ເກີດໄຟໄໝ້ຕະຫຼາດເມືອງປາກຊັນ

  ເກີດເຫດໄຟໄໝ້ຕະຫຼາດເມືອງປາກຊັນ ແຂວງບໍລິຄຳໄຊ ເຮັດໃຫ້ຊັບສິນຂອງແມ່ຄ້າຊາວຂາຍສູນເສຍຢ່າງຫຼວງຫຼາຍປະຈຸບັນແມ່ນຢູ່ໃນຂັ້ນຕອນການປະເມີນຜົນເສຍ ຫາຍ ແລະສຳຫຼວດກວດກາພື້ນທີ່ເພື່ອຊອກຄົ້ນຫາສາເຫດທີ່ແທ້ຈິງ.

 ທ່ານ ພັຕ ແຂກ ພົມມະກົດ ຮອງພະແນກສະກັດກັ້ນ ແລະຕ້ານອັກຄີໄພ ປກສ ແຂວງບໍລິຄຳໄຊ ລາຍງານຜ່ານໂທລະສັບໃຫ້ຮູ້ວ່າ: ເວລາ 2 ໂມງວັນທີ 23 ຕຸລາ 2019 ໄດ້ຮັບແຈ້ງຈາກພົນລະເມືອງວ່າ ໄດ້ມີເກີດເຫດໄຟໄໝ້ຕະຫຼາດເມືອງປາກ ຊັນແຂວງບໍລິຄຳໄຊ ດັ່ງນັ້ນໜ່ວຍງານສະ ກັດກັ້ນ ແລະຕ້ານອັກຄີໄພພ້ອມດ້ວຍຄະ ນະຮັບຜິດຊອບຈຶ່ງໄດ້ລົງປະຕິບັດໜ້າທີ່ ແລະນຳເອົາກຳລັງກົນຈັກລົດດັບໄຟ 3 ຄັນໄປດັບມອບ ພໍໄປເຖິງຈຸດໝາຍຍັງໄດ້ ລໍຖ້າໜ່ວຍງານວິຊາສະເພາະຕັດສາຍລະບົບ

ໄຟຟ້າປະມານ 15 ນາທີ ໃນໄລຍະນັ້ນ ເຮັດໃຫ້ໄຟໄໝ້ຢ່າງຮຸນແຮງລຸກລາມໄປ ເຄ່ິງຕະຫຼາດໃນໂຊນຕຶກທີສອງແລ້ວຈົນບໍ່ສາມາດຄວບຄຸມດັບມອດໄຟໄດ້ທັນເວລາຈາກນັ້ນໄດ້ປະສານເອົາກຳລັງລົດດັບ ໄຟຈາກເມືອງທ່າພະບາດມາສົບທົບຊ່ວຍ ຕື່ມອີກຈຳນວນ 3 ຄັນ ພ້ອມກັບກຳລັງ ເຈົ້າໜ້າທີ່ກ່ຽວຂ້ອງມາຊ່ວຍປະຕິບັດໜ້າທີ່ຈົນຮອດເວລາ 8 ໂມງຈຶ່ງສາມາດ ດັບມອບໄຟໄດ້.

ສະໜັບສະໜຸນໂດຍ: ສ່ວນບຸກຄົນ

ເຫດໄຟໄໝ້ຕະຫຼາດເມືອງປາກຊັນຄັ້ງນີ້ເຮັດໃຫ້ມີການສູນເສຍຊັບສິນຂອງບັນດາພໍ່ຄ້າຊາວຂາຍຂອງເມືອງດັ່ງກ່າວເສຍຫາຍຫຼາຍພໍສົມຄວນປະຈຸບັນແມ່ນຢູ່ໃນຂັ້ນຕອນສະຫຼຸບປະເມີນການເສຍຫາຍ ແລະສຳຫຼວດກວດກາພື້ນທີ່ເພື່ອຊອກຄົ້ນຫາສາເຫດທີ່ແທ້ຈິງ.

  ສະໜັບສະໜຸນໂດຍ: HONDA

_________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์