ງອອກໄດ້ເຖິງ 52 ຊະນິດເປັນຕົ້ນແມ່ນ: ຜັກສະ ຫຼັດ, ຜັກກາດ, ໝາກແຕງ, ໝາກ ເລັ່ນ, ໝາກເຜັດ ແລະອື່ນໆ, ຊຶ່ງ ໄດ້ຮັບຄວາມສົນໃຈຈາກຜູ້ບໍລິໂພກ ແລະທ້ອງຕະຫຼາດສັ່ງເຂົ້າມາເປັນຈຳນວນຫຼວງຫຼາຍ, ສະເລ່ຍລາຍຮັບພາຍໃນກຸ່ມຕໍ່ເດືອນບໍ່ຫຼຸດ 45 ລ້ານກີບ ແລະຕໍ່ຄອບຄົວສູງສຸດ 12 ລ້ານກີບຕໍ່ເດືອນ.

ແນວໃດກໍຕາມ ສໍາລັບການຜະ ລິດດັ່ງກ່າວພວກເຮົາກໍ່ຍັງມີພືດ ບາງຊະນິດທີ່ຍັງບໍ່ທັນສາມາດຜະລິດແນວພັນພືດເອງໄດ້ ຈຶ່ງຈຳເປັນ ຕ້ອງໄດ້ສັ່ງຊື້ແນວພັນນຳເຂົ້າຈາກຕ່າງປະເທດ ເຮັດໃຫ້ຕົ້ນທຶນການ ຜະລິດຈຶ່ງມີລາຄາທີ່ສູງ ແລະຖ້າ ເປັນໄປໄດ້ແມ່ນຂໍໃຫ້ທາງສະຫະ ພັນກຳມະບານແຂວງສະຫວັນນະ ເຂດ ກໍ່ຄືພາກສ່ວນທີ່ກ່ຽວຂ້ອງ ຈັດຝຶກອົບຮົມຍົກລະດັບທາງດ້ານ ເຕັກນິກວິຊາການຂະຫຍາຍແນວ ພັນພືດໃຫ້ແກ່ພວກເຮົາຕື່ມ ເພື່ອ ຫຼຸດຜ່ອນຕົ້ນທຶນການນຳເຂົ້າແນວ ພັນພືດຈາກຕ່າງປະເທດໃນແຕ່ລະປີ.

ສະໜັບສະໜຸນໂດຍ: ສ່ວນບຸກຄົນ

 

___________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์