ຂະບວນທຳມະຍາດຕາ 5 ແຜ່ນດິນລຸ່ມແມ່ນໍ້າຂອງ

  ວັນທີ 22 ຕຸລາ 2019 ຄະນະສົງໂຄງທຳມະຍາດຕາ 5 ແຜ່ນດິນລຸ່ມແມ່ນໍ້າຂອງປະກອບມີລາວ, ໄທ, ຫວຽດນາມ, ກຳປູເຈຍ ແລະມຽນມາ ໄດ້ເດີນທາງມາເຄື່ອ ນໄຫວກິດຈະກຳຢູ່ ແຂວງຫຼວງພະບາງ ແຫ່ງ ສປປ ລາວ ໂດຍໃຫ້ ກຽດຕ້ອນຮັບຂອງຄະນະຮັບຜິດຊອບຈາກສູນກາງແນວລາວສ້າງຊາດ, ພາກສ່ວນທີກ່ຽວຂ້ອງຂອງແຂວງ, ນະຄອນ, ອົງການຈັດຕັ້ງ, ເຖົ້າແກ່ແນວໂຮມ ແລະປະຊາຊົນບັນດາເຜົ່າຢູ່ໂຮງແຮມເດີແກຣນ. ຈາກນັ້ນ, ໃນວັນທີ 23 ຄະນະສົງໂຄງທຳມະຍາດຕາໄດ້ຈັດກິດ ຈະກຳທາງ ສາສະໜາຢູ່ວັດຊຽງທອງ.

  ທ່ານ ສົມອົກ ກິ່ງສະດາ ຮອງປະທານ ສູນກາງແນວລາວສ້າງຊາດກ່າວວ່າ: ສາສະໜາໄດ້ກຳເນີດເກີດຂຶ້ນມາແລ້ວຫຼາຍພັນປີປະເທດລາວເປັນອີກປະເທດໜຶ່ງທີ່ມີມູນເຊື້ອວັດທະນະທຳ-ຮີດຄອງ ປະເພນີອັນດີງາມໂດຍສະເພາະແມ່ນ ນະຄອນຫຼວງພະບາງໃນເມື່ອກ່ອນແມ່ນ ເປັນຕົ້ນກຳເນີດ ແລະເປັນສູນລວມທາງ ດ້ານສາສະໜາ, ວັດທະນະທຳ, ວັດທະນະ ທຳ-ຮີດຄອງປະເພນີອັນດີງາມຂອງ ຊາດລາວ. ສຳລັບໂຄງທຳມະຍາດຕາ 5 ປະເທດ ລຸ່ມແມ່ນ້ຳຂອງຈັດຂຶ້ນໃນຄັ້ງ ນີ້ເປັນຄັ້ງທີ 2, ເປັນການເພີ່ມພູນຄູນສ້າງສາຍພົວພັນມິດຕະພາບລະຫວ່າງປະຊາຊົນລຸ່ມແມ່ນ້ຳຂອງໃຫ້ມີຄວາມໃກ້ສິດສະໜິດສະໜົມກັນເພີ່ມຂຶ້ນ,ເພື່ອສົ່ງເສີມປະເພນີ ແລະວັດທະນະ ທຳອັນດີງາມ ຂອງແຕ່ລະປະເທດໃຫ້ມີຄວາມຍືນຍົງ ແລະເປັນການສົ່ງເສີ່ມການທ່ອງທ່ຽວ ທາງດ້ານພຸດທະສາສະໜາ ແລະວັດທະ ນະທຳຕື່ມອີກ.

   ສະໜັບສະໜຸນໂດຍ: HONDA

 

  ທ່ານກ່າວຕື່ມວ່າ: ຜ່ານມາພັກ-ລັດຖະບານແຫ່ງ ສປປ ລາວ ໄດ້ໃຫ້ຄວາມສຳ ຄັນທາງດ້ານສິດເສລິພາບໃນການເຊື້ອຖື ຫຼືບໍ່ເຊື່ອຖືສາສະໜາຂອງພົນລະເມືອງລາວບັນດາເຜົ່າພ້ອມທັງປຸກລະດົມຂົນຂວາຍໃຫ້ພະສົງ- ນັກບວດ ແລະນັກສອນ ສາສະໜາຕ່າງໆ ເຄື່ອນໄຫວນຳເອົາຫຼັກສິນທຳອັນດີງາມເພື່ອສຶກສາອົບຮົມສິນລະທຳໃຫ້ປະຊາຊົນບັນດາເຜົ່າຮູ້ຈັກບາບ-ບຸນຄຸນໂທດ ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະສ້າງສາພັດທະນາປະເທດຊາດໃຫ້ສອດຄ່ອງກັບແນວທາງ ແລະລະ ບຽບກົດໝາຍທີ່ວາງໄວ້.

ສະໜັບສະໜຸນໂດຍ: ສ່ວນບຸກຄົນ

 

  ໃນພິທີສາທຸໃຫຍ່ ອ່ອນແກ້ວ ກິດຕິປັດ ໂທປະທານພຸດທະສາສະໜາສຳພັນລາວ ແຂວງຫຼວງພະບາງ ໄດ້ຂຶ້ນລາຍງານການເຄື່ອນໄຫວຂອງພະສົງຢູ່ແຂວງຫຼວງພະ ບາງໃຫ້ຄະນະສົງໂຄງທຳມະຍາດຕາ 5 ປະເທດລຸ່ມແມ່ນໍ້າຂອງຮັບຮູ້. ຈາກນັ້ນ, ຄະນະຜູ້ແທນພະສົງໂຄງທຳມະຍາດຕາລຸ່ມແມ່ນໍ້າໄດ້ທ່ຽວຊົມສະຖານທີ່ທ່ອງທຽວພາຍໃນນະຄອນຫຼວງພະບາງ. ສ່ວນວັນທີ 24 ຕຸລາ ຕອນເຊົ້າໄດ້ສືບປະຕິບັດກິຈະກຳບິນພະບາດຕາມເສັ້ນທາງສີສະຫວ່າງວົງມີພະສົງ 350 ຕົນ, ພ້ອມທັງປູກຕົ້ນໂພ ແລະຖວາຍຜ້າປ່າສາ ມັກຄີຢູ່ວັດຜາໂອຕື່ມອີກ.

____________

ຂຽນໂດຍ:  ແຫຼ້ ສຸລີນພອນ  
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์