ບຸນປະເພນີເຜົ່າກຶມມຸບ້ານຫ້ວຍເຍີ

  ພິທີສະເຫຼີມສະຫຼອງງານບຸນເກີຣຂອງເຜົ່າກຶມມຸບ້ານຫ້ວຍເຍີ ເມືອງຫົງສາ ໄດ້ຈັດຂຶ້ນໃນວັນທີ 11 ມັງກອນ 2019 ຢູ່ທີ່ບ້ານດັ່ງກ່າວໂດຍການເປັນກຽດເຂົ້າຮ່ວມຂອງທ່ານ ນາງ ດາວວິນ ລາດຊະກິດ ຮອງເຈົ້າເມືອງໆຫົງສາ, ມີຄະນະນຳຂອງເມືອງ, ແຂກຖືກເຊີນ, ອຳນາດການປົກຄອງບ້ານພ້ອມດ້ວຍປະຊາຊົນພາຍໃນບ້ານເຂົ້າຮ່ວມຢ່າງພ້ອມພຽງ.

  ໃນງານດັ່ງກ່າວນີ້ທ່ານ ຄຳພຸດ ວົງວິຈິດ ນາຍບ້ານໆຫ້ວຍເຍີ ໄດ້ຜ່ານປະຫວັດຄວາມເປັນມາຂອງການຈັດງານບຸນ ແລະ ລາຍງານແຜນພັດທະນາເສດຖະ ກິດ-ສັງຄົມຂອງບ້ານໂດຍຫຍໍ້ຕໍ່ພິທີ, ຊຶ່ງທ່ານໄດ້ກ່າວວ່າບ້ານຫ້ວຍເຍີແມ່ນບ້ານໜຶ່ງທີ່ເປັນຊົນເຜົ່າກຶມມຸຕັ້ງຢູ່ຫ່າງຈາກເທສະບານເມືອງຫົງສາ 15 ກິໂລ ແມັດ, ທົ່ວບ້ານມີ 5 ໜ່ວຍຄຸ້ມຄອງພົນລະເມືອງ, ມີ 57 ຄອບຄົວ, ມີພົນລະເມືອງ 307 ຄົນ, ຍິງ 149 ຄົນ, ອາຊີບສ່ວນໃຫຍ່ຂອງປະຊາຊົນແມ່ນເຮັດນາ, ປູກເຂົ້າເນີນສູງ, ປູກພືດ-ລ້ຽງສັດ ແລະບໍລິການຄ້າຂາຍຈຳນວນໜຶ່ງ, ການຈັດງານບຸນເກີຣໃນຄັ້ງນີ້ກໍ່ເພື່ອເປັນການປະຕິບັດຕາມຮີດຄອງປະເພນີອັນດີງາມຂອງເຜົ່າທີ່ໄດ້ສືບທອດກັນມາແຕ່ບູຮານນະການ, ເປັນການເຕົ້າໂຮມຄວາມສາມັກຄີກັນຂອງປະຊາຊົນພາຍໃນບ້ານພາຍຫຼັງທີ່ໄດ້ສຳເລັດການເກັບກູ້ຜົນຜະລິດທາງດ້ານກະສິກຳ ແລະເປັນການສືບຕໍ່ການບົວລະບັດຮັກສາພືດລະດູແລ້ງຢ່າງເປັນຂະບວນຟົດຟື້ນ, ພ້ອມນັ້ນການຈັດງານໃນຄັ້ງນີ້ຍັງເປັນການສ້າງຂະບວນການຮອບດ້ານຂ່ຳນັບຊົມເຊີຍວັນສະຖາປານາ ສປປ ລາວ ຄົບຮອບ 43 ປີ, ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 98  ປີ ແລະເປັນການສ້າງຂະບວນການຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວຄົບຮອບ 70 ປີ ໃນງານບຸນດັ່ງກ່າວນີ້ກໍມີການຈັດພິທີກຳຕາມຮີດ ຄອງປະເພນີຂອງເຜົ່າກຶມມຸ, ມີພິທີບາສີສູ່ຂວັນອວຍພອນເຊິ່ງກັນ ແລະ ກັນ, ມີກິດຈະກຳການສະແດງສິລະປະ-ວັນນະຄະດີຂອງເຜົ່າ.

   ໃນໂອກາດດັ່ງກ່າວນີ້ທ່ານ ນາງ ດາວວິນ ລາດຊະກິດ ຮອງເຈົ້າເມືອງຫົງສາກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ກັບອົງການຈັດຕັ້ງບ້ານທີ່ໄດ້ຮ່ວມກັນຈັດ ງານດັ່ງກ່າວນີ້ຂຶ້ນ ແລະທ່ານຍັງໄດ້ເນັ້ນໜັກໃຫ້ອຳນາດການປົກຄອງບ້ານສືບຕໍ່ເອົາໃຈໃສ່ຮັກສາມູນເຊື້ອເອກະລັກວັດທະນະທຳຮີດຄອງປະເພນີຂອງເຜົ່າກຶມ ມຸໃຫ້ຢືນຍົງຕະຫຼອດໄປ.

แชร์